Herbalife kom mér í kvikmyndabransann 15. desember 2011 13:30 Við leiði Steins Steinarrs Margrét Hrafnsdóttir framleiðir tvær myndir á næstunni: Kill the Poet, sem eiginmaðurinn Jón Óttar leikstýrir, og svo Terra Inferma með William Hurt og Terence Stamp í stórum hlutverkum. Fréttablaðið/GVA Fyrir tuttugu árum fluttu Margrét Hrafnsdóttir og Jón Óttar Ragnarsson til Los Angeles og settust á skólabekk í kvikmyndagerð. En það er fyrst núna að þau eru að láta drauminn rætast. „Við vorum að koma frá Kanada og London, Við byrjum á fullu að undirbúa tökur í Montréal þann 7. janúar, tökurnar hefjast í lok febrúar og svo verðum við hérlendis í mars,“ segir Margrét Hrafnsdóttir kvikmyndaframleiðandi. Hún og eiginmaður hennar, Jón Óttar Ragnarsson, eru að leggja lokahönd á undirbúning kvikmyndarinnar Kill the Poet sem fjallar um stormasamt líf Steins Steinarrs, félaga hans í Unuhúsi og samband hans við listakonurnar Louisu Matthíasdóttur og Nínu Tryggvadóttur. Með aðalhlutverkin í myndinni fara þau Nick Stahl, Anita Briem og Nína Dögg Filippusdóttir. Bankahrunið setur strikMyndin hefur verið lengi í vinnslu og framleiðsla hennar hefur oft staðið tæpt. „Við vorum næstum því búin að sigla henni í örugga höfn 2007, leikararnir voru komnir og allt var klappað og klárt þegar bankahrunið varð,“ segir Margrét og bætir því við að þá hafi þau þurft að standa frammi fyrir erfiðum ákvörðunum. „Við þurftum að horfa raunsætt á málið, hvort við ætluðum virkilega að fara í þessa þrautagöngu, að byrja aftur fjármögnun á myndinni. Við sjáum ekki eftir þeirri ákvörðun í dag.“ Margrét er jafnframt viss um að Kill the Poet eigi meira erindi við fólk í dag en hún átti kannski fyrir hrun. Hún fjalli um listamenn sem eru að berjast fyrir lífi sínu. „Louisa og Nína Tryggvadóttir hittast til að mynda í París og flýja stríðið saman til Íslands. Þessi hópur listamanna myndast hérna út af stríðsástandi og það á svo sterkt við í dag.“ Gerir mynd með William HurtÞau hjónin eru með fleiri járn í eldinum á kvikmyndasviðinu. Margrét er hluti af framleiðendateymi spennutryllisins Terra Infirma sem skartar meðal annars stórleikaranum William Hurt í stóru hlutverki ásamt Terence Stamp. Margrét hefur lagt það til að einhverjar tökur myndarinnar fari fram hér á landi auk þess sem íslenskum leikara hefur verið boðið að leika í myndinni. „Ég kynntist þessu fólki í gegnum meðframleiðanda okkar í Kill the Poet. Um leið og maður hefur sýnt að maður getur hluti þá opnast einhverjar dyr,“ segir Margrét. Herbalife hliðarskrefiðMargrét og Jón Óttar eru kannski þekktust sem Herbalife-hjónin hér á landi. Kvikmyndagerðin hefur samt alltaf átt hug þeirra og hjarta, hún var ástæðan fyrir því að þau fluttu út. „Ég kynntist Herbalife úti árið 1996 og grunaði aldrei að þetta ætti eftir að verða svona stórt. Fyrirtækið var virt en þótti kannski ekkert sérstaklega „kúl“.“ En það átti svo sannarlega eftir að breytast, offitufaraldurinn svokallaði hefur breytt viðhorfi fólks, heilsumarkaðurinn fer sífellt stækkandi og Herbalife er nú skráð á hlutabréfamarkað í New York með David Beckham og Lionel Messi sem sína helstu talsmenn.