Músíkalskur málaliði 2. nóvember 2006 13:45 Í góðum félagsskap Jóel Pálsson saxófónleikari leikur ásamt einvalaliði jazztónlistarmanna. Mynd/eddi Tónlistarmaðurinn Jóel Pálsson gaf á dögunum út sína fjórðu plötu með eigin tónsmíðum. Hann kveðst vera starfandi málaliði í tónlistarbransanum en nýjasta platan er sannkallaður suðupottur. Á plötunni Varp má merkja sterk áhrif rokktónlistar í bland við jazz, rafpoppi, kirkjumúsík og frjálsan spuna. Jóel fæst við allskonar tónlist en hann kveðst ávallt reyna að feta nýjar slóðir í tónsmíðum sínum. "Þetta er suðupottur af ýmiskonar áhrifum en það eru ansi mikil rokkáhrif á þessari plötu og hún er kannski ágengari fyrir vikið," segir Jóel. Einvalalið tónlistarmanna leikur með honum en Jóel útskýrir að félagar hans hafi allir sterk karktereinkenni sem skili sér vel á plötunni. Davíð Þór Jónsson leikur á Hammond orgel, píanó og Minimoog, Hilmar Jensson á raf- og kassagítar, Valdimar Kolbeinn Sigurjónsson á kontra- og rafbassa og Matthías Hemstock leikur á trommur og slagverk auk þess að eiga við trommuheila sem er nokkuð óvenjulegt í jazzmúsík. "Það mætti alveg teljast skipulagslegt afrek að ná þessum mönnum saman inn í stúdíó í nokkra daga," segir Jóel, "við tókum plötuna upp í einni lotu - vorum allir í sama herberginu og það myndaðist skemmtileg orka og kraftur í stúdíóinu sem skilar sér vel í upptökunni. Ég skrifa lögin mín upp og mæti með þau á blaði upp á gamala mátann. Með þessum spilunum koma síðan fram milljón hugmyndir í viðbót og lögin eiga það til að fara í allt aðrar áttir en maður ætlaði." Titill plötunnar hefur viðeigandi skírskotun í vinnuferlið. Jóel útskýrir að varp geti þýtt jaðar, "varp er fjallshringur þar sem eru vatnaskil, en lögin verpast líka í meðförum hljómsveitarinnar," áréttar hann. Jóel kveðst spenntur að flytja efnið á tónleikum enda sé þarna dúndurhljómsveit á ferð. Útgáfutónleikarnir verða þó ekki fyrr en um miðjan desembermánuð enda ekki hlaupið að því að samstilla dagskrár tónlistarmannanna. Tónleikarnir verða haldnir innan vébanda Jazzklúbbsins Múlans og munu þeir fara fram í nýjum höfuðstöðvum þeirra á skemmtistaðnum Domo í Þingholtsstræti. Jóel hefur sjálfur í ýmsu að snúast og er til að mynda nýkominn heim úr sinni fyrstu ferð til Kína þar sem hann hélt tónleika á listahátíð í Sjanghæ ásamt Sigurði Flosasyni, Einari Scheving og Valdimar Kolbeini Sigurjónssyni. "Það gekk vonum framar, við fengum mikla kynningu þarna úti og hljóðrituðum plötu sem kemur út í Kína á næstunni. Þetta var mjög sérstakt því við tókum hana upp í kommúnísku stúdíói, þarna er bara ríkisstúdíó, ríkisupptökumaður og ríkisútgáfa," útskýrir hann og kveðst lítið vita um skilvirkni þessa fyrirkomulags né um framhaldið á útrásinni austur. "Upptökumaðurinn var samt asi góður, við tókum líka upp tvö kínversk lög sem vöktu mikla lukku," segir hann sposkur. Jóel er þannig á músíkölsku flakki bæði í bókstaflegri og óeiginlegri merkingu. "Maður ferðast til misskrýtinna staða en það er pottþétt að maður lendir alltaf í einhverjum ævintýrum." Menning Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun Erna Ómars er borgarlistamaður Reykjavíkur Menning The Lazarus Project: Varúð, veldur svefnleysi Gagnrýni Frambjóðendum gekk misvel í hraðaspurningum Lífið Ghost of Tsushima: Kominn út á PC og enn geggjaður Leikjavísir Af vængjum fram: Grínaðist alltaf með að láta húðflúra einstefnuskilti á rassgatið Lífið Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira
