Forystumenn stýrðu viðræðum og hluti ríkisstjórnar vissi ekkert Þorbjörn Þórðarson skrifar 29. desember 2011 19:22 Jóhanna Sigurðardóttir, forsætisráðherra, og Steingrímur J. Sigfússon, fjármálaráðherra, stýrðu viðræðum við þingmenn Hreyfingarinnar. Fundirnir voru flestir í stjórnarráðshúsinu og hluti ríkisstjórnarinnar vissi ekkert og þingflokkarnir ekki heldur. Formenn stjórnarflokkanna fengu, samkvæmt heimildum fréttastofu, opið umboð frá þingflokkum sínum fyrr í þessum mánuði til þess að ráðast í breytingar til þess að styrkja ríkisstjórnarsamstarfið. Viðræður við Hreyfinguna voru hluti af þessum aðgerðum. Fréttastofa hefur heimildir fyrir því að þingflokkum VG og Samfylkingarinnar hafi verið haldið utan við viðræðurnar sjálfar við Hreyfinguna og aðeins hluti ríkisstjórnarinnar vissi af þeim. Sumir ráðherrar vissu ekkert.Byrjaði á óformlegum nótum Hvaða ráðherra í ríkisstjórninni var þetta sem hafði samband við ykkur? „Það gengur nú ekki þannig fyrir sig að það sé svo formlegt. Þetta byrjar nú þannig að það er byrjað að bjóða manni góðan daginn oftar en eðlilegt getur talist niður á þingi og svo spinnst eitthvað út úr því í framhaldinu. Einhverjir þingmenn ræða við sína ráðherra og á endanum er boðum komið til manns um fund (...) og svo vindur þetta upp á sig í framhaldinu af því. En frumkvæðið kom frá ríkisstjórninni," segir Þór Saari, þingmaður Hreyfingarinnar. Hvaða ráðherrar voru þetta sem þið funduðuð með? „Við vorum að funda með Jóhönnu og Steingrími." Var Össur ekki hluti af þessu? „Hann var eitthvað að ræða við okkur fyrir jólin, en það var minniháttar." Hvernig var þetta lagt upp af hálfu ríkisstjórnarinnar? „Þau voru að kanna hvað við stæðum föst á stefnuskránni sem við vorum kosin út á með það fyrir augum að verja þau vantrausti ef til þess kæmi. Og það náðist ekki niðurstaða í það."Augljóst að breytingar eru framundan Fundirnir voru fyrir jól, og í gær og í fyrradag, aðallega í stjórnarráðshúsinu. Þór segir að ástæðuna vera fyrirhugaðar breytingar á ríkisstjórninni. „Það gefur augaleið að það eru fyrirhugaðar einhverjar ráðherrabreytingar og þau óttast einhverja óvissu með þann meirihluta sem þau hafa í kjölfarið á því." Gátu þau sýnt á spilin. Veist þú t.d hvaða breytingar eru fyrirhugaðar? „Nei, það var ekkert rætt um það. Það er algjörlega á þeirra borði ennþá. Hvað þau gera, en það virðist rætt um ýmsa ráðherra og forseta þingsins líka."Hreyfingin vildi fá Ástu Ragnheiði frá Aldrei var rætt um að Hreyfingin kæmi inn í ríkisstjórn. Þór Saari segir að Hreyfingin hafi lagt fram kröfu um Ásta Ragnheiður Jóhannesdóttir viki sæti sem forseti þingsins. Þá vildi Hreyfingin ákveðnar lýðræðisumbætur sem fólust í því að almenningur gæti kallað fram þjóðaratkvæðagreiðslur með undirskriftum 10% atkvæðisbærra manna, sem Þór kallar „grundvallaratriði." Þór segist líta svo á viðræðum sé lokið í bili en hann segir að þær hafi strandað því Jóhanna og Steingrímur hafi ekki verið tilbúinn að samþykkja leið varðandi skuldavanda heimilanna sem fólst í að stofnaður yrði sérstakur afskriftarsjóður fyrir skuldir sem yrði eign banka og lífeyrissjóða. Vildu skuldir heimilanna í sérstakan