“ Margrét segir að þau hefðu aldrei getað farið út í kvikmyndagerð af þessari stærðargráðu ef ekki hefði verið fyrir Herbalife-ævintýrið. „Okkar bakgrunnur er fyrst og fremst menning og listir. Ragnar í Smára framleiddi smjörlíki til að geta haldið uppi listamönnum. Maður verður að hafa sterkan fjárhagslegan bakgrunn til að geta lagt af stað í svona ferðalag.“ Unnið með ClintonÁrin eru orðin fimmtán í Bandaríkjunum og Margrét hefur reynt ýmislegt. Hún er dyggur stuðningsmaður Demókrataflokksins og vann náið með Hillary Clinton þegar hún reyndi að fá útnefningu flokksins til forsetaframboðs. „Hún er alveg einstök kona,“ segir Margrét um Hillary Margrét mun eyða tveimur mánuðum í að vinna við kosningabaráttu Demókrataflokksins á næsta ári en þá verða forsetakosningar og Barack Obama sækist eftir endurkjöri. Margrét segist trúa því að hann nái því takmarki. „Hann hefur kannski ekki staðið undir væntingum og að mínu mati fór hann of snemma út í þetta. En hann verður áfram forseti Bandaríkjanna því framboð Repúblikana er bara ekki beysið og komið svo langt út í hægri öfgar, nema einhver nýr og spennandi fari í framboð.“ Forsetakosningar 2012 Lífið Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Of þung en annars hraust á Ozempic Innlent Skuldirnar bíði þegar frelsið taki við Innlent Forsetavaktin 2024: Hver verður sjöundi forseti lýðveldisins? Innlent Gular viðvaranir á Suðurlandi, Suðausturlandi og Faxaflóa á morgun Innlent Segja grafalvarlegt mál að fresta atkvæðagreiðslu Innlent „Engu okkar er boðið að koma þarna og sjá“ Innlent Ekki megrunarlyf heldur lyf við offitu Innlent Myndband sýnir árás Diddy Erlent Slagsmálahundar afþökkuðu aðstoð lögreglu Innlent „Það er miður að það falli til kostnaður vegna þessa“ Innlent Fleiri fréttir Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Sjá meira
Fyrir tuttugu árum fluttu Margrét Hrafnsdóttir og Jón Óttar Ragnarsson til Los Angeles og settust á skólabekk í kvikmyndagerð. En það er fyrst núna að þau eru að láta drauminn rætast. „Við vorum að koma frá Kanada og London, Við byrjum á fullu að undirbúa tökur í Montréal þann 7. janúar, tökurnar hefjast í lok febrúar og svo verðum við hérlendis í mars,“ segir Margrét Hrafnsdóttir kvikmyndaframleiðandi. Hún og eiginmaður hennar, Jón Óttar Ragnarsson, eru að leggja lokahönd á undirbúning kvikmyndarinnar Kill the Poet sem fjallar um stormasamt líf Steins Steinarrs, félaga hans í Unuhúsi og samband hans við listakonurnar Louisu Matthíasdóttur og Nínu Tryggvadóttur. Með aðalhlutverkin í myndinni fara þau Nick Stahl, Anita Briem og Nína Dögg Filippusdóttir. Bankahrunið setur strikMyndin hefur verið lengi í vinnslu og framleiðsla hennar hefur oft staðið tæpt. „Við vorum næstum því búin að sigla henni í örugga höfn 2007, leikararnir voru komnir og allt var klappað og klárt þegar bankahrunið varð,“ segir Margrét og bætir því við að þá hafi þau þurft að standa frammi fyrir erfiðum ákvörðunum. „Við þurftum að horfa raunsætt á málið, hvort við ætluðum virkilega að fara í þessa þrautagöngu, að byrja aftur fjármögnun á myndinni. Við sjáum ekki eftir þeirri ákvörðun í dag.