FÖSTUDAGUR 24. MARS NÝJAST 11:30

Amy Schumer hćttir viđ ađ leika í Barbie

LÍFIĐ

Uppskriftir úr Sćlkeraheimsreisunni

 
Matur
14:30 16. APRÍL 2015
Uppskriftir úr Sćlkeraheimsreisunni
VISIR/VALAMATT
skrifar

Vala Matt fór nýlega af stað með nýja þáttaröð á Stöð 2, Sælkeraheimsreisuna. Þar heimsækir hún fólk hvaðanæfa að úr heiminum og eldar með þeim dýrindis máltíðir. Í síðasta þætti heimsótti hún fjölskyldu frá Nepal sem býr hér á landi.

Lamba pottréttur
4x lambalærisneiðar 
3-5 matskeiðar olía
1 laukur
5 hvítlaukslauf 
Smá bútur af engiferi
2 niðurskornir tómatar 
Kóríeanderlauf sem skraut
1 teskeið fenugreek
1 matskeið Kóriander duft
1 matskeið Cumin
2 teskeið túrmerik
1 matskeið Garam masala 
Salt eftir smekk

Við byrjum á að skera niður kjötið í smáa bita og svo marinerum við kjötið, með beininu, í kryddi, þ.e. í 1 teskeið túrmeriki, 1 matskeið  kóríander, 1 matskeið cumin, 1 matskeið Garam masala og salt eftir smekk (en ég spara ekki saltið)

3-5 matskeiðar olía á heita pönnuna (millihiti á eldavél)

Þegar pannan er orðin heit þá setjum við 1 teskeið af fenugreek á pönnuna og passa að það brenni ekki, á að vera passlega brúnt.

Skera niður 1 lauk og setja á pönnuna og brúnum hann. Þá skerum við hvítlaukslaufin og engiferið mjög smátt og bætum við pönnuna. Svo blöndum við túrmerikinu saman við þessa blöndu.

Nú getum við sett maríneraða kjötið á pönnuna og hrærum í með sleif. Þegar við höfum blandað kjötinu saman við þá setjum við niðurskornu tómatana út í og hrærum. Svo leyfum við þessu að malla með loki í 15 mínútur og hrærum öðru hvoru í.

Á meðan getum við smakkað og bætt við kryddi ef við viljum, en aldrei túrmeriki aftur (ef þú vilt hafa það sterkt má bæta við chilli eftir smekk)

Nepalskt kartöflusalat
½ agúrka
6-8 stórar kartöflur, soðnar
1/2 laukur
1 matskeið olía
1 teskeið túrmerik
Sítrónusafi af einni sítrónu
Kóríanderlauf eftir smekk
Salt eftir smekk

Byrjum á að setja sesamfræ á pönnu og ristum við háan hita þangað til þau verða ljósbrún. Svo tökum við sesamfræin og setjum í mortél (getur líka verið matvinnsluvél) og myljum þau.

Soðnu kartöflurnar eru skrældar og skornar niður í bita. Svo skerum við gúrkuna og laukinn í smáa bita. Þá setjum við niðurskornu kartöflurnar, gúrkuna og laukinn í stóra skál og blöndum sesamfræunum í skálina. Því næst setjum við saltið og sítrónusafann út í og blöndum vel.

Til að fá góðan lit á salatið þá setjum við 1 matskeið af olíu á pönnu og steikjum eina teskeið af túrmeriki við lágan. Svo bætum við þessu í skálina og hrærum vel. Til að skreyta þá setjum við kóríanderlauf ofan á salatið í lokin.

Gundruk pottréttur
3 matskeiðar olía
1 laukur
3 hvítlaukslauf 
Smá af engiferi
½ bolli sojabaunir
2 tómatar
Kóríanderlauf eftir smekk
1 teskeið fenugreek
1 teskeið túrmerik
1 teskeið kóríander duft
1 teskeið cumin duft
1 teskeið karrí 
Salt eftir smekk
½ líter hrísgrjónasoð (sem fékkst þegar hrísgrjónin voru soðin)

Við setjum 3 matskeiðar af olíu á meðalheita pönnu. Þá setjum við 1 teskeið fenugreek á pönnuna. Þegar fenugreekið er orðið brúnt þá skerum við niður lauk og bætum á pönnuna. Við steikjum laukinn þangað til hann er orðinn ljósbrúnn. Þá setjum við eina teskeið af túrmeriki á pönnuna.

Þá tökum við 3 hvítlaukslauf og smá af engiferi og setjum í mortél og myljum og blöndum saman. Þessu er svo bætt á pönnuna.

Þá bætum við hálfum bolla af sojabaunum við og steikjum. Þegar sojabaunirnar eru steiktar, þ.e. orðnar brúnar, þá blöndum við gundruk-inu saman við. Svo skerum við tómatana niður smátt og bætum út í. Þessu hrærum við sama við og leyfum að malla í 5 mínútur á meðan við hrærum í og kremjum tómatinn. Nú blöndum við kryddinu saman við.

Svo hellum við hrísgrjónasoðinu út í og hrærum vel. Þá setjum við lokið á pönnuna og bíðum eftir suðu og þá er það tilbúið. Í lokin getum við bætt við kóríanderlaufum til að skreyta.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Matarv.

TAROT DAGSINS

Dragđu spil og sjáđu hvađa spádóm ţađ geymir.
Forsíđa / Lífiđ / Matur / Uppskriftir úr Sćlkeraheimsreisunni
Fara efst