Tek við góðu búi 15. september 2004 00:01 Það gekk ekki þrautalaust fyrir sig að finna lausa stund í dagskrá Sigríðar Önnu. Hún hefur verið önnum kafin síðustu daga, er nýkomin af þingmannaráðstefnu í Grænlandi og bjó sig svo undir að setjast í stól umhverfisráðherra þar sem úrlausnarefni, stór og smá, bíða á skrifborðinu. Í bunkanum er rjúpan sem bannað er að veiða. Sigríður Anna er illfáanleg til að gefa eitthvað út um hvort hún hyggist leyfa veiðar á ný. "Ég ætla að skoða þessi mál í heild sinni þegar ég er komin í ráðuneytið og vil ekkert meira segja um það á þessu stigi." Kemur til greina að aflétta banninu? "Ég mun bara skoða málin og er ekki reiðubúin að segja af eða á á þessari stundu." Hvenær skýrist þetta? "Ég tek bara þann tíma sem ég þarf í það," segir hún og brosir að vonlitlum tilraunum blaðamanns til að fá botn í málið. Spennandi verkefni Sigríður Anna hafði ekki setið í umhverfisnefnd Alþingis fyrr en ákvörðunin um að hún yrði umhverfisráðherra lá fyrir og ekki unnið sérstaklega að málaflokknum í sinni þingtíð. Hún hefur engu að síður áhuga á umhverfismálum. "Já, ég hef mikinn áhga á málaflokknum og lít á þetta sem mjög spennandi og ögrandi verkefni. Umhverfismál eru alls staðar vaxandi málaflokkur og það er lögð mikil áhersla á þau í öllum vestrænum löndum þannig að enginn vafi leikur á mikilvægi þeirra." Umhverfisverndarsinnar segja mikilvægt að umhverfisráðherra sé málsvari náttúrunnar. Verður Sigríður Anna sá málsvari? "Það verður bara að koma í ljós og ómögulegt að dæma um slíkt fyrir fram. Ég tel að ég taki við góðu búi. Það hefur verið unnið mjög vel að náttúruverndarmálum að undanförnu og mörgu verið áorkað. Miklar umræður um virkjanamál hafa yfirskyggt náttúruverndina en ég er þeirrar skoðunar að nýting orkulinda og umhverfisvernd fari ágætlega saman." Loftslagsmál hafa brunnið á mörgum og Sigríður Anna hefur kynnt sér þau, meðal annars í gegnum samstarf þingmanna um Norðurskautsmál. "Við höfum möguleika til að bregðast við og hægt er að þrýsta á þær þjóðir sem enn hafa ekki fullgilt Kyoto-bókunina. Þjóðir heims verða að átta sig á alvarleika málsins og grípa til aðgerða en menn verða að varast að mála skrattann á vegginn. Þessu geta fylgt tækifæri. Möguleikar á siglingum norður fyrir Norðurskautið kunna að opnast og samgöngur geta þannig breyst til hins betra." Siglfirskur uppruninn gagnast Fáir stjórnmálamenn hafa fengið jafn rúman tíma og Sigríður Anna til að búa sig undir ráðherradóm. Tilkynnt var í maí á síðasta ári að hún tæki við umhverfisráðuneytinu 15. september 2004 og hefur hún því haft tæpa sextán mánuði til að setja sig inn í mál og móta sína stefnu. Hún segist hafa nýtt tímann ágætlega. "Það gagnaðist mér mjög mikið að verða formaður umhverfisnefndar þingsins og í gegnum þau störf fékk ég tækifæri til að setja mig vel inn í málin sem voru til umræðu í vetur." Einnig bendir hún á að tólf ára seta í sveitarstjórn Grundarfjarðar hafi fært sér talsverða þekkingu og reynslu af málaflokkum ráðuneytisins. Hún bendir líka á að siglfirskur uppruninn hafi sitt að segja. "Það má margt læra af síldarævintýrinu. Siglfirðingar vita betur en flestir hvernig farið getur ef menn umgangast ekki auðlindirnar af varfærni." Eftir rúm þrettán ár á þingi er Sigríður Anna komin í ríkisstjórn. Hún neitar því ekki að sig hafi lengi langað til að verða ráðherra. "Ég held að við sem erum í stjórnmálum séum þar til að hafa áhrif og ég býst við að í flestum okkar og kannski