Google leitar að framtíð 8. ágúst 2004 00:01 Mikil spenna hefur verið fyrir fyrirhuguðu útboði netfyrirtækisins Google sem hefjast átti í vikunni. Nú kann svo að fara að því verði frestað að minnsta kosti um viku. Ástæðan eru hlutir sem voru gefnir út ólöglega og seldir ráðgjöfum og starfsmönnum. Einnig fengu um 300 manns kauprétt. Upphæðirnar nema engum smá fjárhæðum eða yfir 200 milljörðum króna. Fyrirtækið hefur boðist til þess að kaupa til baka kaupréttina og hlutabréfin með vöxtum. Gleði þessara fyrrum milljarðamæringa Silikondalsins er spillt og líklegt að þeir leiti réttar síns og vilji fá nokkuð fyrir snúð sinn. Breytt útboðsfyrirkomulag Hagsmunir Google er miklir af útboðinu og miðað við áhugann á útboðinu yrðu margir fyrir vonbrigðum með frestun þess. Langt er um liðið frá síðustu frumskráningu netfyrirtækis á markað. Þegar netbólan stóð sem hæst þénuðu uppáhaldskúnnar stórra banka gríðarlegar fjárhæðir. Hlutabréfin voru seld á föstu verði í útboðinu. Frumkaupendur innleystu mikinn hagnað af skammtímahækkun bréfanna. Eftirsóttustu fyrirtækin margfölduðust í verði á nokkrum dögum. Þegar netbólan sprakk sátu ýmsir eftir með sárt ennið þegar bréf sem keypt voru dýrum dómum urðu næsta verðlítil. Aðferð Google er að hafa verðið með bilinu frá 108 dollurum á hlut upp í 135 dollara á hlut og halda síðan uppboð. Aðferð sem er kölluð Hollenska aðferðin. Aðferðin er hugsuð til þess að hákarlarnir hafi ekki sama möguleika á að innleysa skyndigróða. Margir óttast hins vegar að sagan endurtaki sig. Græðgi smærri fjárfesta muni keyra verðið hratt upp í gengi sem framtíðartekjur fyrirtækisins muni aldrei geta staðið undir. Google er þekkt vörumerki. Hundruð milljóna manna nota þjónustu fyrirtækisins á hverjum degi. Almenn tilhneiging er til þess að verðmeta hærra það sem fólk þekkir vel. Hitt sé að margir skilji ekki Hollensku aðferðina. Þannig geti bréfin hækkað um 40 prósent, frá háu verði í útboðinu. Þeir sem kaupa bréf á því verði muni þurfa að greiða hátt gjald fyrir þekkingarskortinn. Hefðbundin flugeldasýning Hefðbundna leiðin væri að bjóða hlutinn á 20 til 25 dollara og fylgjast svo með flugeldasýningunni. Verðið myndi svo margfaldast og frumkaupendur hagnast vel. Hollensku aðferðinni er ætlað að tryggja almennum fjárfestum hlut á þolanlegu gengi. Hins vegar hafa margir efasemdir um að gengið 108 til 135 dollara sé þolanlegt. Erfitt sé að sjá að fyrirtækið, eins ágætt sem það er, geti staðið undir slíkum væntingum. Til þess þurfi vöxtur hagnaðar að verða gríðarlegur næstu misserin. Menn minna á að Netscape hafi á sínum tíma staðið nærri hjarta Wallstreet. Lítið sé eftir af þeirri ást. Fleira er í veginum. Hækkandi olíuverð og hryðjuverkaótti hefur lækkað markaði sem voru á leið til aukinnar bjartsýni. Markaðurinn óttast að olíuverðið muni draga úr kaupgetu almennings sem bitnar aftur á auglýsingamarkaðnum. Þaðan koma tekjur Google. Veiking markaðar og lækkun á gengi tæknifyrirtækja auka einnig á ótta manna um að útboðið geti mistekist. Fortíð Google ætti að veita nokkra huggun gegn efasemdarmönnum. Google stakk