Dennis Quaid rifjar upp geimverutökur á Íslandi 25. september 2009 06:00 Bæði Morgunblaðið og DV fjölluðu ítarlega um geimverumyndina Enemy Mine á sínum tíma. Snöggt skipast veður í lofti í Hollywood því Morgunblaðið birti viðhafnarviðtal við leikstjórann Loncraine sunnudaginn 6. maí. Hann var rekinn daginn eftir samkvæmt frétt DV. Dennis Quaid er sannfærður um að Íslandstökurnar séu einhvers staðar til. Stórleikarinn Dennis Quaid er ekki búinn að gleyma Íslandsheimsókn sinni fyrir 25 árum. Hann langar til að sjá tökurnar úr Enemy Mine sem aldrei voru notaðar. Töluverð eftirvænting ríkti á Íslandi sumarið 1984 þegar útsendarar kvikmyndafyrirtækisins Twentieth Century Fox mætti til Vestmannaeyja og ætluðu að taka upp geimverumyndina Enemy Mine. Tökurnur frægu hafa aldrei litið dagsins ljós en bandaríski stórleikarinn Dennis Quaid, sem lék í myndinni á sínum tíma, er þó sannfærður um að þær liggi einhvers staðar í reiðileysi. „Það hefur enginn séð þessar tökur en ég væri alveg til í að sjá þær. Þetta var allt annað en það sem Wolfang Petersen gerði síðan seinna meir,“ sagði Quaid í samtali við kvikmyndavefinn i09.com nýverið. Upphaflega var gert ráð fyrir að kvikmyndin yrði að mestu leyti gerð í Vestmannaeyjum. Leikstjóri myndarinnar var Richard Loncraine og myndin var hugsuð sem andsvar við Star Wars-æðinu. Quaid rifjaði þessa eftirminnilegu Íslandsheimsókn upp í viðtali við Morgunblaðið fyrir fjórum árum. Íslenskir fjölmiðlar fylgdust grannt með gangi mála á sínum tíma en fyrst var greint frá komu kvikmyndagerðarmannanna í DV 15. mars 1984. Þar kom fram að þeir vildu taka uppi í Prestvík og í kjölfarið var skrifað undir samstarfssamning við fulltrúa Vestmannaeyjabæjar. Töluverð eftirvænting og spenna ríkti í þjóðfélaginu fyrir komu Hollywood-stjarnanna og stóra stundin rann loks upp þegar leikstjórinn Loncraine, Quaid og Louis Gossett Jr., sem þá var nýkrýndur Óskarsverðlaunahafi fyrir kvikmyndina An Officer and a Gentleman, mættu til landsins. Tökur fóru á fullt og allt leit út fyrir að Vestmannaeyjar væru á leiðinni til Hollywood. En svo kom sprengjan. Loncraine var rekinn án nokkurs fyrirvara. Á forsíðu DV mánudaginn 7. maí birtist fyrirsögnin „Leikstjóranum óvænt sparkað“ en þar var haft eftir einum starfsmanni myndarinnar að framleiðendurnir hefðu viljað fá meiri Star Wars-brag á myndina. Leikstjórinn stóð fastur á sínu og vildi halda í hin íslensku sérkenni. Loncraine hélt tilfinningaþrungið kveðjuhóf á Hvolsvelli með tárin í augunum ef marka má frásögn DV og hélt nánast samdægurs til London. Þýska leikstjóranum Wolfgang Petersen var falið það verkefni að taka upp þráðinn að nýju en honum leist ekkert á Ísland og flutti tökuliðið til Þýskalands þar sem myndin var loks gerð. Framvinda málsins virtist hafa verið snögg því Loncraine var í viðhafnarviðtali við Morgunblaðið daginn áður, sunnudaginn 6. maí, þar sem hann lýsti því yfir hversu miklu máli myndin skipti hann. Íslenskir fjölmiðlar voru á einu máli um að þarna hefði farið forgörðum kærkomið tækifæri til að koma Íslandi á kortið sem eftirsóknarverðu ferðamannalandi. Þeir tóku þó gleði sína á ný skömmu síðar þegar tökulið James Bond-myndarinnar A View to a Kill mætti í Jökulsárlón með Roger Moore fremstan í flokki. freyrgigja@frettabladid.is Mest lesið Friðrik Ómar setur Reykhúsið aftur á sölu og lækkar verðið Lífið „Ég væri ekkert án þeirra“ Lífið Daði keypti hús Jóns Jónssonar