“ Margrét er jafnframt viss um að Kill the Poet eigi meira erindi við fólk í dag en hún átti kannski fyrir hrun. Hún fjalli um listamenn sem eru að berjast fyrir lífi sínu. „Louisa og Nína Tryggvadóttir hittast til að mynda í París og flýja stríðið saman til Íslands. Þessi hópur listamanna myndast hérna út af stríðsástandi og það á svo sterkt við í dag.“ Gerir mynd með William HurtÞau hjónin eru með fleiri járn í eldinum á kvikmyndasviðinu. Margrét er hluti af framleiðendateymi spennutryllisins Terra Infirma sem skartar meðal annars stórleikaranum William Hurt í stóru hlutverki ásamt Terence Stamp. Margrét hefur lagt það til að einhverjar tökur myndarinnar fari fram hér á landi auk þess sem íslenskum leikara hefur verið boðið að leika í myndinni. „Ég kynntist þessu fólki í gegnum meðframleiðanda okkar í Kill the Poet. Um leið og maður hefur sýnt að maður getur hluti þá opnast einhverjar dyr,“ segir Margrét. Herbalife hliðarskrefiðMargrét og Jón Óttar eru kannski þekktust sem Herbalife-hjónin hér á landi. Kvikmyndagerðin hefur samt alltaf átt hug þeirra og hjarta, hún var ástæðan fyrir því að þau fluttu út. „Ég kynntist Herbalife úti árið 1996 og grunaði aldrei að þetta ætti eftir að verða svona stórt. Fyrirtækið var virt en þótti kannski ekkert sérstaklega „kúl“.“ En það átti svo sannarlega eftir að breytast, offitufaraldurinn svokallaði hefur breytt viðhorfi fólks, heilsumarkaðurinn fer sífellt stækkandi og Herbalife er nú skráð á hlutabréfamarkað í New York með David Beckham og Lionel Messi sem sína helstu talsmenn.“ Margrét segir að þau hefðu aldrei getað farið út í kvikmyndagerð af þessari stærðargráðu ef ekki hefði verið fyrir Herbalife-ævintýrið. „Okkar bakgrunnur er fyrst og fremst menning og listir. Ragnar í Smára framleiddi smjörlíki til að geta haldið uppi listamönnum. Maður verður að hafa sterkan fjárhagslegan bakgrunn til að geta lagt af stað í svona ferðalag.“ Unnið með ClintonÁrin eru orðin fimmtán í Bandaríkjunum og Margrét hefur reynt ýmislegt. Hún er dyggur stuðningsmaður Demókrataflokksins og vann náið með Hillary Clinton þegar hún reyndi að fá útnefningu flokksins til forsetaframboðs. „Hún er alveg einstök kona,“ segir Margrét um Hillary Margrét mun eyða tveimur mánuðum í að vinna við kosningabaráttu Demókrataflokksins á næsta ári en þá verða forsetakosningar og Barack Obama sækist eftir endurkjöri. Margrét segist trúa því að hann nái því takmarki. „Hann hefur kannski ekki staðið undir væntingum og að mínu mati fór hann of snemma út í þetta. En hann verður áfram forseti Bandaríkjanna því framboð Repúblikana er bara ekki beysið og komið svo langt út í hægri öfgar, nema einhver nýr og spennandi fari í framboð.“
Forsetakosningar 2012 Lífið Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Of þung en annars hraust á Ozempic Innlent Skuldirnar bíði þegar frelsið taki við Innlent Forsetavaktin 2024: Hver verður sjöundi forseti lýðveldisins? Innlent Gular viðvaranir á Suðurlandi, Suðausturlandi og Faxaflóa á morgun Innlent Segja grafalvarlegt mál að fresta atkvæðagreiðslu Innlent „Engu okkar er boðið að koma þarna og sjá“ Innlent Ekki megrunarlyf heldur lyf við offitu Innlent Myndband sýnir árás Diddy Erlent Slagsmálahundar afþökkuðu aðstoð lögreglu Innlent „Það er miður að það falli til kostnaður vegna þessa“ Innlent Fleiri fréttir Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Sjá meira