samkeppnisaðila sína af á markaði. Notkun leitarvélar þeirra er tvöfalt meiri en hjá samkeppnisaðilanum Yahoo. Hagnaður tveggja íslenskra banka Miðað við hærri upphæðina í útboðinu er fyrirtækið metið á 2.500 milljarða króna. sem er þreföld landsframleiðsla Íslendinga. Hagnaður síðasta ársfjórðungs var 5,6 milljarðar sem er um það bil sami hagnaður og hjá KB banka og Íslandsbanka samanlagt á tímabilinu. Það tekur núverandi hagnað fyrirtækisins 329 ár að greiða fyrir markaðsvirði sitt. Þetta hlutfall milli virðis og hagnaðar er tvöfalt hærra en hjá Yahoo. Enda þótt Yahoo standi Google að baki í leit á netinu, þá hefur þeim tekist betur upp að margra mati að þróa aðra tengda netþjónustu. Þessi aukna þjónusta framtíðarinnar eru rök þeirra sem telja Google góðan fjárfestingarkost, auk þess sem búist er við að vöxtur auglýsinga á netinu verði mikill á næstu árum. Verðið í útboðinu gerir ráð fyrir miklum vexti. Google tvöfaldaði stærð sína árvisst undanfarin ár. Upp á síðkastið hefur hægt á vextinum. Ný þjónusta er í smíðum hjá fyrirtækinu. Google keypti ljósmyndaþjónustuna Picasa. Þar geta notendur vistað og unnið með stafrænar ljósmyndir á netinu. Google bindur miklar vonir við að þessi þjónusta geti vaxið hratt. Sterkir keppinautar Þróun Internetsins er ör. Almennt efast menn ekki um að miklir tekjumöguleikar verði í ýmis konar þjónustu og tækni á netinu. Google tókst að skapa sér yfirburðarstöðu á einu sviði þessarar tækni og þjónustu. Það gefur vissulega fyrirheit. Google hefur líka sýnt að með markvissri vinnu og frjórri sýn geta ný fyrirtæki sprottið upp og náð sterkri stöðu á skömmum tíma. Lykillinn að sigurför Google hingað til gæti orðið helsta ógn þess til framtíðar. Ný þjónusta sem gefur vel af sér laðar fjöldan allan af keppinautum á markaðinn. Fyrir eru sterkir keppinautar í netþjónustu svo sem Yahoo, American Online og Microsoft. Þessir aðilar munu allir róa á mið framtíðarinnar. Framtíð Google er óskrifað blað. Leitin að nýjum tekjum og nýjum möguleikum er verkefni stjórnenda Google. Óvissan og efasemdarraddirnar sem skjóta nú upp kollinum eru ekki uppörvandi fyrir stjórnendur Google. Upp á móti þessu vegur hversu langt er síðan nýr vonarpeningur leit dagsins ljós á Nasdaqmarkaðnum. Óþreyjan eftir því, þekkt vörumerki og miklir framtíðarmöguleikar vega upp á móti efasemdarröddunum. Veröld hlutabréfanna er hverful og margir hafa nagað sig í handarbökin fyrir að hafa ekki stokkið á tækifæri sem hafa gert aðra ríka. Það er hættulegur hugsunarháttur við fjárfestingar, en stýrir engu að síður ákvörðun margra. Erlent Fréttir Tækni Viðskipti Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Furða sig á að starfsfólkið þegi ennþá Innlent Vestmanneyjabær mótmælir efnisvinnslu Heidelberg við Landeyjahöfn Innlent Setti sig í samband við ráðgjafa Biden til að mótmæla gagnrýni á AGD Erlent Forsætisráðherrann segir af sér Erlent Ekki óeðlilegt að líta til þess að byggja hverfi á öðrum stöðum Innlent Tveir fluttir á sjúkrahús: Þriðja útkallið á einum sólarhring Innlent Lögregla sendi fólk aftur inn úr blíðunni Innlent Öfgahægrið