Umfjöllun: Keflvíkingar tylltu sér á toppinn

Keflvíkingar sitja nú á toppi Pepsi-deildarinnar eftir sannfærandi 0-2 sigur gegn Val en liðin áttust við á Vodafone-vellinum fyrr í dag. Willum Þór Þórsson, fyrrum þjálfari Vals og núverandi þjálfari Keflvíkinga dansaði allan leikinn á Hliðarlínunni með tilþrifum og hirti öll stigin á sínum gömlu slóðum. Keflvíkingar byrjuðu leikinn betur og voru hættulegir á fyrstu mínútum leiksins. Magnús Sverrir Þorsteinsson fékk til að mynda kjörið tækifæri til að koma gestunum yfir þegar að korter var búið en Kjartan Sturluson varði vel í marki heimamanna. Gestirnir sóttu hart að heimamönnum allan fyrri hálfleikinn en náðu þó ekki að skora og staðan markalaus er liðin gengu til búningsherbergja. Keflvíkingar skoruðu fyrsta mark leiksins fljótlega í síðari hálfleik en þá átti Guðjón Árni Antoníusson frábæran sprett upp völlinn, spólaði sig í gegnum vörn heimamanna og lagði boltann snyrtilega í stöngina og inn framhjá Kjartani í markinu. Varamaðurinn Brynjar Örn Guðmundsson innsiglaði svo sigur Keflvíkinga með glæsilegu skoti fyrir utan teig sem söng í netinu. Glæsilegt mark og þannig lauk leiknum en Willum Þór gat brosað með þrjú stig í hendi eftir heimsókn sína á Hlíðarenda og frábæra spilamennsku Keflvíkinga sem sitja einir á toppi deildarinnar eftir leiki dagsins. Valur-Keflavík 0-2 (0-0) 0-1 Guðjón Árni Antoníusson (51.) 0-1 Brynjar Örn Guðmundsson (84.) Skot (á mark): 7-15 (4-6) Varin skot: Kjartan 4 - Ómar 4 Horn: 7-3 Aukaspyrnur fengnar: 8-15 Rangstöður: 4-0 Dómari: Jóhannes Valgeirsson 6 Áhorfendur: 827 Valur (4-5-1) Kjartan Sturluson 5 Martin Pedersen 5 Reynir Leósson 6 Atli Sveinn Þórarinsson 5 Gregg Ross 5 Sigurbjörn Hreiðarsson 7 Rúnar Sigurjónsson 6 Guðmundur Steinn Hafsteinsson 4 (75. Baldur Ingimar Aðalsteinsson -) Arnar Sveinn Geirsson 5 Ian Jeffs 5 (67. Jón Vilhelm Ákason 5 ) Danni König 5 (85. Viktor Unnar Illugason -) Keflavík (4-3-3) Ómar Jóhannsson 6 Alan Sutje 6 Guðjón Árni Antoníusson 7 Haraldur Freyr Guðmundsson 7 Ian Paul Mcshane 7 (85. Sigurður Sævarsson -) Einar Orri Einarsson 6 Guðmundur Steinarsson 6 (67. Ómar Karl Sigurðsson x ) Magnús Sverrir Þorsteinsson 8 - Maður leiksins Magnús Þórir Matthíasson 6 (52. Brynjar Guðmundsson x ) Bjarni Hólm Aðalsteinsson 7 Hólmar Örn Rúnarsson 6