með mömmu sinni Lífið Tengdasonur Íslands trúðaði Simon Cowell upp úr skónum Bíó og sjónvarp Lykilmaður íslensku rappsenunnar stígur inn í sviðsljósið Tónlist Gekk í tvo tíma að flugvellinum til að komast hjá leigubílagjaldi Lífið Andrea Róberts keypti einbýli sem þarfnast ástar Lífið Ungt athafnapar keypti hönnunarhús Margrétar í Garðabæ Lífið „Þetta er enginn helvítis félagskvíði, það bara þolir mig enginn“ Áskorun „Í fyrrakvöld bjargaði Tesla bifreið lífi mínu“ Lífið samstarf Fleiri fréttir Daði keypti hús Jóns Jónssonar með mömmu sinni „Ég væri ekkert án þeirra“ Gekk í tvo tíma að flugvellinum til að komast hjá leigubílagjaldi Friðrik Ómar setur Reykhúsið aftur á sölu og lækkar verðið Linda lætur sér Lindarbraut lynda Áttaði sig á stöðunni á fundi með Höllu Ungt athafnapar keypti hönnunarhús Margrétar í Garðabæ Françoise Hardy er látin Framleiða meiri varning „vegna fjölda áskorana“ Spacey á barmi gjaldþrots Gerir upp sögu Séð og heyrt: „Þetta er mjög sterkur samfélagsspegill“ Georg í Sigur Rós keypti vistvænt hús við einn besta golfvöll landsins Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Litrík hlaupagleði í Laugardalnum Andrea Róberts keypti einbýli sem þarfnast ástar Katrín Edda og Markus opinbera kynið Rómantísk útsýnisíbúð Bergrúnar Írisar til sölu Einn handritshöfunda Simpsons á Íslandi Hefur ekki hugmynd um hvað tekur nú við Greta Salóme og Elvar eiga von á sínu öðru barni Grínaðist með yfirlið Binna í Köben Kennari hljóp til þegar Sushi læstist inni eftir skólaslit Hækkandi sól, sumarfrí og Bríet á bossanum Fólk ofmeti sína eigin þekkingu á næringu Annie Mist og Frederik nefna soninn Þurfum að vera tilbúin að deyja á hverjum degi Bjarni og Katrín selja 350 milljóna króna einbýli í Garðabæ Myndaveisla: Eliza og Lilja Alfreðs í afmæli Karls Bretakonungs Krakkatían: Landsliðið, eldgos og nýr forseti „Ég hef aldrei horft á mig sem fórnarlamb“ Sjá meira
Stórleikarinn Dennis Quaid er ekki búinn að gleyma Íslandsheimsókn sinni fyrir 25 árum. Hann langar til að sjá tökurnar úr Enemy Mine sem aldrei voru notaðar. Töluverð eftirvænting ríkti á Íslandi sumarið 1984 þegar útsendarar kvikmyndafyrirtækisins Twentieth Century Fox mætti til Vestmannaeyja og ætluðu að taka upp geimverumyndina Enemy Mine. Tökurnur frægu hafa aldrei litið dagsins ljós en bandaríski stórleikarinn Dennis Quaid, sem lék í myndinni á sínum tíma, er þó sannfærður um að þær liggi einhvers staðar í reiðileysi. „Það hefur enginn séð þessar tökur en ég væri alveg til í að sjá þær. Þetta var allt annað en það sem Wolfang Petersen gerði síðan seinna meir,“ sagði Quaid í samtali við kvikmyndavefinn i09.com nýverið. Upphaflega var gert ráð fyrir að kvikmyndin yrði að mestu leyti gerð í Vestmannaeyjum. Leikstjóri myndarinnar var Richard Loncraine og myndin var hugsuð sem andsvar við Star Wars-æðinu. Quaid rifjaði þessa eftirminnilegu Íslandsheimsókn upp í viðtali við Morgunblaðið fyrir fjórum árum. Íslenskir fjölmiðlar fylgdust grannt með gangi mála á sínum tíma en fyrst var greint frá komu kvikmyndagerðarmannanna í DV 15. mars 1984. Þar kom fram að þeir vildu taka uppi í Prestvík og í kjölfarið var skrifað undir samstarfssamning við fulltrúa Vestmannaeyjabæjar. Töluverð eftirvænting og spenna ríkti í þjóðfélaginu fyrir komu Hollywood-stjarnanna og stóra stundin rann loks upp þegar leikstjórinn Loncraine, Quaid og Louis Gossett Jr., sem þá var nýkrýndur