Erlent

Hryðjuverkaógnin yfirtekur allt

MYND/AP
Rannsóknir á hryðjuverkum í Bretlandi og aðgerðir lögreglu til að fyrirbyggja frekari árásir valda því að Lundúnalögreglan á í vandræðum með að sinna öðrum málum. Þúsundir lögreglumanna eru á götum úti og þeim til viðbótar eru réttarmeinafræðingar, tæknimenn, skotvopnasérfræðingar og fjölmargir aðrir uppteknir við rannsóknir. Þetta hefur meðal annars leitt til þess að rannsókn nokkura morðmála hefur nánast verið frestað. Við þetta bætist að hatursglæpum hefur fjölgað um nærri 600% í Bretlandi síðan hryðjuverkin í London voru framin þann 7. júlí. Oftast er um árásir á múslíma og moskur að ræða. Lögreglunni í Lundúnum hafa borist alls 269 tilkynningar um líkamsárásir en á sama tímabili í fyrra var tilkynnt um 40 slíka glæpi.
Erlent Fréttir Hryðjuverk í London
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið