Latóhagkerfið opnað

Latóhagkerfið var formlega opnað í Fjölskyldu- og húsdýragarðinum rétt fyrir síðustu helgi. Valgerður Sverrisdóttir, iðnaðar- og viðskiptaráðherra, og Friðrik Halldórsson, framkvæmdastjóri KB banka, opnuðu kerfið að viðstöddum fjörutíu börnum frá leikskólanum Ásum í Garðabæ. Halla hrekkjusvín og Solla stirða úr Latabæ brugðu á leik og fræddu börnin um heilbrigt líferni. Er þetta í fjórða skiptið sem Latóhagkerfið er opnað.