Magni hitar upp fyrir Aerosmith í Las Vegas 31. mars 2007 12:00 Halda góð-gerðartónleika í Vegas 28. apríl og fær ekki ónýtt upphitunaratriði. „Já, þetta er komið nokkurn veginn á hreint. Ég verð þarna sem gítarleikari og spila með Dilönu á tónleikum sem verða haldnir 28. apríl. Já, við erum upphitunarnúmer fyrir Aerosmith," segir tónlistarmaðurinn Magni. Mega þetta heita nokkur tíðindi enda ekki á hverjum degi sem íslenskur tónlistarmaður hitar upp fyrir annað eins og Steven Tyler og Aerosmith - sem er líklega einhver þekktasta hljómsveit heims á seinni árum. Tónleikarnir verða í Vegas og eru styrktartónleikar fyrir The Lily Claire-sjóðinn. Magni segir að þetta sé í raun gigg Dilönu en hún hafi vaknað upp við þann vonda draum að vera „band-laus". Hún leitaði því til Magna og trommarans úr No Doubt, Aidrians, auk þess sem hún hefur bassa- og gítarleikara sem ekki eru þekktir, en mjög góðir að sögn Magna, til að fullskipa hljómsveitina. Með fullri virðingu fyrir Aerosmith virðist Magni vera spenntari fyrir miklum páskatúr Á móti sól.„Nei, ekkert hljómborð. Ég veit ekki mikið um þetta. En við spilum líklega þarna í um hálftíma. Um átta lög og það verður þá líklega eitthvað af væntanlegri plötu Dilönu og lög úr RockStar sem hún hefur gert að sínum." Annars hefur Magni ekki hugann við þetta heldur hefur hann verið að skipuleggja páskatónleikatúr hljómsveitar sinnar Á móti sól. Og það þykir honum meira spennandi. „Elstu menn hafa verið dregnir út úr skúmaskotum elli sinnar og segjast ekki muna eftir öðrum eins túr. Kók og kanónur," segir Magni. Magni söngvari í Á móti sól og tveir ómissandi hlutirHljómsveitin Á móti sól er ein fárra sem stendur vaktina á sveitaballamarkaði. Má kannski nefna þar Papana og Sálina en annars er ekki um feitan gölt að flá. Á móti sól hefur nú verið starfandi í rúm tíu ár og Magni segir hljómsveitarmeðlimi ekki svo mikið sem hafa rifist hvað þá meira. Sem má heita merkilegt því tíu ár eru á milli þess elsta og þess yngsta. Og ólíkari menn vart til. Hljómsveitin hefur verið iðin við kolann og tók sér þá fyrst frí er Magni fór í sína frægu för til að taka þátt í Rock Star Supernova. „Páskatúrinn samanstendur af fjórum giggum. Sjallinn á miðvikudag, Ölfushöllin með Pöpum á föstudag, svo Blönduós á laugardag og endum á Skaganum á sunnudaginn," segir Magni og má greina tilhlökkun í röddu hans. Annars segir hann sveitaballakúltúrinn vart vera svip hjá sjón síðan 1995. Breyttir tímar. „Það er búið að krakkar setjist upp í bíl og keyri í þrjá klukkutíma til að fara á ball. Nú nennir fólk lítið að hreyfa sig. Þó er þetta kynslóðin sem kom sennilega undir í tengslum við sveitaböll. Þetta er hnignun." Rock Star Supernova Mest lesið Af vængjum fram: Búlgörsku mafíunni að mæta yrði Ásdísi dömpað Lífið Matti og tengdó selja 220 milljóna króna einbýlishús Lífið Endurtekið hvött til að hvíla bláa litinn Lífið Baltasar og Sunneva afhjúpa kynið Lífið „Eru endaþarmsmök hættuleg?“ Lífið Gleðitár hjá hundrað konum á Geysi Lífið Magnesíum potturinn í Laugardalslaug snýr aftur! Lífið samstarf Óvænt að „gáfumannarapparar“ herji stríð af þessu tagi Lífið Inga Lind selur íbúð við Valshlíð Lífið Fundu föt við hæfi á síðustu stundu fyrir Cannes Bíó og sjónvarp Fleiri fréttir „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