sækir í sig veðrið en miðjan heldur Erlent Mánaðarverkfalli í Færeyjum lýkur Erlent Fullyrða að gíslar hafi fundist í haldi blaðamanns Erlent Fleiri fréttir Fullyrða að gíslar hafi fundist í haldi blaðamanns Mánaðarverkfalli í Færeyjum lýkur Setti sig í samband við ráðgjafa Biden til að mótmæla gagnrýni á AGD Öfgahægrið sækir í sig veðrið en miðjan heldur Forsætisráðherrann segir af sér Macron rýfur þingið og boðar til kosninga Benny Gantz hættur í þjóðstjórn Netanjahús Utanríkisráðherra Danmerkur krambúleraður eftir bátaslys Minnist ævintýragjarna og dásamlega mannsins síns „Allt sem gerist í Brussel snertir okkur“ Talið að lík Mosley sé fundið Ísraelar sagðir hafa drepið gísla og ríflega 200 Palestínumenn Drápu 93 við að bjarga gíslunum fjórum Árásarmaðurinn segist ekkert hafa á móti Mette Flæmskur aðskilnaðarflokkur sækir í sig veðrið Færeyskir atvinnurekendur segjast hafðir að spotti Fjórir gíslar frelsaðir á Gasa Vendingar í leit að sjónvarpslækni 39 ára karlmaður í haldi vegna árásarinnar á Mette Frederiksen Frederiksen slegin í miðborg Kaupmannahafnar Framkvæmdastjórn ESB gefur Úkraínu grænt ljós Írar kjósa til Evrópuþings Sunak biðst afsökunar á brotthvarfi frá Normandí Fyrstu úrslit Evrópukosninga staðfesta uppgang fjarhægrisins Tengdi stríðið í Úkraínu við baráttuna gegn fasismanum Frægs sjónvarpslæknis leitað Vill brottvísa hælisleitendum sem fremja alvarlega glæpi Stefnir í óefni náist samningar ekki í bráð Lést á leið til Normandí 80 árum eftir D-dag Göngugarpur uppljóstrar að hæsti foss Kína er buna úr röri Sjá meira
Mikil spenna hefur verið fyrir fyrirhuguðu útboði netfyrirtækisins Google sem hefjast átti í vikunni. Nú kann svo að fara að því verði frestað að minnsta kosti um viku. Ástæðan eru hlutir sem voru gefnir út ólöglega og seldir ráðgjöfum og starfsmönnum. Einnig fengu um 300 manns kauprétt. Upphæðirnar nema engum smá fjárhæðum eða yfir 200 milljörðum króna. Fyrirtækið hefur boðist til þess að kaupa til baka kaupréttina og hlutabréfin með vöxtum. Gleði þessara fyrrum milljarðamæringa Silikondalsins er spillt og líklegt að þeir leiti réttar síns og vilji fá nokkuð fyrir snúð sinn. Breytt útboðsfyrirkomulag Hagsmunir Google er miklir af útboðinu og miðað við áhugann á útboðinu yrðu margir fyrir vonbrigðum með frestun þess. Langt er um liðið frá síðustu frumskráningu netfyrirtækis á markað. Þegar netbólan stóð sem hæst þénuðu uppáhaldskúnnar stórra banka gríðarlegar fjárhæðir. Hlutabréfin voru seld á föstu verði í útboðinu. Frumkaupendur innleystu mikinn hagnað af skammtímahækkun bréfanna. Eftirsóttustu fyrirtækin margfölduðust í verði á nokkrum dögum. Þegar netbólan sprakk sátu ýmsir eftir með sárt ennið þegar bréf sem keypt voru dýrum dómum urðu næsta verðlítil. Aðferð Google er að hafa verðið með bilinu frá 108 dollurum á hlut upp í 135 dollara á hlut og halda síðan uppboð. Aðferð sem er kölluð Hollenska aðferðin. Aðferðin er hugsuð til þess að hákarlarnir hafi ekki sama möguleika á að innleysa skyndigróða. Margir óttast hins vegar að sagan endurtaki sig. Græðgi smærri fjárfesta muni keyra