öllum blundi þessi löngun." Og nýr umhverfisráðherra þjóðarinnar hlakkar til að takast á við embættið. "Þetta verður eflaust töluverð breyting en ég horfi á þetta af vissri auðmýkt og geri það sem ég get til að standa mig vel." Sigríður Anna Þórðardóttir: * Fædd á Siglufirði 1946. * Stúdent frá MA. BA próf í íslensku, sagnfræði og grísku frá HÍ. * Framhaldsnám við Minnesota-háskóla. * Kennari í Grundarfirði og Mosfellsbæ. * Í hreppsnefnd Eyrarsveitar í Grundarfirði. * Alþingismaður frá 1991. * Formaður þingflokks Sjálfstæðisflokks 1998-2003. * Hefur setið í menntamálanefnd, iðnaðarnefnd, heilbrigðis- og tryggingarnefnd, efnahags- og viðskiptanefnd, utanríkismálanefnd og umhverfisnefnd. * Í miðstjórn og framkvæmdastjórn Sjálfstæðisflokksins. * Gift Jóni Þorsteinssyni sóknarpresti í Mosfellsbæ og eiga þau þrjár dætur. Barnabörnin eru fimm. Fréttir Innlent Ríkisstjórn Stj.mál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Nú á dögunum tók sonur minn líf sitt innan veggja fangelsisins“ Innlent Skólastjóradrama í Kóraskóla fær óvæntan endi Innlent Viðtal á Stöð 2 kveikir upp í færeyskum stjórnmálum Erlent Ætlar alla leið í baráttu fyrir nafninu sínu Innlent Staldraði við þegar talað var um fóstur sem frumuklasa Innlent Látin móðir ekki dæmd í tugmilljóna lyfjasölumáli sonarins Innlent Skipið leggur úr höfn Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Fara fram á farbann Innlent Fleiri fréttir Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Gríðarleg fjölgun á dvalarleyfum til Víetnama á grundvelli sérfræðiþekkingar „Nú á dögunum tók sonur minn líf sitt innan veggja fangelsisins“ Baldur vinsælasta plan B Bein útsending: MenntaStefnumót í Reykjavík Treysta sér til þess að vernda þjóðkirkjuna Sjá meira
Það gekk ekki þrautalaust fyrir sig að finna lausa stund í dagskrá Sigríðar Önnu. Hún hefur verið önnum kafin síðustu daga, er nýkomin af þingmannaráðstefnu í Grænlandi og bjó sig svo undir að setjast í stól umhverfisráðherra þar sem úrlausnarefni, stór og smá, bíða á skrifborðinu. Í bunkanum er rjúpan sem bannað er að veiða. Sigríður Anna er illfáanleg til að gefa eitthvað út um hvort hún hyggist leyfa veiðar á ný. "Ég ætla að skoða þessi mál í heild sinni þegar ég er komin í ráðuneytið og vil ekkert meira segja um það á þessu stigi." Kemur til greina að aflétta banninu? "Ég mun bara skoða málin og er ekki reiðubúin að segja af eða á á þessari stundu." Hvenær skýrist þetta? "Ég tek bara þann tíma sem ég þarf í það," segir hún og brosir að vonlitlum tilraunum blaðamanns til að fá botn í málið. Spennandi verkefni Sigríður Anna hafði ekki setið í umhverfisnefnd Alþingis fyrr en ákvörðunin um að hún yrði umhverfisráðherra lá fyrir og ekki unnið sérstaklega að málaflokknum í sinni þingtíð. Hún hefur engu að síður áhuga á umhverfismálum. "Já, ég hef mikinn áhga á málaflokknum og lít á þetta sem mjög spennandi og ögrandi verkefni. Umhverfismál eru alls staðar vaxandi málaflokkur og það er lögð mikil áhersla á þau í öllum vestrænum löndum þannig að enginn vafi leikur á mikilvægi þeirra." Umhverfisverndarsinnar segja mikilvægt að umhverfisráðherra sé málsvari náttúrunnar. Verður Sigríður Anna sá málsvari? "Það verður bara að koma í ljós og ómögulegt að dæma um slíkt fyrir fram. Ég tel að ég taki við góðu búi. Það hefur verið unnið mjög vel að náttúruverndarmálum að undanförnu og mörgu verið áorkað. Miklar umræður um virkjanamál hafa yfirskyggt náttúruverndina en ég er þeirrar