Innlent

Engin svör frá Bretum og Hollendingum

Engin svör hafa borist frá Bretum og Hollendingum um hvort hægt verði að taka upp nýjar samningaviðræður um Icesave. Ríkisstjórnin fundaði með stjórnarandstöðunni nú síðdegis án niðurstöðu. Höskuldur Kári Schram var í Stjórnarráðshúsinu.

Fundur ríkisstjórnarinnar með stjórnarandstöðunni hófst klukkan hálf fimm í dag en fundurinn stóð í rúman klukkutíma.

Beðið er eftir svari frá Bretum og Hollendingum um hvort hægt verði að taka upp nýjar samningaviðræður um Icesave. Íslendingar hafa þó ekki sent formlega beiðni þessa efnis.

„Á þessu stigi er um óformleg samtöl að ræða, þetta er eðli málsins," segir Jóhanna Sigurðardóttir, forsætisráðherra.

Forsætisráðherra sendi framkvæmdastjóra Alþjóðagjaldeyrissjóðsins bréf í síðustu viku þar sem forsætisráðherra lagði mikla áherslu á að Icesave málið hafi ekki áhrif á endurskoðun efnahagsáætlunar Íslands.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið