Ég væri miklu frekar til í að vera flengd
Hallveig Jónsdóttir, Ingunn Embla Kristínardóttir, Hildur Björg Kjartansdóttir og Sara Rún Hinriksdóttir voru vígðar í íslenska kvennalandsliðið í körfuknattleik í Lúxemborg í dag.
Vígsluathöfnin fór fram í matsal íþróttafólksins á Smáþjóðaleikunum og fólst í því að hinar fjórar fræknu dönsuðu allsérstakan dans fyrir nærstadda. Dansinn var frumsaminn og voru stelpurnar samstilltar í klæðavali sínu.
Í viðtali við Adolf Inga Erlingsson, íþróttafréttamann á Rúv, voru stelpurnar nokkuð brattar og sögðu uppátækið hafa verið lítið mál. Þegar Adolf benti þeim á að rassskellingar væru algeng vígsluathöfn í handboltalandsliðunum sagði Sara Rún:
„Ég væri miklu frekar til í að vera flengd."
Keflvíkingurinn uppskar mikinn hlátur hjá félögum sínum og Adolf Ingi spurði í gamni hvort það væri einhver sjálfboðaliði til í að taka verkið að sér.
Uppátækið má sjá á vef Rúv.
Íslensku stelpurnar mæta liði Kýpur á leikunum í dag. Hægt er að fylgjast með beinni tölfræðilýsingu frá leiknum hér.
Tengdar fréttir
Foreldrar rassskellta piltsins beðnir afsökunar
Ljósmynd af særðum afturenda ungs leikmanns handknattleiksdeildar Fjölnis hefur vakið mikil viðbrögð. Meiðslin hlaut hann við umdeilda vígsluathöfn inn í meistaraflokk félagsins á dögunum. Formaður deildarinnar segir að hart verði tekið á málinu
Menn taka vel í rassskellingar og hafa gaman af
Leikmenn íslenska U20 ára landsliðs karla í handknattleik eru rassskelltir þrátt fyrir að ekki sé um hefð að ræða. Þetta staðfesti Árni Benedikt Árnason, leikmaður U20 ára liðsins í samtali við Vísi í gærkvöldi.
Rassskellingar hafa tíðkast lengi
Nýliðar í íslenska karlalandsliðinu í handknattleik hafa um árabil verið boðnir velkomnir með flengingu að loknum þeirra fyrsta leik með liðinu. Hefðin er einnig fyrir hendi í meistaraflokkum íslenskra félaga.
