Innlent

Töluvert um þjófnaði í borginni um helgina

MYND/Guðmundur

Töluvert var um þjófnaði í borginni um helgina en lögreglunni í Reykjavík bárust allmargar tilkynningar þess efnis eftir því sem segir á vef hennar. Voru það ekki síst verslunareigendur sem urðu fyrir barðinu á fingralöngum. L

ögreglumenn voru m.a. kallaðir til í verslunarmiðstöðvar þar sem fólk hafði verið staðið að verki en þjófarnir voru á ýmsum aldri. Þannig var karlmaður á fimmtugsaldri gripinn með hangikjötslæri, kona á fertugsaldri stal tösku og sokkabuxum og unglingsstúlka reyndi að komast yfir peninga. Þjófarnir beittu ýmsum aðferðum en tveir þeirra rifu umbúðir utan af vörum áður en þeir létu sig hverfa með varninginn.

Þá hvarf handlyftari sem var staðsettur utan við lagerhúsnæði. Á lyftaranum voru nokkrir kassar af drykkjarvöru og er þeirra einnig saknað. Skartgripir voru teknir úr heimahúsi og þar lá gestkomandi undir grun og þá var peningum stolið af viðskiptavini spilasalar.

Lög og regla
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið