Ástin er ekki sinueldur Friðrika Benónýsdóttir skrifar 20. nóvember 2014 14:30 Ástarmeistarinn. Bækur: Ástarmeistarinn Oddný Eir Ævarsdóttir BjarturOddný Eir Ævarsdóttir hlaut einróma lof fyrir síðustu bók sína Jarðnæði sem á dögunum hlaut Evrópsku bókmenntaverðlaunin. Það var fyllilega verðskuldað lof og það er því með talsverðri eftirvæntingu sem maður hefur lesturinn á nýju skáldsögunni hennar Ástarmeistaranum. Eins og nafnið bendir til er ástin hér í forgrunni en sagan er þó nánast eins langt frá hefðbundinni ástarsögu og hægt er að komast. Þetta er engin „strákur hittir stelpu og eftir smá misskilning og spillandi afskipti vonds fólks ná þau saman og lifa hamingjusöm upp frá því“. Svo óralangt frá því. Hér eru reyndar ýmis ljón í vegi elskendanna, en ljónin eru flest innra með þeim sjálfum og alfarið á þeirra sjálfra ábyrgð að takast á við þau. Eftir hálfmisheppnaða tilraun til að ná saman í holdinu bregða elskendurnir verðandi á það ráð að skrifast á, tefla bréfskák, í leit sinni að ástinni. Hverju bréfi lýkur með einum leik í skákinni, sem reyndar segir þeim sem hvorki þekkir haus né sporð á skák ansi lítið, en er skemmtilegt tvist. Leikurinn berst víða og elskendurnir ganga fram af bæði sjálfum sér og öðrum í tilraunum sínum til að finna uppsprettu ástarinnar og þó enn frekar kynorkunnar. Kynorkulaus manneskja getur ekki kynnst ástinni samkvæmt þessari bók. Bókin ber skýr höfundareinkenni Oddnýjar Eirar; hina fersku sýn á mannlegt eðli og náttúruna, bæði innan manns og utan, kristaltæran stíl þar sem nánast hvert orð er þrungið merkingu og ekkert japl og jaml og fuður, og heimspekilega nálgun á viðfangsefnið. Undirtónninn er þó háerótískur en meira að segja samfaralýsingar, sem alltof oft vilja verða yfirmáta tilgerðarlegar eða klénar vísanir í klámbókmenntir, tekst henni að gera hreinar og beinar, fullkomlega eðlilegan lið í lýsingum á daglegu lífi fólks og athöfnum. Maður tekur ofan fyrir slíku tilgerðarlausu hispursleysi.Oddný Eir Ævarsdóttir. „Maður tekur ofan fyrir slíku tilgerðarlausu hispursleysi,“ segir Friðrika Benónýsdóttir. Vísir/ValliPersónusköpunin er svo kapítuli út af fyrir sig. Aðalpersónurnar Fjölnir og Anna eru vel skapaðar og tiltölulega venjulegar manneskjur sem við þekkjum öll en aukapersónur fá gjarna ýktari drætti og eru sumar hverjar frekar goðsögulegar staðalímyndir en eftirmyndir raunverulegs fólks. Það er þó greinilega ekki fyrir neina slysni því þannig tekst höfundi að láta þær vísa út fyrir verkið í ýmis önnur verk, bæði forn og ný, og bæta þannig enn einni vídd við söguna. Undirtitill bókarinnar er Blindskák, sem á vel við og tengist bæði skákþemanu fyrrnefnda og þeirri staðreynd að ástin er alltaf ófyrirsjáanleg og engin leið að segja fyrir um næsta leik. Raunar mætti lesa þessa sögu sem kennslubók í ástarleit en hún er þó mun breiðari og umfangsmeiri en svo að slíkur stimpill eigi við. Hér er einfaldlega öll lífshamingjan undir. Fyrst og fremst er þó Ástarmeistarinn fantalega skemmtileg og frumleg saga sem fær lesandann til að hugsa málin upp á nýtt og sjá ástina og lífið frá óvæntu sjónarhorni. Það er sannarlega ekkert smá afrek.Niðurstaða:Frumleg og fersk ástarsaga sem opnar lesandanum nýjar víddir. Gagnrýni Mest lesið Af vængjum fram: Búlgörsku mafíunni að mæta yrði Ásdísi dömpað Lífið Matti og tengdó selja 220 milljóna króna einbýlishús Lífið Baltasar og Sunneva afhjúpa kynið Lífið Forseti Hæstaréttar og Kristján Loftsson í gámapartýi Lífið Endurtekið hvött til að hvíla bláa litinn Lífið „Eru endaþarmsmök hættuleg?“ Lífið Gleðitár hjá hundrað konum á Geysi Lífið Inga Lind selur íbúð við Valshlíð Lífið Óvænt að „gáfumannarapparar“ herji stríð af þessu tagi Lífið Þórdís Björk og Júlí Heiðar eignuðust hárprúða stúlku Lífið Fleiri fréttir Falleg tónlist GDRN hljómaði ekki nógu vel Love Lies Bleeding: Ekið af hraðbraut og út í skurð Mislukkuð sýning í Borgarleikhúsinu með góðum sprettum Knox Goes Away: Gamlir en ekki sigraðir Ripley: Listaverk Tom Ripleys fullkomnað Blue Lights: Fljúgandi start Sjá meira
Bækur: Ástarmeistarinn Oddný Eir Ævarsdóttir BjarturOddný Eir Ævarsdóttir hlaut einróma lof fyrir síðustu bók sína Jarðnæði sem á dögunum hlaut Evrópsku bókmenntaverðlaunin. Það var fyllilega verðskuldað lof og það er því með talsverðri eftirvæntingu sem maður hefur lesturinn á nýju skáldsögunni hennar Ástarmeistaranum. Eins og nafnið bendir til er ástin hér í forgrunni en sagan er þó nánast eins langt frá hefðbundinni ástarsögu og hægt er að komast. Þetta er engin „strákur hittir stelpu og eftir smá misskilning og spillandi afskipti vonds fólks ná þau saman og lifa hamingjusöm upp frá því“. Svo óralangt frá því. Hér eru reyndar ýmis ljón í vegi elskendanna, en ljónin eru flest innra með þeim sjálfum og alfarið á þeirra sjálfra ábyrgð að takast á við þau. Eftir hálfmisheppnaða tilraun til að ná saman í holdinu bregða elskendurnir verðandi á það ráð að skrifast á, tefla bréfskák, í leit sinni að ástinni. Hverju bréfi lýkur með einum leik í skákinni, sem reyndar segir þeim sem hvorki þekkir haus né sporð á skák ansi lítið, en er skemmtilegt tvist. Leikurinn berst víða og elskendurnir ganga fram af bæði sjálfum sér og öðrum í tilraunum sínum til að finna uppsprettu ástarinnar og þó enn frekar kynorkunnar. Kynorkulaus manneskja getur ekki kynnst ástinni samkvæmt þessari bók. Bókin ber skýr höfundareinkenni Oddnýjar Eirar; hina fersku sýn á mannlegt eðli og náttúruna, bæði innan manns og utan, kristaltæran stíl þar sem nánast hvert orð er þrungið merkingu og ekkert japl og jaml og fuður, og heimspekilega nálgun á viðfangsefnið. Undirtónninn er þó háerótískur en meira að segja samfaralýsingar, sem alltof oft vilja verða yfirmáta tilgerðarlegar eða klénar vísanir í klámbókmenntir, tekst henni að gera hreinar og beinar, fullkomlega eðlilegan lið í lýsingum á daglegu lífi fólks og athöfnum. Maður tekur ofan fyrir slíku tilgerðarlausu hispursleysi.Oddný Eir Ævarsdóttir. „Maður tekur ofan fyrir slíku tilgerðarlausu hispursleysi,“ segir Friðrika Benónýsdóttir. Vísir/ValliPersónusköpunin er svo kapítuli út af fyrir sig. Aðalpersónurnar Fjölnir og Anna eru vel skapaðar og tiltölulega venjulegar manneskjur sem við þekkjum öll en aukapersónur fá gjarna ýktari drætti og eru sumar hverjar frekar goðsögulegar staðalímyndir en eftirmyndir raunverulegs fólks. Það er þó greinilega ekki fyrir neina slysni því þannig tekst höfundi að láta þær vísa út fyrir verkið í ýmis önnur verk, bæði forn og ný, og bæta þannig enn einni vídd við söguna. Undirtitill bókarinnar er Blindskák, sem á vel við og tengist bæði skákþemanu fyrrnefnda og þeirri staðreynd að ástin er alltaf ófyrirsjáanleg og engin leið að segja fyrir um næsta leik. Raunar mætti lesa þessa sögu sem kennslubók í ástarleit en hún er þó mun breiðari og umfangsmeiri en svo að slíkur stimpill eigi við. Hér er einfaldlega öll lífshamingjan undir. Fyrst og fremst er þó Ástarmeistarinn fantalega skemmtileg og frumleg saga sem fær lesandann til að hugsa málin upp á nýtt og sjá ástina og lífið frá óvæntu sjónarhorni. Það er sannarlega ekkert smá afrek.Niðurstaða:Frumleg og fersk ástarsaga sem opnar lesandanum nýjar víddir.
Gagnrýni Mest lesið Af vængjum fram: Búlgörsku mafíunni að mæta yrði Ásdísi dömpað Lífið Matti og tengdó selja 220 milljóna króna einbýlishús Lífið Baltasar og Sunneva afhjúpa kynið Lífið Forseti Hæstaréttar og Kristján Loftsson í gámapartýi Lífið Endurtekið hvött til að hvíla bláa litinn Lífið „Eru endaþarmsmök hættuleg?“ Lífið Gleðitár hjá hundrað konum á Geysi Lífið Inga Lind selur íbúð við Valshlíð Lífið Óvænt að „gáfumannarapparar“ herji stríð af þessu tagi Lífið Þórdís Björk og Júlí Heiðar eignuðust hárprúða stúlku Lífið Fleiri fréttir Falleg tónlist GDRN hljómaði ekki nógu vel Love Lies Bleeding: Ekið af hraðbraut og út í skurð Mislukkuð sýning í Borgarleikhúsinu með góðum sprettum Knox Goes Away: Gamlir en ekki sigraðir Ripley: Listaverk Tom Ripleys fullkomnað Blue Lights: Fljúgandi start Sjá meira