Innlent

Spáir rúmlega sex þúsund nýjum störfum

Bæjarstjórn Reykjanesbæjar þótti bjartsýn þegar spáð var 2.700-2.900 nýjum störfum á Suðurnesjum næstu ár. Nú spáir Capacent því að ný störf á svæðinu verði 6.500 fram til 2013.
Bæjarstjórn Reykjanesbæjar þótti bjartsýn þegar spáð var 2.700-2.900 nýjum störfum á Suðurnesjum næstu ár. Nú spáir Capacent því að ný störf á svæðinu verði 6.500 fram til 2013.
Ný skýrsla Capacent, sem kynnt verður bæjarráði Reykjanesbæjar í dag, spáir því að nýjum störfum, beinum og afleiddum, muni fjölga um 6.500 ársverk fram til 2013 vegna áforma um ýmsar stórframkvæmdir á Suðurnesjum.

„Þessi tala er varlega áætluð,“ segir Capacent. „Heildarlaunatekjur vegna þessara atvinnukosta nema rúmum 27 milljörðum króna yfir tímabilið 2010-2013.“

Í skýrslunni er gert ráð fyrir að útsvars­tekjur 2010 aukist um 680 milljónir króna, eða um 16 prósent, sem er svipað og gert er ráð fyrir í fjárhagsáætlun bæjarins. Hins vegar spáir Capacent því að útsvarstekjur Reykjanesbæjar aukist um 1.657 milljónir króna árið 2011 og alls um 4,3 milljarða króna fram til 2013 vegna áhrifa álvers í Helguvík, Kísilverksmiðju, virkjana HS Orku, ýmissa framkvæmda á Keflavíkurflugvelli og gagnavers Verne Holding.

Tekjuauki sveitarfélagsins fram til 2013 verði alls 5 milljarðar, þegar tekið hefur verið tillit til tekna af auknum fasteignagjöldum og hafnargjöldum. - pg
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið