Lífið

Adele hraunaði yfir tónleikagest sem var að taka upp tónleikana: „Þetta er ekki DVD, þetta eru alvöru tónleikar“

Tryggvi Páll Tryggvason skrifar
Söngkonan var ekki sátt.
Söngkonan var ekki sátt. Vísir/Getty
Söngkonan Adele tók sér tíma á tónleikum sínum fyrir skömmu og lét tónleikagest heyra það fyrir að vera að taka upp tónleikana á símanum sínum í stað þess að njóta þess að vera þar í eigin persónu.

„Ég ætla að segja við þessa konu hér, viltu hætta að taka upp! Ég er hérna í alvörunni og þú átt að njóta þess að vera hér,“ sagði Adele. „Taktu þrífótinn niður, þetta er ekki DVD, þetta eru alvöru tónleikar. Ég vil að þú njótir þeirra vegna þess að það er fullt af fólki sem komst ekki á þá.“

Adele uppskar mikinn fögnuð áhorfenda. Það er þó ef til vill kaldhæðni að annar tónleikagestur tók atvikið upp á myndband líkt og sjá má hér að neðan.


Tengdar fréttir






Fleiri fréttir

Sjá meira


×