Bensínverð hærra útá landi

Bensínverð er mun hærra á landsbyggðinni en á höfuðborgarsvæðinu þar sem samkeppnin kemur neytendum til góða. Selfoss er eini staðurinn á landsbyggðinni þar sem hægt er að fá lítrann af 95 oktana bensíni á minna en hundrað krónur. Algengt er að lægsta verð á landsbyggðinni sé 108,90 krónur fyrir lítrann en lægsta bensínverð á landinu er í Hafnarfirði 99,70 krónur og í Kópavogi og á Selfossi 99,80 krónur fyrir lítrann.