Tónlistarmaðurinn Jóel Pálsson gaf á dögunum út sína fjórðu plötu með eigin tónsmíðum. Hann kveðst vera starfandi málaliði í tónlistarbransanum en nýjasta platan er sannkallaður suðupottur. Á plötunni Varp má merkja sterk áhrif rokktónlistar í bland við jazz, rafpoppi, kirkjumúsík og frjálsan spuna. Jóel fæst við allskonar tónlist en hann kveðst ávallt reyna að feta nýjar slóðir í tónsmíðum sínum. "Þetta er suðupottur af ýmiskonar áhrifum en það eru ansi mikil rokkáhrif á þessari plötu og hún er kannski ágengari fyrir vikið," segir Jóel. Einvalalið tónlistarmanna leikur með honum en Jóel útskýrir að félagar hans hafi allir sterk karktereinkenni sem skili sér vel á plötunni. Davíð Þór Jónsson leikur á Hammond orgel, píanó og Minimoog, Hilmar Jensson á raf- og kassagítar, Valdimar Kolbeinn Sigurjónsson á kontra- og rafbassa og Matthías Hemstock leikur á trommur og slagverk auk þess að eiga við trommuheila sem er nokkuð óvenjulegt í jazzmúsík. "Það mætti alveg teljast skipulagslegt afrek að ná þessum mönnum saman inn í stúdíó í nokkra daga," segir Jóel, "við tókum plötuna upp í einni lotu - vorum allir í sama herberginu og það myndaðist skemmtileg orka og kraftur í stúdíóinu sem skilar sér vel í upptökunni. Ég skrifa lögin mín upp og mæti með þau á blaði upp á gamala mátann. Með þessum spilunum koma síðan fram milljón hugmyndir í viðbót og lögin eiga það til að fara í allt aðrar áttir en maður ætlaði." Titill plötunnar hefur viðeigandi skírskotun í vinnuferlið. Jóel útskýrir að varp geti þýtt jaðar, "varp er fjallshringur þar sem eru vatnaskil, en lögin verpast líka í meðförum hljómsveitarinnar," áréttar hann. Jóel kveðst spenntur að flytja efnið á tónleikum enda sé þarna dúndurhljómsveit á ferð. Útgáfutónleikarnir verða þó ekki fyrr en um miðjan desembermánuð enda ekki hlaupið að því að samstilla dagskrár tónlistarmannanna. Tónleikarnir verða haldnir innan vébanda Jazzklúbbsins Múlans og munu þeir fara fram í nýjum höfuðstöðvum þeirra á skemmtistaðnum Domo í Þingholtsstræti. Jóel hefur sjálfur í ýmsu að snúast og er til að mynda nýkominn heim úr sinni fyrstu ferð til Kína þar sem hann hélt tónleika á listahátíð í Sjanghæ ásamt Sigurði Flosasyni, Einari Scheving og Valdimar Kolbeini Sigurjónssyni. "Það gekk vonum framar, við fengum mikla kynningu þarna úti og hljóðrituðum plötu sem kemur út í Kína á næstunni. Þetta var mjög sérstakt því við tókum hana upp í kommúnísku stúdíói, þarna er bara ríkisstúdíó, ríkisupptökumaður og ríkisútgáfa," útskýrir hann og kveðst lítið vita um skilvirkni þessa fyrirkomulags né um framhaldið á útrásinni austur. "Upptökumaðurinn var samt asi góður, við tókum líka upp tvö kínversk lög sem vöktu mikla lukku," segir hann sposkur. Jóel er þannig á músíkölsku flakki bæði í bókstaflegri og óeiginlegri merkingu. "Maður ferðast til misskrýtinna staða en það er pottþétt að maður lendir alltaf í einhverjum ævintýrum."
Menning Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun Erna Ómars er borgarlistamaður Reykjavíkur Menning The Lazarus Project: Varúð, veldur svefnleysi Gagnrýni Frambjóðendum gekk misvel í hraðaspurningum Lífið Ghost of Tsushima: Kominn út á PC og enn geggjaður Leikjavísir Af vængjum fram: Grínaðist alltaf með að láta húðflúra einstefnuskilti á rassgatið Lífið Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira