Bankatap veldur titringi í Bandaríkjunum

17. desember 2008 21:46

Miðlarar velta fyrir sér hægstæðustu kostakjörunum á bandarískum hlutabréfamarkaði. Mynd/AP

Gengi hlutabréfa lækkaði almennt í Bandaríkjunum í dag. Helstu vísitölur vestanhafs ruku upp í gær eftir stýrivaxtalækkun bandaríska seðlabankans.

Helsta ástæðan fyrir lækkuninni nú er hagnaðartaka fjárfesta auk þess sem tap umfram væntingar hjá bandaríska bankanum Morgan Stanley gerði einhverja svartsýna á stöðu efnahagsmála.

Morgan Stanley tapaði 2,37 milljörðum dala á fjórða ársfjórðungi sem er talsvert meira en menn gerðu ráð fyrir. Þetta er annar dagurinn í röð sem bandarískt risafjármálafyrirtæki skilar slæmu uppgjöri en í gær greindi Goldman Sachs frá því að bankinn hefði tapað 2,12 milljörðum dala á sama tímabili. Þetta er fyrsta tap bankans síðan hann varð að skráðu almenningshlutafélagi fyrir ellefu árum.

S&P 500-hlutabréfavísitalan lækkaði um 0,96 prósent í dag en Dow Jones-vísitalan um 1,12 prósent.

Erlent Fréttir Viðskipti

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.