Vísitalan helst óbreytt

Greiningardeild KB banka hefur spáð því að vísitala neysluverðs muni haldast óbreytt í júlí. Ef spáin gengur eftir mun verðbólgan á ársgrundvelli fara upp í rétt rúmlega fjögur prósent og standa því á efri þolmörkum verðbólgumarkmiða Seðlabankans. Verðbólguspáin að þessu sinni litast af sumarútsölum auk hræringa á fasteignamarkaði. Einnig reiknar Greiningardeild með að gæta fari kostnaðarhækkana, meðal annars vegna umsamdra launahækkana.