„Já, þetta er komið nokkurn veginn á hreint. Ég verð þarna sem gítarleikari og spila með Dilönu á tónleikum sem verða haldnir 28. apríl. Já, við erum upphitunarnúmer fyrir Aerosmith," segir tónlistarmaðurinn Magni. Mega þetta heita nokkur tíðindi enda ekki á hverjum degi sem íslenskur tónlistarmaður hitar upp fyrir annað eins og Steven Tyler og Aerosmith - sem er líklega einhver þekktasta hljómsveit heims á seinni árum. Tónleikarnir verða í Vegas og eru styrktartónleikar fyrir The Lily Claire-sjóðinn. Magni segir að þetta sé í raun gigg Dilönu en hún hafi vaknað upp við þann vonda draum að vera „band-laus". Hún leitaði því til Magna og trommarans úr No Doubt, Aidrians, auk þess sem hún hefur bassa- og gítarleikara sem ekki eru þekktir, en mjög góðir að sögn Magna, til að fullskipa hljómsveitina. Með fullri virðingu fyrir Aerosmith virðist Magni vera spenntari fyrir miklum páskatúr Á móti sól.„Nei, ekkert hljómborð. Ég veit ekki mikið um þetta. En við spilum líklega þarna í um hálftíma. Um átta lög og það verður þá líklega eitthvað af væntanlegri plötu Dilönu og lög úr RockStar sem hún hefur gert að sínum." Annars hefur Magni ekki hugann við þetta heldur hefur hann verið að skipuleggja páskatónleikatúr hljómsveitar sinnar Á móti sól. Og það þykir honum meira spennandi. „Elstu menn hafa verið dregnir út úr skúmaskotum elli sinnar og segjast ekki muna eftir öðrum eins túr. Kók og kanónur," segir Magni. Magni söngvari í Á móti sól og tveir ómissandi hlutirHljómsveitin Á móti sól er ein fárra sem stendur vaktina á sveitaballamarkaði. Má kannski nefna þar Papana og Sálina en annars er ekki um feitan gölt að flá. Á móti sól hefur nú verið starfandi í rúm tíu ár og Magni segir hljómsveitarmeðlimi ekki svo mikið sem hafa rifist hvað þá meira. Sem má heita merkilegt því tíu ár eru á milli þess elsta og þess yngsta. Og ólíkari menn vart til. Hljómsveitin hefur verið iðin við kolann og tók sér þá fyrst frí er Magni fór í sína frægu för til að taka þátt í Rock Star Supernova. „Páskatúrinn samanstendur af fjórum giggum. Sjallinn á miðvikudag, Ölfushöllin með Pöpum á föstudag, svo Blönduós á laugardag og endum á Skaganum á sunnudaginn," segir Magni og má greina tilhlökkun í röddu hans. Annars segir hann sveitaballakúltúrinn vart vera svip hjá sjón síðan 1995. Breyttir tímar. „Það er búið að krakkar setjist upp í bíl og keyri í þrjá klukkutíma til að fara á ball. Nú nennir fólk lítið að hreyfa sig. Þó er þetta kynslóðin sem kom sennilega undir í tengslum við sveitaböll. Þetta er hnignun."
Rock Star Supernova Mest lesið Af vængjum fram: Búlgörsku mafíunni að mæta yrði Ásdísi dömpað Lífið Matti og tengdó selja 220 milljóna króna einbýlishús Lífið Endurtekið hvött til að hvíla bláa litinn Lífið Baltasar og Sunneva afhjúpa kynið Lífið „Eru endaþarmsmök hættuleg?“ Lífið Gleðitár hjá hundrað konum á Geysi Lífið Magnesíum potturinn í Laugardalslaug snýr aftur! Lífið samstarf Óvænt að „gáfumannarapparar“ herji stríð af þessu tagi Lífið Inga Lind selur íbúð við Valshlíð Lífið Fundu föt við hæfi á síðustu stundu fyrir Cannes Bíó og sjónvarp Fleiri fréttir „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira