Valur međ fjórđa sigurinn í röđ

 
Íslenski boltinn
20:03 19. MARS 2017
Nikolaj Hansen skorađi síđara mark Vals.
Nikolaj Hansen skorađi síđara mark Vals. VÍSIR/ANTON
Guđmundur Marinó Ingvarsson skrifar

Valur er með fullt hús stiga á toppi riðils 3 í A-deild Lengjubikarsins í fótbolta eftir 2-1 sigur á Víkingi Ólafsvík í kvöld.

Valur og íA eru bæði með 12 stig toppi riðilsins en Valur með betri markatölu. Víkingur Ó. er með 3 stig í fjórum leikjum.

Nicolas Bogild kom Val yfir á 24. mínútu eftir sendingu frá Bjarna Ólafi Eiríkssyni og staðan í hálfleik 1-0.

Nikolaj Hansen bætti öðru marki við á 84. mínútu en Valur var mun sterkari aðilinn í leiknum og átti Guðjón Pétur Lýðsson meðal annars skot í stöng í leiknum.

Óttar Ásbjörnsson minnkaði muninn í uppbótartíma sem skrifast verður á Anton Ara Einarsson markvörð Vals sem hikaði þegar hann átti að handsama fyrirgjöf Vignis Snæs Stefánssonar örugglega.

Fyrr í dag gerðu Leiknir Fáskrúðsfirði og Fram 4-4 jafntefli í riðli 4. Voru þetta fyrstu stig beggja liða.

Leiknir var 3-0 yfir í hálfleik með tveimur mörkum Almars Daða Jónssonar og marki Hilmars Freys Bjartþórssonar.

Ivan Bubalo og Helgi Guðjónsson minnkuðu muninn fyrir Fram í 3-2 áður en Almar Daði fullkomnaði þrennu sína þegar 24 mínútur voru til leiksloka.

Bubalo minnkaði muninn á ný fyrir Fram áður en Arnór Daði Aðalsteinsson tryggði Fram jafntefli með marki á síðustu mínútu leiksins.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Íslenski boltinn / Valur međ fjórđa sigurinn í röđ
Fara efst