Innlent

Björgvin G. ráðinn sveitarstjóri Ásahrepps

Stefán Ó. Jónsson skrifar
Ráðherrann fyrrverandi var ráðinn sveitarstjóri.
Ráðherrann fyrrverandi var ráðinn sveitarstjóri.

Björgvin G. Sigurðsson, fyrrverandi ráðherra og alþingismaður, var í daginn skipaður nýr sveitastjóri Ásahrepps í Rangárvallasýslu.

Alls sótti tuttugu og einn um stöðuna en um var að ræða 70 prósent starf.

Björgvin segir í samtali við Vísi að hann hafi heyrt af því um hádegi að honum byðist sveitarstjórastarfið og að öllum líkindum hæfi hann störf um mánaðamótin. Það á þó eftir að ganga frá einstaka atriðum í ráðningasamningi hans og mun Björgvin funda með sveitarstjórnarmeðlimum nú á miðvikudag.

Aðspurður um ástæðu umsóknarinnar segir Björgin að honum hafi einfaldlega þótt auglýsing hreppsnefndarinnar í Morgunblaðinu spennandi og taldi hann að reynsla sín úr stjórnmálum gæti komið að góðum notum í sveitarfélaginu en íbúar þess eru um 194 talsins.

„Ég hef meira og minna starfað á sviði stjórnmála síðustu fimmtán árin og hef töluverða reynslu sem alþingsmaður og ráðherra. Ég var einnig fyrsti þingmaður kjördæmsins á sínum tíma og var þá í miklum samskiptum við sveitarstjórnarmenn. Þetta er sveitarfélag á mínu svæði - „hinu megin við Þjórsá“ - sem auglýsti starf sem ég hef mikinn áhuga á og mér þótti mjög áhugavert að skipta um gír og prófa eitthvað nýtt“.

Ráðning Björgvins gildir út yfirstandandi kjörtímabil. 


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.