skoðunar að nýting orkulinda og umhverfisvernd fari ágætlega saman." Loftslagsmál hafa brunnið á mörgum og Sigríður Anna hefur kynnt sér þau, meðal annars í gegnum samstarf þingmanna um Norðurskautsmál. "Við höfum möguleika til að bregðast við og hægt er að þrýsta á þær þjóðir sem enn hafa ekki fullgilt Kyoto-bókunina. Þjóðir heims verða að átta sig á alvarleika málsins og grípa til aðgerða en menn verða að varast að mála skrattann á vegginn. Þessu geta fylgt tækifæri. Möguleikar á siglingum norður fyrir Norðurskautið kunna að opnast og samgöngur geta þannig breyst til hins betra." Siglfirskur uppruninn gagnast Fáir stjórnmálamenn hafa fengið jafn rúman tíma og Sigríður Anna til að búa sig undir ráðherradóm. Tilkynnt var í maí á síðasta ári að hún tæki við umhverfisráðuneytinu 15. september 2004 og hefur hún því haft tæpa sextán mánuði til að setja sig inn í mál og móta sína stefnu. Hún segist hafa nýtt tímann ágætlega. "Það gagnaðist mér mjög mikið að verða formaður umhverfisnefndar þingsins og í gegnum þau störf fékk ég tækifæri til að setja mig vel inn í málin sem voru til umræðu í vetur." Einnig bendir hún á að tólf ára seta í sveitarstjórn Grundarfjarðar hafi fært sér talsverða þekkingu og reynslu af málaflokkum ráðuneytisins. Hún bendir líka á að siglfirskur uppruninn hafi sitt að segja. "Það má margt læra af síldarævintýrinu. Siglfirðingar vita betur en flestir hvernig farið getur ef menn umgangast ekki auðlindirnar af varfærni." Eftir rúm þrettán ár á þingi er Sigríður Anna komin í ríkisstjórn. Hún neitar því ekki að sig hafi lengi langað til að verða ráðherra. "Ég held að við sem erum í stjórnmálum séum þar til að hafa áhrif og ég býst við að í flestum okkar og kannski öllum blundi þessi löngun." Og nýr umhverfisráðherra þjóðarinnar hlakkar til að takast á við embættið. "Þetta verður eflaust töluverð breyting en ég horfi á þetta af vissri auðmýkt og geri það sem ég get til að standa mig vel." Sigríður Anna Þórðardóttir: * Fædd á Siglufirði 1946. * Stúdent frá MA. BA próf í íslensku, sagnfræði og grísku frá HÍ. * Framhaldsnám við Minnesota-háskóla. * Kennari í Grundarfirði og Mosfellsbæ. * Í hreppsnefnd Eyrarsveitar í Grundarfirði. * Alþingismaður frá 1991. * Formaður þingflokks Sjálfstæðisflokks 1998-2003. * Hefur setið í menntamálanefnd, iðnaðarnefnd, heilbrigðis- og tryggingarnefnd, efnahags- og viðskiptanefnd, utanríkismálanefnd og umhverfisnefnd. * Í miðstjórn og framkvæmdastjórn Sjálfstæðisflokksins. * Gift Jóni Þorsteinssyni sóknarpresti í Mosfellsbæ og eiga þau þrjár dætur. Barnabörnin eru fimm.
Fréttir Innlent Ríkisstjórn Stj.mál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Nú á dögunum tók sonur minn líf sitt innan veggja fangelsisins“ Innlent Skólastjóradrama í Kóraskóla fær óvæntan endi Innlent Viðtal á Stöð 2 kveikir upp í færeyskum stjórnmálum Erlent Ætlar alla leið í baráttu fyrir nafninu sínu Innlent Staldraði við þegar talað var um fóstur sem frumuklasa Innlent Látin móðir ekki dæmd í tugmilljóna lyfjasölumáli sonarins Innlent Skipið leggur úr höfn Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Fara fram á farbann Innlent Fleiri fréttir Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Gríðarleg fjölgun á dvalarleyfum til Víetnama á grundvelli sérfræðiþekkingar „Nú á dögunum tók sonur minn líf sitt innan veggja fangelsisins“ Baldur vinsælasta plan B Bein útsending: MenntaStefnumót í Reykjavík Treysta sér til þess að vernda þjóðkirkjuna Sjá meira