Tíska og hönnun

Ekki sammála vali á verst klæddu konum landsins

Visir hafði samband við Haffa Haff um val Fréttablaðsins á verst klæddu konu landsins.
Visir hafði samband við Haffa Haff um val Fréttablaðsins á verst klæddu konu landsins.
Haffi Haff förðunarfræðingur, stílisti og sönvari er alls ekki sammála vali sem fram fór á verst og best klæddu konum landins í Fréttablaðinu í dag.

"Ragnhildur Steinunn er alltaf stórglæsileg. Hún er ein fallegasta kona landsins. Ég er ekki sammála því sem stendur í blaðinu því hún var æðisleg á úrslitakvöldi Eurovision," segir Haffi Haff stílisti og söngvari aðspurður út í ummæli álitsgjafa Fréttablaðsins í dag.

"Svava Johansen ætti frekar að vera titluð ein af best klæddu konum landsins því hún er alltaf hún sjálf. Svo er Sigríður Klingenberg bara hún sjálf. Hún er alltaf með rosalega flotta skartgripi. Mér finnst allt í lagi ef konur vilja fara örlítið yfir strikið eins og hún."

"Ingibjörg Sólrún getur eflaust ekki farið fram úr sér í klæðaburði sökum starfsins og ef hún leyfir sér það þá heldur fólk að það sé ekki allt með felldu. Annars er svo persónubundið hvað fólki finnst. Þetta eru jú bara föt. Dorrit lítur alltaf svo vel út og hún er djörf því hún getur það og það er frábært. Svona svipað eins og ég," segir Haffi.

Eins og svo margir telur Haffi Haff Ragnhildi Steinunni vera eina fallegustu konu landsins.





Fleiri fréttir

Sjá meira


×