Hátíðin hefur sannað sig og fest rætur 9. mars 2011 00:01 Sigurður Hall matreiðslumeistari og Baldvin Jónsson, framkvæmdastjóri Food and Fun. Matarhátíðin Food and Fun verður haldin í tíunda skipti í Reykjavík dagana níunda til þrettánda mars og verður með veglegasta móti í tilefni afmælisins. Fjöldi nafntogaðra erlendra matreiðslumanna mun sækja landið heim og glæða borgina lífi. Matreiðslumeistarinn Sigurður Hall hefur staðið að baki hátíðinni frá upphafi ásamt félaga sínum Baldvini Jónssyni. "Baldvin hafði gengið með þessa hugmynd í maganum um nokkurt skeið og nefnt hana við mig. Það var samt ekki fyrr en í kringum aldamótin síðustu að forsvarsmenn Icelandair lýstu sig reiðubúna til að vera með en aðkoma flugfélags var í raun forsenda þess að gera þetta mögulegt. Þetta var skömmu eftir árásina á tvíburaturnana árið 2001. Ferðamennska lá niðri og ljóst að það þurfti átak til að koma henni af stað á ný. Hátíðin var liður í því en helsti tilgangur hennar er að laða erlenda aðila til landsins og fá umfjöllun um íslenskar landbúnaðarafurðir, hreinleikann, öryggið og landsins gæði. Það hefur tekist og er varla fjallað um landið í dag án þess að minnast á matinn sem einkennir okkur," segir Sigurður. Fyrirkomulag hátíðarinnar hefur frá upphafi verið þannig að erlendir kokkar sækja landið heim og matreiða úr íslensku hráefni í einhvers konar blöndu af keppni og skemmtun. "Þeim er parað saman við íslenska veitingastaði sem hafa svipaðar áherslur og þeir sjálfir og er þeim falið að útbúa fjögurra rétta máltíð. Almenningur getur svo valið á milli sautján veitingastaða að þessu sinni en alls staðar kostar matseðillinn það sama, eða 6.900 krónur." Sigurður gerir ráð fyrir því að allt að 20.000 gestir muni sækja veitingastaði borgarinnar á meðan á hátíðinni stendur.Fyrirkomulag keppninnar verður með breyttu sniði í ár en kokkarnir munu keppa í þremur riðlum. Sigurvegararnir í hverjum riðli fyrir sig keppa síðan sín á milli laugardaginn 12. mars. Þaulreyndir dómarar mæta til leiks en þeirra á meðal eru menn á borð við Jeffrey Buben, Robert Wiedmayer og Jeff Tunks frá Washington en þeir hafa unnið með Sigurði og Baldvini að hátíðinni frá upphafi. Um er að ræða þungavigtarmenn á sínu sviði en Jeff Tunks er meðal annars einn af þekktustu matreiðslumönnum Bandaríkjanna. Í verkahring dómaranna er einnig að sjá um fjögurra rétta hátíðarmatseðil í Súlnasal Hótel Sögu á laugardagskvöldið en þar verður hátíðardagskrá í tilefni afmælisins.Sigurður segir Food and Fun hátíðina fyrir löngu hafa sannað gildi sitt. "Hún er orðinn jafn fastur liður og páskarnir, verslunarmannahelgin og 17. júní og er sannarlega komin til að vera." Veitingastaðir Mest lesið Heitustu trendin fyrir sumarið 2024 Lífið Fantaflott með frönskum gluggum í Vesturbænum Lífið Elísabet og Áki nefndu stúlkuna Lífið „Lítið rauðhært kríli væntanlegt í nóvember“ Lífið Af vængjum fram: „Krakkar, ekki gera þetta heima“ Lífið Forseti Hæstaréttar og Kristján Loftsson í gámapartýi Lífið Elín Hall í rándýrum kjól á rauða dreglinum Lífið Alltaf með jager skot í töskunni Tíska og hönnun Óreiðulaus eldhús með þráðlausu kerfi KitchenAid Lífið samstarf Stóðu upp og klöppuðu í fimm mínútur fyrir Ljósbroti Bíó og sjónvarp Fleiri fréttir Bjóða ókeypis vín gegn því að símar séu læstir inni í skáp Sjá meira
