Innlent

Meira en 1100 ósammála

Opnuð hefur verið vefsíðsan ósammála.is en aðstandendur síðunnar eru ósammála þeim málflutningi að innganga í Evrópusambandið sé leiðin til þess að koma efnahagsmálum Íslands aftur í réttan farveg. Yfir 1100 manns hafa skráð nafn sitt á síðuna.

Nýverið opnaði félagið Við erum sammála vefsíðuna sammála.is. Félagið hefur auglýst í dagblöðum og á netinu þar sem fólk er hvatt til að skrifa undir stuðningsyfirlýsingu við aðild að Evrópusambandinu. Á ellefta þúsund hafa skráð sig á listann.

„Við viljum að umræðan um Evrópumál fari fram á upplýstan og málefnalegan hátt en ekki með upphrópunum og hræðsluáróðri," segir á vef ósammála.is. Ekki kemur fram hverjir standa á bak við síðuna.

Meðal stofnfélaga í Við erum sammála eru Baldur Þórhallsson, prófessor í stjórnmálafræði, Benedikt Jóhannesson, framkvæmdastjóri Talnakönnunar, Hilmar Veigar Pétursson, framkvæmdastjóri CCP, og Þorsteinn Pálsson, ritstjóri Fréttablaðsins.

Ósammála.is

Sammála.is

Kosningar 2009
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið