Hrafn þjálfar Stjörnuna | Kjartan Atli aðstoðarþjálfari

Hrafn Kristjánsson hefur verið ráðinn þjálfari Stjörnunnar í Dominos-deild karla í körfubolta en þetta kemur fram í fréttatilkynningu frá Stjörnumönnum.

Vísir greindi frá því í síðasta mánuði að Hrafn myndi taka við af TeitiÖrlygssyni sem þjálfari Stjörnunni en Hrafn skrifaði undir tveggja ára samning við Garðbæinga í dag.

Hrafn hefur á sínum ferli þjálfað KFÍ, Þór, Breiðablik og KR og vesturbæjarliðið gerði hann að tvöföldum meisturum árið 2011. Hann vann þá Stjörnuna í lokaúrslitum og sigraði þar þjálfarann sem hann tekur nú við af.

Snorri ÖrnArnaldsson, aðstoðarmaður Teits, lætur einnig af störfum en Hrafni til aðstoðar verður Kjartan Atli Kjartansson, fyrrverandi leikmaður Stjörnuliðsins.

Kjartan Atli hefur getið af sér gott orð sem yngri flokka þjálfari hjá Stjörnunni undanfarin ár auk þess sem hann hefur þjálfað meistaraflokk kvenna hjá félaginu.

„Stjórn Kkd. Stjörnunnar telur sig hafa fundið verðuga arftaka þeirra Teits og Snorra og hlakkar til að takast á með þeim við hið skemmtilega og krefjandi verkefni sem framundan er og bíður þá velkomna til starfa,“ segir í tilkynningu Stjörnumanna.