verðið hratt upp í gengi sem framtíðartekjur fyrirtækisins muni aldrei geta staðið undir. Google er þekkt vörumerki. Hundruð milljóna manna nota þjónustu fyrirtækisins á hverjum degi. Almenn tilhneiging er til þess að verðmeta hærra það sem fólk þekkir vel. Hitt sé að margir skilji ekki Hollensku aðferðina. Þannig geti bréfin hækkað um 40 prósent, frá háu verði í útboðinu. Þeir sem kaupa bréf á því verði muni þurfa að greiða hátt gjald fyrir þekkingarskortinn. Hefðbundin flugeldasýning Hefðbundna leiðin væri að bjóða hlutinn á 20 til 25 dollara og fylgjast svo með flugeldasýningunni. Verðið myndi svo margfaldast og frumkaupendur hagnast vel. Hollensku aðferðinni er ætlað að tryggja almennum fjárfestum hlut á þolanlegu gengi. Hins vegar hafa margir efasemdir um að gengið 108 til 135 dollara sé þolanlegt. Erfitt sé að sjá að fyrirtækið, eins ágætt sem það er, geti staðið undir slíkum væntingum. Til þess þurfi vöxtur hagnaðar að verða gríðarlegur næstu misserin. Menn minna á að Netscape hafi á sínum tíma staðið nærri hjarta Wallstreet. Lítið sé eftir af þeirri ást. Fleira er í veginum. Hækkandi olíuverð og hryðjuverkaótti hefur lækkað markaði sem voru á leið til aukinnar bjartsýni. Markaðurinn óttast að olíuverðið muni draga úr kaupgetu almennings sem bitnar aftur á auglýsingamarkaðnum. Þaðan koma tekjur Google. Veiking markaðar og lækkun á gengi tæknifyrirtækja auka einnig á ótta manna um að útboðið geti mistekist. Fortíð Google ætti að veita nokkra huggun gegn efasemdarmönnum. Google stakk samkeppnisaðila sína af á markaði. Notkun leitarvélar þeirra er tvöfalt meiri en hjá samkeppnisaðilanum Yahoo. Hagnaður tveggja íslenskra banka Miðað við hærri upphæðina í útboðinu er fyrirtækið metið á 2.500 milljarða króna. sem er þreföld landsframleiðsla Íslendinga. Hagnaður síðasta ársfjórðungs var 5,6 milljarðar sem er um það bil sami hagnaður og hjá KB banka og Íslandsbanka samanlagt á tímabilinu. Það tekur núverandi hagnað fyrirtækisins 329 ár að greiða fyrir markaðsvirði sitt. Þetta hlutfall milli virðis og hagnaðar er tvöfalt hærra en hjá Yahoo. Enda þótt Yahoo standi Google að baki í leit á netinu, þá hefur þeim tekist betur upp að margra mati að þróa aðra tengda netþjónustu. Þessi aukna þjónusta framtíðarinnar eru rök þeirra sem telja Google góðan fjárfestingarkost, auk þess sem búist er við að vöxtur auglýsinga á netinu verði mikill á næstu árum. Verðið í útboðinu gerir ráð fyrir miklum vexti. Google tvöfaldaði stærð sína árvisst undanfarin ár. Upp á síðkastið hefur hægt á vextinum. Ný þjónusta er í smíðum hjá fyrirtækinu. Google keypti ljósmyndaþjónustuna Picasa. Þar geta notendur vistað og unnið með stafrænar ljósmyndir á netinu. Google bindur miklar vonir við að þessi þjónusta geti vaxið hratt. Sterkir keppinautar Þróun Internetsins er ör. Almennt efast menn ekki um að miklir tekjumöguleikar verði í ýmis konar þjónustu og tækni á netinu. Google tókst að skapa sér yfirburðarstöðu á einu sviði þessarar tækni og þjónustu. Það gefur vissulega fyrirheit. Google hefur líka sýnt að með markvissri vinnu og frjórri sýn geta ný