Hátíð fer að höndum ein færir mann nálægt kjarna jólanna 22. desember 2004 00:01 Sigfríður Björnsdóttir kennari. „Hátíð fer að höndum ein er uppáhaldsjólasálmurinn minn. Það er svo rosalega sterk stemning í því lagi,“ segir Sigfríður Björnsdóttir kennari og þarf ekki að hugsa sig um þegar hún er spurð. Hún segir þó enga einstaka minningu tengda þessum sálmi heldur hafi hann fylgt henni lengi. "Maður er náttúrlega búinn að syngja hann með börnum sem kennari í gegnum árin og hlusta á hann í útvarpinu. Þetta er íslenskt og þjóðlegt lag sem setur mann í svona ... ekki helgislepjuskap... heldur færir mann nálægt kjarnanum," segir hún. Sigfríður er framkvæmdastjóri Tónverkamiðstöðvarinnar og kveðst hafa verið að rifja upp þennan uppáhaldssálm nýlega með samstarfskonum sínum sem allar eru tónlistarmenntaðar. "Ég er svo heppin að vera með fiðlu-, fagot- og sellóleikara hérna hjá mér. Sjálf glamra ég á píanó og fæ að vera með," segir hún hlæjandi og ljóstrar því upp að þær stöllur ætli að troða upp á næstu dögum. "Hér í húsinu eru nokkur fyrirtæki saman og við ætlum að spila fyrir starfsfólkið að gamni okkar. Það skapar jólaanda." Hátíð fer að höndum ein, hana vér allir prýðum. Lýðurinn tendri ljósin hrein, líður að helgum tíðum. Gerast mun nú brautin bein, bjart í geiminum víðum. Ljómandi kerti á lágri grein líður að helgum tíðum. Heimsins þagna harmakvein, hörðum er linnir stríðum. Læknast og þá hin leyndu mein, líður að helgum tíðum. Jól Jólalög Mest lesið Töfrandi hátíðarborð um jólin Jól Auðvelt að spegla sig í Jesúbarninu Jól Íslensku jólasveinarnir þrettán Jól Í þremur vinnum og seldi af sér föt til þess að láta jóladrauminn rætast Jól Íslensku tröllin í aðalhlutverki í nýrri ævintýramynd Jól „Það verður gaman að búa til okkar hefðir saman“ Jól Heklar flestar jólagjafirnar sjálf Jól Sá sem gaf Gumma Kíró gönguskó í jólagjöf hefði átt að vita betur Jól Svona eru jólin með Audda og Sveppa Jól Glæsilegir smáréttir Guðrúnar Jól
„Hátíð fer að höndum ein er uppáhaldsjólasálmurinn minn. Það er svo rosalega sterk stemning í því lagi,“ segir Sigfríður Björnsdóttir kennari og þarf ekki að hugsa sig um þegar hún er spurð. Hún segir þó enga einstaka minningu tengda þessum sálmi heldur hafi hann fylgt henni lengi. "Maður er náttúrlega búinn að syngja hann með börnum sem kennari í gegnum árin og hlusta á hann í útvarpinu. Þetta er íslenskt og þjóðlegt lag sem setur mann í svona ... ekki helgislepjuskap... heldur færir mann nálægt kjarnanum," segir hún. Sigfríður er framkvæmdastjóri Tónverkamiðstöðvarinnar og kveðst hafa verið að rifja upp þennan uppáhaldssálm nýlega með samstarfskonum sínum sem allar eru tónlistarmenntaðar. "Ég er svo heppin að vera með fiðlu-, fagot- og sellóleikara hérna hjá mér. Sjálf glamra ég á píanó og fæ að vera með," segir hún hlæjandi og ljóstrar því upp að þær stöllur ætli að troða upp á næstu dögum. "Hér í húsinu eru nokkur fyrirtæki saman og við ætlum að spila fyrir starfsfólkið að gamni okkar. Það skapar jólaanda." Hátíð fer að höndum ein, hana vér allir prýðum. Lýðurinn tendri ljósin hrein, líður að helgum tíðum. Gerast mun nú brautin bein, bjart í geiminum víðum. Ljómandi kerti á lágri grein líður að helgum tíðum. Heimsins þagna harmakvein, hörðum er linnir stríðum. Læknast og þá hin leyndu mein, líður að helgum tíðum.
Jól Jólalög Mest lesið Töfrandi hátíðarborð um jólin Jól Auðvelt að spegla sig í Jesúbarninu Jól Íslensku jólasveinarnir þrettán Jól Í þremur vinnum og seldi af sér föt til þess að láta jóladrauminn rætast Jól Íslensku tröllin í aðalhlutverki í nýrri ævintýramynd Jól „Það verður gaman að búa til okkar hefðir saman“ Jól Heklar flestar jólagjafirnar sjálf Jól Sá sem gaf Gumma Kíró gönguskó í jólagjöf hefði átt að vita betur Jól Svona eru jólin með Audda og Sveppa Jól Glæsilegir smáréttir Guðrúnar Jól