afskriftarsjóðÞór Saari segir viðræðurnar hafa strandað því forystumenn ríkisstjórnarinnar voru ekki tilbúnir að fara leið Hreyfingarinnar varðandi skuldavanda heimilanna.Hvaða leið er þetta? „Tillögurnar valda ríkissjóði engum aukakostnaði og eru ekki högg á efnahagsreikninga banka og lífeyrissjóða. Þetta felst í því að skuldir heimilanna, sem verða afskrifaðar af bönkunum, eru settar í sérstakan afskriftarsjóð og eru þá áfram til sem eign banka og lífeyrissjóða. Síðan er þessi afskriftarsjóður greiddur niður með ákveðnum útfærslum sem við lögðum fram einnig, á 25 árum. Þetta er ekkert sem er óviðráðanlegt og í raun mjög viðráðanlegt fyrir þessar stofnanir. Þau (Jóhanna og Steingrímur innsk.blm) vildu ekki fara í þann slag. Þeim fannst þessar tillögur ganga of langt. Þau buðu upp á samstarf með óljósu orðalagi, en það er eitthvað sem við höfum passað okkur á að fara ekki út í." Þór Saari segir að viðræðunum sé lokið í bili. Hann segir það hafa verið skilaboðin í gær, að ekki hafi náðst lending. Birgitta Jónsdóttir leggur áherslu á að hlé hafi verið gert á viðræðunum, en hún segist ekki líta svo á að þeim hafi verið slitið endanlega. thorbjorn@stod2.is Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Þetta er að verða komið gott“ Innlent Enn mikið sjónarspil á gosstöðvunum Innlent Bankasýslan kom af fjöllum þegar tilkynnt var um kaupin Innlent Eldgosið hagi sér öðruvísi og gæti varað lengur Innlent Lýsir yfir vonbrigðum og krefst frestunar aðalfundar Innlent Árekstur við Kaplakrika Innlent Jakob Reynir Aftur reynir aftur Innlent Bankastjóri segir það hennar hlutverk að reka Landsbankann Innlent Virkni gossins enn stöðug og hætta enn talin mikil Innlent Stefán Ingimar neitar að koma til landsins Innlent Fleiri fréttir „Þetta er að verða komið gott“ Bankasýslan kom af fjöllum þegar tilkynnt var um kaupin Lýsir yfir vonbrigðum og krefst frestunar aðalfundar Árekstur við Kaplakrika Eldgosið hagi sér öðruvísi og gæti varað lengur Jakob Reynir Aftur reynir aftur Bankastjóri segir það hennar hlutverk að reka Landsbankann Enn mikið sjónarspil á gosstöðvunum Tveggja ára fangelsi fyrir hnífaárás vegna lélegs kókaíns Hvorki sakborningur né fórnarlamb kannast við skotárásina Kvöldfréttir Stöðvar 2 Stefán Ingimar neitar að koma til landsins Virkni gossins enn stöðug og hætta enn talin mikil Tekur ekki þátt í að selja hlut í Landsbankanum Endurskoða aðgangstakmarkanir á morgun Meðmælabréf kennaranna ekki nóg fyrir skólastjórann Lítil stemning fyrir rafrænni undirritun Ríkið reynt að hafa þinglýstar jarðir af bændum með valdi Fær engar slysabætur eftir að hafa ekið réttindalaus og „frosið“ á fjórhjólinu Íslendingurinn var handtekinn í Baltimore Foreldrar megi ekki vera vondir við sjálfa sig eftir stórt áfall Hraunið á um 330 metra í Suðurstrandarveg Svartsengi rýmt vegna gasmengunar Barmur hrauntjarnar við það að bresta og mikil mengun í Svartsengi Haldlögðu mikið magn skotvopna á höfuðborgarsvæðinu Segir Ómar hafa hótað pari málsókn vegna viðtals Sakar leigjanda sinn um blekkingar en vill grafa stríðsöxina Sundhnúkareinin gæti verið á leið í mjög langt frí Festist í dekkjarólu á Völlunum Vísbendingar um að kvikusöfnun sé hafin á ný Sjá meira
Jóhanna Sigurðardóttir, forsætisráðherra, og Steingrímur J. Sigfússon, fjármálaráðherra, stýrðu viðræðum við þingmenn Hreyfingarinnar. Fundirnir voru flestir í stjórnarráðshúsinu og hluti ríkisstjórnarinnar vissi ekkert og þingflokkarnir ekki heldur. Formenn stjórnarflokkanna fengu, samkvæmt heimildum fréttastofu, opið umboð frá þingflokkum sínum fyrr í þessum mánuði til þess að ráðast í breytingar til þess að styrkja ríkisstjórnarsamstarfið. Viðræður við Hreyfinguna voru hluti af þessum aðgerðum. Fréttastofa hefur heimildir fyrir því að þingflokkum VG og Samfylkingarinnar hafi verið haldið utan við viðræðurnar sjálfar við Hreyfinguna og aðeins hluti ríkisstjórnarinnar vissi af þeim. Sumir ráðherrar vissu ekkert.Byrjaði á óformlegum nótum Hvaða ráðherra í ríkisstjórninni var þetta sem hafði samband við ykkur? „Það gengur nú ekki þannig fyrir sig að það sé svo formlegt. Þetta byrjar nú þannig að það er byrjað að bjóða manni góðan daginn oftar en eðlilegt getur talist niður á þingi og svo spinnst eitthvað út úr því í framhaldinu. Einhverjir þingmenn ræða við sína ráðherra og á endanum er boðum komið til manns um fund (...) og svo vindur þetta upp á sig í framhaldinu af því. En frumkvæðið kom frá ríkisstjórninni," segir Þór Saari, þingmaður Hreyfingarinnar. Hvaða ráðherrar voru þetta sem þið funduðuð með? „Við vorum að funda með Jóhönnu og Steingrími." Var Össur ekki hluti af þessu? „Hann var eitthvað að ræða við okkur fyrir jólin, en það var minniháttar." Hvernig var þetta lagt upp af hálfu ríkisstjórnarinnar? „Þau voru að kanna hvað við stæðum föst á stefnuskránni sem við vorum kosin út á með það fyrir augum að verja þau vantrausti ef til þess kæmi. Og það náðist ekki niðurstaða í það."Augljóst að breytingar eru framundan Fundirnir voru fyrir jól, og í gær og í fyrradag, aðallega í stjórnarráðshúsinu. Þór segir að ástæðuna vera fyrirhugaðar breytingar á ríkisstjórninni. „Það gefur augaleið að það eru fyrirhugaðar einhverjar ráðherrabreytingar og þau óttast einhverja óvissu með þann meirihluta sem þau hafa í kjölfarið á því." Gátu þau sýnt á spilin. Veist þú t.d hvaða breytingar eru fyrirhugaðar? „Nei, það var ekkert rætt um það. Það er algjörlega á þeirra borði ennþá. Hvað þau gera, en það virðist rætt um ýmsa ráðherra og forseta þingsins líka."Hreyfingin vildi fá Ástu Ragnheiði frá Aldrei var rætt um að Hreyfingin kæmi inn í ríkisstjórn. Þór Saari segir að Hreyfingin hafi lagt fram kröfu um Ásta Ragnheiður Jóhannesdóttir viki sæti sem forseti þingsins. Þá vildi Hreyfingin ákveðnar lýðræðisumbætur sem fólust í því að almenningur gæti kallað fram þjóðaratkvæðagreiðslur með undirskriftum 10% atkvæðisbærra manna, sem Þór kallar „grundvallaratriði." Þór segist líta svo á viðræðum sé lokið í bili en hann segir að þær hafi strandað því Jóhanna og Steingrímur hafi ekki verið tilbúinn að samþykkja leið varðandi skuldavanda heimilanna sem fólst í að stofnaður yrði sérstakur afskriftarsjóður fyrir skuldir sem yrði eign banka og lífeyrissjóða. Vildu skuldir heimilanna í sérstakan afskriftarsjóðÞór Saari segir viðræðurnar hafa strandað því forystumenn ríkisstjórnarinnar voru ekki tilbúnir að fara leið Hreyfingarinnar varðandi skuldavanda heimilanna.Hvaða leið er þetta? „Tillögurnar valda ríkissjóði engum aukakostnaði og eru ekki högg á efnahagsreikninga banka og lífeyrissjóða. Þetta felst í því að skuldir heimilanna, sem verða afskrifaðar af bönkunum, eru settar í sérstakan afskriftarsjóð og eru þá áfram til sem eign banka og lífeyrissjóða. Síðan er þessi afskriftarsjóður greiddur niður með ákveðnum útfærslum sem við lögðum fram einnig, á 25 árum. Þetta er ekkert sem er óviðráðanlegt og í raun mjög viðráðanlegt fyrir þessar stofnanir. Þau (Jóhanna og Steingrímur innsk.blm) vildu ekki fara í þann slag. Þeim fannst þessar tillögur ganga of langt. Þau buðu upp á samstarf með óljósu orðalagi, en það er eitthvað sem við höfum passað okkur á að fara ekki út í." Þór Saari segir að viðræðunum sé lokið í bili. Hann segir það hafa verið skilaboðin í gær, að ekki hafi náðst lending. Birgitta Jónsdóttir leggur áherslu á að hlé hafi verið gert á viðræðunum, en hún segist ekki líta svo á að þeim hafi verið slitið endanlega. thorbjorn@stod2.is
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Þetta er að verða komið gott“ Innlent Enn mikið sjónarspil á gosstöðvunum Innlent Bankasýslan kom af fjöllum þegar tilkynnt var um kaupin Innlent Eldgosið hagi sér öðruvísi og gæti varað lengur Innlent Lýsir yfir vonbrigðum og krefst frestunar aðalfundar Innlent Árekstur við Kaplakrika Innlent Jakob Reynir Aftur reynir aftur Innlent Bankastjóri segir það hennar hlutverk að reka Landsbankann Innlent Virkni gossins enn stöðug og hætta enn talin mikil Innlent Stefán Ingimar neitar að koma til landsins Innlent Fleiri fréttir „Þetta er að verða komið gott“ Bankasýslan kom af fjöllum þegar tilkynnt var um kaupin Lýsir yfir vonbrigðum og krefst frestunar aðalfundar Árekstur við Kaplakrika Eldgosið hagi sér öðruvísi og gæti varað lengur Jakob Reynir Aftur reynir aftur Bankastjóri segir það hennar hlutverk að reka Landsbankann Enn mikið sjónarspil á gosstöðvunum Tveggja ára fangelsi fyrir hnífaárás vegna lélegs kókaíns Hvorki sakborningur né fórnarlamb kannast við skotárásina Kvöldfréttir Stöðvar 2 Stefán Ingimar neitar að koma til landsins Virkni gossins enn stöðug og hætta enn talin mikil Tekur ekki þátt í að selja hlut í Landsbankanum Endurskoða aðgangstakmarkanir á morgun Meðmælabréf kennaranna ekki nóg fyrir skólastjórann Lítil stemning fyrir rafrænni undirritun Ríkið reynt að hafa þinglýstar jarðir af bændum með valdi Fær engar slysabætur eftir að hafa ekið réttindalaus og „frosið“ á fjórhjólinu Íslendingurinn var handtekinn í Baltimore Foreldrar megi ekki vera vondir við sjálfa sig eftir stórt áfall Hraunið á um 330 metra í Suðurstrandarveg Svartsengi rýmt vegna gasmengunar Barmur hrauntjarnar við það að bresta og mikil mengun í Svartsengi Haldlögðu mikið magn skotvopna á höfuðborgarsvæðinu Segir Ómar hafa hótað pari málsókn vegna viðtals Sakar leigjanda sinn um blekkingar en vill grafa stríðsöxina Sundhnúkareinin gæti verið á leið í mjög langt frí Festist í dekkjarólu á Völlunum Vísbendingar um að kvikusöfnun sé hafin á ný Sjá meira