Matarhátíðin Food and Fun verður haldin í tíunda skipti í Reykjavík dagana níunda til þrettánda mars og verður með veglegasta móti í tilefni afmælisins. Fjöldi nafntogaðra erlendra matreiðslumanna mun sækja landið heim og glæða borgina lífi. Matreiðslumeistarinn Sigurður Hall hefur staðið að baki hátíðinni frá upphafi ásamt félaga sínum Baldvini Jónssyni. "Baldvin hafði gengið með þessa hugmynd í maganum um nokkurt skeið og nefnt hana við mig. Það var samt ekki fyrr en í kringum aldamótin síðustu að forsvarsmenn Icelandair lýstu sig reiðubúna til að vera með en aðkoma flugfélags var í raun forsenda þess að gera þetta mögulegt. Þetta var skömmu eftir árásina á tvíburaturnana árið 2001. Ferðamennska lá niðri og ljóst að það þurfti átak til að koma henni af stað á ný. Hátíðin var liður í því en helsti tilgangur hennar er að laða erlenda aðila til landsins og fá umfjöllun um íslenskar landbúnaðarafurðir, hreinleikann, öryggið og landsins gæði. Það hefur tekist og er varla fjallað um landið í dag án þess að minnast á matinn sem einkennir okkur," segir Sigurður. Fyrirkomulag hátíðarinnar hefur frá upphafi verið þannig að erlendir kokkar sækja landið heim og matreiða úr íslensku hráefni í einhvers konar blöndu af keppni og skemmtun. "Þeim er parað saman við íslenska veitingastaði sem hafa svipaðar áherslur og þeir sjálfir og er þeim falið að útbúa fjögurra rétta máltíð. Almenningur getur svo valið á milli sautján veitingastaða að þessu sinni en alls staðar kostar matseðillinn það sama, eða 6.900 krónur." Sigurður gerir ráð fyrir því að allt að 20.000 gestir muni sækja veitingastaði borgarinnar á meðan á hátíðinni stendur.Fyrirkomulag keppninnar verður með breyttu sniði í ár en kokkarnir munu keppa í þremur riðlum. Sigurvegararnir í hverjum riðli fyrir sig keppa síðan sín á milli laugardaginn 12. mars. Þaulreyndir dómarar mæta til leiks en þeirra á meðal eru menn á borð við Jeffrey Buben, Robert Wiedmayer og Jeff Tunks frá Washington en þeir hafa unnið með Sigurði og Baldvini að hátíðinni frá upphafi. Um er að ræða þungavigtarmenn á sínu sviði en Jeff Tunks er meðal annars einn af þekktustu matreiðslumönnum Bandaríkjanna. Í verkahring dómaranna er einnig að sjá um fjögurra rétta hátíðarmatseðil í Súlnasal Hótel Sögu á laugardagskvöldið en þar verður hátíðardagskrá í tilefni afmælisins.Sigurður segir Food and Fun hátíðina fyrir löngu hafa sannað gildi sitt. "Hún er orðinn jafn fastur liður og páskarnir, verslunarmannahelgin og 17. júní og er sannarlega komin til að vera."
Veitingastaðir Mest lesið Heitustu trendin fyrir sumarið 2024 Lífið Fantaflott með frönskum gluggum í Vesturbænum Lífið Elísabet og Áki nefndu stúlkuna Lífið „Lítið rauðhært kríli væntanlegt í nóvember“ Lífið Af vængjum fram: „Krakkar, ekki gera þetta heima“ Lífið Forseti Hæstaréttar og Kristján Loftsson í gámapartýi Lífið Elín Hall í rándýrum kjól á rauða dreglinum Lífið Alltaf með jager skot í töskunni Tíska og hönnun Óreiðulaus eldhús með þráðlausu kerfi KitchenAid Lífið samstarf Stóðu upp og klöppuðu í fimm mínútur fyrir Ljósbroti Bíó og sjónvarp Fleiri fréttir Bjóða ókeypis vín gegn því að símar séu læstir inni í skáp Sjá meira