Umfjöllun: Draumabyrjun Keflavíkur gerði útslagið

Keflavík er komið í átta liða úrslit Valitor bikarsins í fótbolta eftir góðan 3-1 sigur á Haukum á Ásvöllum í kvöld.

Leikurinn var bráðfjörugur og skemmtilegur og ekki síst spennandi þó Keflavík hafi fengið óskabyrjun og verið komið í 2-0 eftir rétt rúmar 20 mínútur. Haukar minnkuðu muninn þegar rúmar 10 mínútur voru til hálfleiks og fengu færi til að jafna en Ómar Jóhannsson stóð vaktina vel í markinu auk þess sem varnarlína Keflavíkur takmarkaði færi Hauka við hálffæri.

Þrátt fyrir að vera meira með boltann á löngum köflum og halda Keflavík að mestu vel frá marki sínu gerði Keflavík út um leikinn þegar korter var eftir af honum eftir skyndisókn en það var þriðja skot Keflavíkur að marki og öll höfnuðu þau í netinu.

Það voru helst föst leikatriði sem sköpuðu usla við mark Hauka en Keflavík vann fyrir sigrinum með mörkum sínum í upphafi leiks og gera það sem þeir gera best, halda forystu með þéttum leik þar sem leikmenn eru yfirvegaðir í sínum aðgerðum og takmarka möguleika andstæðinganna við mark sitt.

Haukar geta engu að síður verið ánægðir með margt í sínum leik. Liðið var síst lakari aðilinn en það er erfitt að sigra þegar lið lenda 2-0 undir í upphafi leiks.



Haukar-Keflavík 1-3

0-1 Guðmundur Steinarsson ´4

0-2 Andri Steinn Birgisson ´21

1-2 Hilmar Trausti Arnarsson ´33

1-3 Jóhann Birnir Guðmundsson ´75

Dómari: Þorvaldur Árnason

Skot (á mark): 9-4 (5-4)

Varið: Daði 1 – Ómar 4

Hornspyrnur: 4-5

Aukaspyrnur fengnar: 14-11

Rangstöður: 1-6