Óskarsverðlaunahafi fyrir kvikmyndina An Officer and a Gentleman, mættu til landsins. Tökur fóru á fullt og allt leit út fyrir að Vestmannaeyjar væru á leiðinni til Hollywood. En svo kom sprengjan. Loncraine var rekinn án nokkurs fyrirvara. Á forsíðu DV mánudaginn 7. maí birtist fyrirsögnin „Leikstjóranum óvænt sparkað“ en þar var haft eftir einum starfsmanni myndarinnar að framleiðendurnir hefðu viljað fá meiri Star Wars-brag á myndina. Leikstjórinn stóð fastur á sínu og vildi halda í hin íslensku sérkenni. Loncraine hélt tilfinningaþrungið kveðjuhóf á Hvolsvelli með tárin í augunum ef marka má frásögn DV og hélt nánast samdægurs til London. Þýska leikstjóranum Wolfgang Petersen var falið það verkefni að taka upp þráðinn að nýju en honum leist ekkert á Ísland og flutti tökuliðið til Þýskalands þar sem myndin var loks gerð. Framvinda málsins virtist hafa verið snögg því Loncraine var í viðhafnarviðtali við Morgunblaðið daginn áður, sunnudaginn 6. maí, þar sem hann lýsti því yfir hversu miklu máli myndin skipti hann. Íslenskir fjölmiðlar voru á einu máli um að þarna hefði farið forgörðum kærkomið tækifæri til að koma Íslandi á kortið sem eftirsóknarverðu ferðamannalandi. Þeir tóku þó gleði sína á ný skömmu síðar þegar tökulið James Bond-myndarinnar A View to a Kill mætti í Jökulsárlón með Roger Moore fremstan í flokki. freyrgigja@frettabladid.is
Mest lesið Friðrik Ómar setur Reykhúsið aftur á sölu og lækkar verðið Lífið „Ég væri ekkert án þeirra“ Lífið Daði keypti hús Jóns Jónssonar með mömmu sinni Lífið Tengdasonur Íslands trúðaði Simon Cowell upp úr skónum Bíó og sjónvarp Lykilmaður íslensku rappsenunnar stígur inn í sviðsljósið Tónlist Gekk í tvo tíma að flugvellinum til að komast hjá leigubílagjaldi Lífið Andrea Róberts keypti einbýli sem þarfnast ástar Lífið Ungt athafnapar keypti hönnunarhús Margrétar í Garðabæ Lífið „Þetta er enginn helvítis félagskvíði, það bara þolir mig enginn“ Áskorun „Í fyrrakvöld bjargaði Tesla bifreið lífi mínu“ Lífið samstarf Fleiri fréttir Daði keypti hús Jóns Jónssonar með mömmu sinni „Ég væri ekkert án þeirra“ Gekk í tvo tíma að flugvellinum til að komast hjá leigubílagjaldi Friðrik Ómar setur Reykhúsið aftur á sölu og lækkar verðið Linda lætur sér Lindarbraut lynda Áttaði sig á stöðunni á fundi með Höllu Ungt athafnapar keypti hönnunarhús Margrétar í Garðabæ Françoise Hardy er látin Framleiða meiri varning „vegna fjölda áskorana“ Spacey á barmi gjaldþrots Gerir upp sögu Séð og heyrt: „Þetta er mjög sterkur samfélagsspegill“ Georg í Sigur Rós keypti vistvænt hús við einn besta golfvöll landsins Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Litrík hlaupagleði í Laugardalnum Andrea Róberts keypti einbýli sem þarfnast ástar Katrín Edda og Markus opinbera kynið Rómantísk útsýnisíbúð Bergrúnar Írisar til sölu Einn handritshöfunda Simpsons á Íslandi Hefur ekki hugmynd um hvað tekur nú við Greta Salóme og Elvar eiga von á sínu öðru barni Grínaðist með yfirlið Binna í Köben Kennari hljóp til þegar Sushi læstist inni eftir skólaslit Hækkandi sól, sumarfrí og Bríet á bossanum Fólk ofmeti sína eigin þekkingu á næringu Annie Mist og Frederik nefna soninn Þurfum að vera tilbúin að deyja á hverjum degi Bjarni og Katrín selja 350 milljóna króna einbýli í Garðabæ Myndaveisla: Eliza og Lilja Alfreðs í afmæli Karls Bretakonungs Krakkatían: Landsliðið, eldgos og nýr forseti „Ég hef aldrei horft á mig sem fórnarlamb“ Sjá meira