fyrirtæki sprottið upp og náð sterkri stöðu á skömmum tíma. Lykillinn að sigurför Google hingað til gæti orðið helsta ógn þess til framtíðar. Ný þjónusta sem gefur vel af sér laðar fjöldan allan af keppinautum á markaðinn. Fyrir eru sterkir keppinautar í netþjónustu svo sem Yahoo, American Online og Microsoft. Þessir aðilar munu allir róa á mið framtíðarinnar. Framtíð Google er óskrifað blað. Leitin að nýjum tekjum og nýjum möguleikum er verkefni stjórnenda Google. Óvissan og efasemdarraddirnar sem skjóta nú upp kollinum eru ekki uppörvandi fyrir stjórnendur Google. Upp á móti þessu vegur hversu langt er síðan nýr vonarpeningur leit dagsins ljós á Nasdaqmarkaðnum. Óþreyjan eftir því, þekkt vörumerki og miklir framtíðarmöguleikar vega upp á móti efasemdarröddunum. Veröld hlutabréfanna er hverful og margir hafa nagað sig í handarbökin fyrir að hafa ekki stokkið á tækifæri sem hafa gert aðra ríka. Það er hættulegur hugsunarháttur við fjárfestingar, en stýrir engu að síður ákvörðun margra.
Erlent Fréttir Tækni Viðskipti Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Furða sig á að starfsfólkið þegi ennþá Innlent Vestmanneyjabær mótmælir efnisvinnslu Heidelberg við Landeyjahöfn Innlent Setti sig í samband við ráðgjafa Biden til að mótmæla gagnrýni á AGD Erlent Forsætisráðherrann segir af sér Erlent Ekki óeðlilegt að líta til þess að byggja hverfi á öðrum stöðum Innlent Tveir fluttir á sjúkrahús: Þriðja útkallið á einum sólarhring Innlent Lögregla sendi fólk aftur inn úr blíðunni Innlent Öfgahægrið sækir í sig veðrið en miðjan heldur Erlent Mánaðarverkfalli í Færeyjum lýkur Erlent Fullyrða að gíslar hafi fundist í haldi blaðamanns Erlent Fleiri fréttir Fullyrða að gíslar hafi fundist í haldi blaðamanns Mánaðarverkfalli í Færeyjum lýkur Setti sig í samband við ráðgjafa Biden til að mótmæla gagnrýni á AGD Öfgahægrið sækir í sig veðrið en miðjan heldur Forsætisráðherrann segir af sér Macron rýfur þingið og boðar til kosninga Benny Gantz hættur í þjóðstjórn Netanjahús Utanríkisráðherra Danmerkur krambúleraður eftir bátaslys Minnist ævintýragjarna og dásamlega mannsins síns „Allt sem gerist í Brussel snertir okkur“ Talið að lík Mosley sé fundið Ísraelar sagðir hafa drepið gísla og ríflega 200 Palestínumenn Drápu 93 við að bjarga gíslunum fjórum Árásarmaðurinn segist ekkert hafa á móti Mette Flæmskur aðskilnaðarflokkur sækir í sig veðrið Færeyskir atvinnurekendur segjast hafðir að spotti Fjórir gíslar frelsaðir á Gasa Vendingar í leit að sjónvarpslækni 39 ára karlmaður í haldi vegna árásarinnar á Mette Frederiksen Frederiksen slegin í miðborg Kaupmannahafnar Framkvæmdastjórn ESB gefur Úkraínu grænt ljós Írar kjósa til Evrópuþings Sunak biðst afsökunar á brotthvarfi frá Normandí Fyrstu úrslit Evrópukosninga staðfesta uppgang fjarhægrisins Tengdi stríðið í Úkraínu við baráttuna gegn fasismanum Frægs sjónvarpslæknis leitað Vill brottvísa hælisleitendum sem fremja alvarlega glæpi Stefnir í óefni náist samningar ekki í bráð Lést á leið til Normandí 80 árum eftir D-dag Göngugarpur uppljóstrar að hæsti foss Kína er buna úr röri Sjá meira