„Ég veit ekki hvort ég á heima hér“ Ólöf María Brynjarsdóttir skrifar 7. desember 2016 07:00 Ég settist niður í rauða sófann og sagði þetta við konuna sem sat í hægindastól á móti mér, hún brosti aðeins og sagði það vera algengt að fólk héldi þessu fram í fyrsta viðtali. Hún spurði svo til baka „hvers vegna finnst þér þú ekki eiga heima hér?“ Já hvers vegna hélt ég að ég ætti ekki heima í þessu heimilislega herbergi? Mér fannst það sem ég bjó yfir ekkert merkilegt, ég mundi það takmarkað og sennilega væri það allt saman mér að kenna. Ég væri örugglega að gera úlfalda úr mýflugu. Ég skammaðist mín og fannst ég ekki eiga rétt á samúð. Þessi góða kona gæti líka án efa varið tíma sínum mun betur í að hjálpa þeim sem virkilega þyrftu á því að halda. Þetta voru fyrstu samræður mínar við ráðgjafann minn hjá Aflinu Akureyri. Ég kom þangað í mars 2014 til að leita mér aðstoðar eftir margra ára þögn yfir því kynferðisofbeldi sem ég hafði orðið fyrir á lífsleiðinni. Við tók margra mánaða vinna í viðtölum þar sem ég kafaði ofan í dýpstu og myrkustu staðina innra með mér. Hjá Aflinu lærði ég að það sem ég varð fyrir var ekki mér að kenna og að ofbeldið hefði mótað mig á allan hátt. En ég sat uppi með afleiðingarnar og hjá Aflinu fékk ég aðstoð til að greina þær og koma þeim frá mér. Þar var hlustað á mig og ég fann í fyrsta skipti að þarna var einhver sem skildi mig, einhver sem hafði gengið í gegnum þetta sama og komist lifandi frá því. Afleiðingar kynferðisofbeldis eru margþættar, bæði líkamlegar og andlegar. Íslenskar rannsóknir hafa sýnt að konur sem sættu kynferðisofbeldi í æsku geta þjáðst af alls kyns vandamálum á fullorðinsárum. Má þar nefna meltingarfæratruflanir og sýkingar, vandamál tengd hjarta- og æðakerfi, svimi og yfirlið, brenglun á innkirtlastarfsemi, sogæðakerfisvandamál, taugaáföll og móðurlífsvandamál. Jafnframt geta andleg veikindi, líkt og þunglyndi, kvíði, áfallastreita og geðhvörf hrjáð konur sem sætt hafa kynferðisofbeldi, sem og fíkn af öllum toga. Sýnt hefur verið fram á að með úrvinnslu á ofbeldinu hafa konur náð betri líkamlegri og andlegri heilsu. Það er mikilvægt að þau úrræði sem eru í boði séu miðuð við þarfir einstaklinga. Það hefur Aflið á Akureyri haft að leiðarljósi og býður upp á jafningjafræðslu og jafningjastuðning og þangað er frítt að leita. Ráðgjafar Aflsins hafa allir upplifað á eigin skinni hvernig það er að takast á við afleiðingar kynferðisofbeldis. Það er sérstaklega mikilvægt að úrræði sem þessi standi fólki til boða hvar sem er á landinu, líka á landsbyggðinni. Kynferðisofbeldi á sér nefnilega stað, því miður, úti um allt. Ég starfa í dag sem ráðgjafi hjá Aflinu og hef oft fengið að heyra „ég veit ekki hvort ég á heima hér...?“ frá þeim sem til mín leita. Til allrar hamingju get ég sagt þeim, líkt og mér var sagt vorið 2014, „jú þú átt heima hér og ég veit það því ég hef verið þar sjálf“. Viltu birta grein á Vísi? Sendu okkur póst. Senda grein Mest lesið Satt og logið Bryndís Schram Skoðun Svik við þjóðina Alfreð Sturla Böðvarsson Skoðun Innivist er mikilvægasti þátturinn við hönnun íbúða! Ásta Logadóttir Skoðun Brautryðjandinn Baldur Þóra Björk Smith Skoðun Þegar þú ert báknið Gabríel Ingimarsson Skoðun Framtíð innri markaðarins Gunnar Bragi Sveinsson Skoðun Framsókn leggst ekki í duftið Guðmundur Birkir Þorkelsson Skoðun Að bjarga sex lífum á mínútu í hálfa öld Birna Þórarinsdóttir Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir Skoðun Að dreyma um alheim góðvildar Valerio Gargiulo Skoðun Skoðun Skoðun Framtíð innri markaðarins Gunnar Bragi Sveinsson skrifar Skoðun Satt og logið Bryndís Schram skrifar Skoðun Alþjóðlegi leiðsöguhundadagurinn Sigþór U. Hallfreðsson skrifar Skoðun Framsókn leggst ekki í duftið Guðmundur Birkir Þorkelsson skrifar Skoðun Að dreyma um alheim góðvildar Valerio Gargiulo skrifar Skoðun Að bjarga sex lífum á mínútu í hálfa öld Birna Þórarinsdóttir skrifar Skoðun Þegar þú ert báknið Gabríel Ingimarsson skrifar Skoðun Svik við þjóðina Alfreð Sturla Böðvarsson skrifar Skoðun Innivist er mikilvægasti þátturinn við hönnun íbúða! Ásta Logadóttir skrifar Skoðun Brautryðjandinn Baldur Þóra Björk Smith skrifar Skoðun Katrín og Gunnar? Hjörtur J. Guðmundsson skrifar Skoðun Ótímabundin leyfi, ótímabundið náttúruníð Elvar Örn Friðriksson skrifar Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar Skoðun Er stóraukin lýðræðisþátttaka ekki verðlaunaefni? Einar Freyr Elínarson skrifar Skoðun Árangur gegn verðbólgu Þórdís Kolbrún R. Gylfadóttir skrifar Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar Skoðun Hvar er híbýlaauður? Anna María Bogadóttir skrifar Skoðun Áhugaverðir tímar kalla á áhugaverðan forseta Cody Alexander Skahan skrifar Skoðun Biskup í tengslum Guðrún Karls Helgudóttir skrifar Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar Skoðun Dýravelferðarmartröð af áður óþekktri stærð Benedikta Guðrún Svavarsdóttir skrifar Skoðun Uppskera að vori Lilja Dögg Alfreðsdóttir skrifar Skoðun Er menning stórmál? Ingibjörg Ösp Stefánsdóttir skrifar Skoðun Það vantar vanan og áreiðanlegan mann í verkið Haraldur Ólafsson skrifar Skoðun Leikskólamál eru forgangsmál Hólmfríður Jennýjar Árnadóttir,Álfhildur Leifsdóttir skrifar Skoðun Himinhátt innanlandsflug Ingibjörg Isaksen skrifar Skoðun Hefur allt sem þarf Vilborg Gunnarsdóttir skrifar Skoðun Af hverju að gera rekstraráætlun? Karl Sólnes Jónsson skrifar Skoðun Norskur skammtímagróði Gunnlaugur Stefánsson skrifar Skoðun Æpandi vanþekking Hjálmar Jónsson skrifar Sjá meira
Ég settist niður í rauða sófann og sagði þetta við konuna sem sat í hægindastól á móti mér, hún brosti aðeins og sagði það vera algengt að fólk héldi þessu fram í fyrsta viðtali. Hún spurði svo til baka „hvers vegna finnst þér þú ekki eiga heima hér?“ Já hvers vegna hélt ég að ég ætti ekki heima í þessu heimilislega herbergi? Mér fannst það sem ég bjó yfir ekkert merkilegt, ég mundi það takmarkað og sennilega væri það allt saman mér að kenna. Ég væri örugglega að gera úlfalda úr mýflugu. Ég skammaðist mín og fannst ég ekki eiga rétt á samúð. Þessi góða kona gæti líka án efa varið tíma sínum mun betur í að hjálpa þeim sem virkilega þyrftu á því að halda. Þetta voru fyrstu samræður mínar við ráðgjafann minn hjá Aflinu Akureyri. Ég kom þangað í mars 2014 til að leita mér aðstoðar eftir margra ára þögn yfir því kynferðisofbeldi sem ég hafði orðið fyrir á lífsleiðinni. Við tók margra mánaða vinna í viðtölum þar sem ég kafaði ofan í dýpstu og myrkustu staðina innra með mér. Hjá Aflinu lærði ég að það sem ég varð fyrir var ekki mér að kenna og að ofbeldið hefði mótað mig á allan hátt. En ég sat uppi með afleiðingarnar og hjá Aflinu fékk ég aðstoð til að greina þær og koma þeim frá mér. Þar var hlustað á mig og ég fann í fyrsta skipti að þarna var einhver sem skildi mig, einhver sem hafði gengið í gegnum þetta sama og komist lifandi frá því. Afleiðingar kynferðisofbeldis eru margþættar, bæði líkamlegar og andlegar. Íslenskar rannsóknir hafa sýnt að konur sem sættu kynferðisofbeldi í æsku geta þjáðst af alls kyns vandamálum á fullorðinsárum. Má þar nefna meltingarfæratruflanir og sýkingar, vandamál tengd hjarta- og æðakerfi, svimi og yfirlið, brenglun á innkirtlastarfsemi, sogæðakerfisvandamál, taugaáföll og móðurlífsvandamál. Jafnframt geta andleg veikindi, líkt og þunglyndi, kvíði, áfallastreita og geðhvörf hrjáð konur sem sætt hafa kynferðisofbeldi, sem og fíkn af öllum toga. Sýnt hefur verið fram á að með úrvinnslu á ofbeldinu hafa konur náð betri líkamlegri og andlegri heilsu. Það er mikilvægt að þau úrræði sem eru í boði séu miðuð við þarfir einstaklinga. Það hefur Aflið á Akureyri haft að leiðarljósi og býður upp á jafningjafræðslu og jafningjastuðning og þangað er frítt að leita. Ráðgjafar Aflsins hafa allir upplifað á eigin skinni hvernig það er að takast á við afleiðingar kynferðisofbeldis. Það er sérstaklega mikilvægt að úrræði sem þessi standi fólki til boða hvar sem er á landinu, líka á landsbyggðinni. Kynferðisofbeldi á sér nefnilega stað, því miður, úti um allt. Ég starfa í dag sem ráðgjafi hjá Aflinu og hef oft fengið að heyra „ég veit ekki hvort ég á heima hér...?“ frá þeim sem til mín leita. Til allrar hamingju get ég sagt þeim, líkt og mér var sagt vorið 2014, „jú þú átt heima hér og ég veit það því ég hef verið þar sjálf“.
Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar
Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar
Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar