Innlent

Framtíðarlandið hvetur til bóta á kosningafyrirkomulagi

Sigríður Guðlaugsdóttir skrifar
Forsvarsmenn Framtíðarlandsins kynna sáttmála sem sendur var öllum stjórnmálaflokkum í mars.
Forsvarsmenn Framtíðarlandsins kynna sáttmála sem sendur var öllum stjórnmálaflokkum í mars. MYND/Stöð2
Stjórn Framtíðarlandsins telur misbresti á kosningafyrirkomulagi hafa orðið til þess að sitjandi stjórn fékk minnihluta atkvæða en haldi samt meirihluta á þingi. Samtökin hvetja nýkjörið Alþingi að bæta úr “þessum ágöllum.” Stjórnmálamönnum beri að virða vilja kjósenda. Minnihluti þeirra hafi greitt sitjandi stjórn atkvæði. Talsmenn umhverfisverndar hafi hins vegar fengið byr undir báða vængi. Í yfirlýsingu segir að misbrestir séu bæði á kosningafyrirkomulagi og reglum um kosningabaráttu. Nægi þar að nefna ógegnsæjar og torskiljanlegar reglur um úthlutun þingsæta í kjördæmum, misræmi í atkvæðavægi og ofnotkun skoðanakannana. Nálgast má skýrslu um lýðræði á Íslandi og misbresti þess sem unnin var af lýðræðishóp samtakanna á slóðinni http://framtidarlandid.is/kosningar-2.
Innlent Kosningar 2007
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið