LAUGARDAGUR 3. DESEMBER NŻJAST 08:00

Guttinn kom meš til Póllands

SPORT

Afrķkusambandiš styrkir ķslenskt jaršhitaverkefni

 
Višskipti innlent
08:10 26. MAĶ 2014
Gušmundur Žóroddsson er forstjóri Reykjavik Geothermal.
Gušmundur Žóroddsson er forstjóri Reykjavik Geothermal.

Íslenska fyrirtækið Reykjavik Geothermal og Afríkusambandið undirrita í dag samning um styrk til jarðhitaborana í Eþíópíu á alþjóðlegum fundi styrktaraðila jarðhitaþróunar í Austur Afríku sem haldinn verður í Reykjavík.

Í tilkynningu segir að styrkurinn sé veittur úr Áhættudreifingarsjóði fyrir jarðhita í Austur-Afríku en honum er ætlað  að styrkja boranir á jarðhitasvæðum í Austur Afríku. Sjóðurinn er undir stjórn Afríkusambandsins en hann er fjármagnaður af ráðuneyti þróunarmála í Þýskalandi og Innviðasjóði Evrópusambandsins fyrir Afríku í samvinnu við þýska þróunarbankann.

Styrkurinn er veittur til borunar á tveimur jarðhitaholum og getur numið allt að 8 milljónum bandaríkjadala, eða um 900 milljónum íslenskra króna.

Heildarfjárfesting nemur fjórum milljörðum dala

„Íslenska fyrirtækið Reykjavik Geothermal (RG) hefur samið við ríkisstjórn Eþíópíu um þróun á 1.000 MWjarðhitaverkefni sem staðsett verður í eþíópíska sigdalnum (Main Ethiopian Rift). Áætlað er að verkefninu verði skipt í tvær 500 MW virkjanir sem hvor um sig verði þróuð í áföngum. Virkjanirnar nýta jarðhita frá þremur svæðum í sigdalnum, Corbetti, Tulu Moye og Abaya. Allt rafmagn verður selt til Ethiopian Electric Power(EEP), sem er ríkisorkufyrirtæki Eþíópíu. Áætlað er að árleg orkuframleiðsla fyrri virkjunarinnar (Corbetti) geti orðið um 4.000 GWh. Heildarfjárfesting fyrir virkjanirnar tvær verður um 4 milljarðar bandaríkjadala eða um 450 milljarðar íslenskra króna.Utanríkisráðuneytið hefur um áraraðir verið ötull stuðningsaðili jarðhitaþróunar í Austur Afríku og hefur náð góðum árangri í uppbyggingu jarðhitaþekkingar meðal þessara þjóða. Hinn alþjóðlegi fundur styrktaraðila jarðhitaþróunar í Austur Afríku er haldinn af Framkvæmdastjórn Afríkusambandsins og Þróunarsamvinnustofnun Íslands,“ segir í tilkynningunni.

„Samningurinn verður undirritaður af Dr. ElhamMahmoud Ahmed Ibrahim, framkvæmdastjóra innviða og orkumála hjá Afríkusambandinu og Þorleifi Finnssyni, yfirmanni verkefnaþróunar hjá Reykjavik Geothermal,“ segir ennfremur.


Deila
Athugiš. Allar athugasemdir eru į įbyrgš žeirra er žęr rita. Vķsir hvetur lesendur til aš halda sig viš mįlefnalega umręšu. Einnig įskilur Vķsir sér rétt til aš fjarlęgja ęrumeišandi eša ósęmilegar athugasemdir og ummęli žeirra sem tjį sig ekki undir eigin nafni.

 

MEST LESIŠ

  • Nżjast į Vķsi
  • Mest Lesiš
  • Fréttir
  • Sport
  • Višskipti
  • Lķfiš
Forsķša / Višskipti / Višskipti innlent / Afrķkusambandiš styrkir ķslenskt jaršhitaverkefni
Fara efst