Umfjöllun, viðtöl og myndir: HK - Breiðablik 1-2 | Torsóttur sigur Blika Ingvi Þór Sæmundsson í Kórnum skrifar 26. maí 2014 11:10 Tómas Óli Garðarsson með boltann fyrir Breiðablik. Axel Kári Vignisson er til varnar. Vísir/Daníel Breiðablik fagnaði sínum fyrsta sigri á tímabilinu þegar liðið lagði nágranna sína í HK að velli með tveimur mörkum gegn einu í 3. umferð Borgunarbikarsins í kvöld.Daníel Rúnarsson, ljósmyndari Fréttablaðsins og Vísis, tók myndirnar sem sjá má hér í myndaveislunni að ofan. Það var ólíkt að sjá þennan leik og leik liðanna í Borgunarbikarnum í fyrra. Þótt möguleikar HK í þeim leik hafi fokið út um gluggann þegar Stefán Jóhann Eggertsson fékk að líta rauða spjaldið í fyrri hálfleik, þá áttu HK-ingar aldrei möguleika í leiknum fyrir ári. Breiðablik var einfaldlega með of sterkt lið. Þá var öryggi, yfirvegun og sannfæring yfir leik Blika sem hefur ekki verið til staðar í upphafi þessa tímabils. Sigurinn í kvöld var torsóttur og HK-ingar settu Blika í mikil vandræði á köflum í leiknum. Gestunum tókst hins vegar að halda sjó og tryggja sér sigur sem gæti reynst afar dýrmætur upp á framhaldið að gera. Leikurinn var í ágætis jafnvægi í fyrri hálfleik. Eins og við mátti búast voru Blikar miklu meira með boltann og stjórnuðu ferðinni. Vörn HK hélt hins vegar að stærstum hluta og fyrir aftan hana var Beitir Ólafsson öryggið uppmálað í markinu. Og í eina skiptið sem gestirnir sigruðust á Beiti kom tréverkið heimamönnum til bjargar þegar skot Elfars Freys Helgasonar af stuttu færi eftir hornspyrnu small í slánni. En þótt HK-ingar hafi eytt meirihluta fyrri hálfleiks án boltans inni á eigin vallarhelmingi, þá voru skyndisóknir þeirra ávallt hættulegar. Eftir eina slíka komst Hörður Magnússon, hættulegasti maður HK í leiknum, einn í gegn hægra megin í vítateignum, en fyrrum samherji hans, Gunnleifur Gunnleifsson, sá við honum og varði vel. Staðan var markalaus þegar liðin gengu til búningsherbergja, en Blikar tóku forystuna á 64. mínútu þegar Árni Vilhjálmsson bjó sér til pláss vinstra megin í vítateignum og skaut boltanum í varnarmann HK og inn. Eftir mark Árna átti HK sinn besta kafla í leiknum, en það er kannski það jákvæðasta sem Þorvaldur Örlygsson, þjálfari HK, getur tekið úr leiknum; hans menn risu upp á afturlappirnar eftir að hafa verið slegnir niður og voru mun sterkari aðilinn liði næstu 15 mínúturnar eða svo. Gunnleifur hélt áfram að gera fyrrum samherjum sínum lífið leitt með mikilvægum markvörslum bæði frá Guðmundi Atla Steinþórssyni og Herði. Hann kom þó engum vörnum við þegar Hörður jafnaði leikinn á 74. mínútu eftir frábæran undirbúning frá Guðmundi Atla. Tveimur mínútum síðar fékk sá síðarnefndi gott færi til að koma HK yfir, en Gunnleifur bjargaði gestunum. Heimamönnum hefndist fyrir að nýta ekki færin á 80. mínútu þegar Jordan Halsman kom Blikum yfir með góðu skoti, rétt innan vítateigs vinstra megin. Skotið var fast og fór framhjá Beiti og í hornið fjær. HK-ingar reyndu allt hvað þeir gátu til að jafna leikinn það sem eftir var, en án árangurs. Halsman hefði getað gulltryggt sigur Blika þegar hann komst einn gegn Beiti sem varði skot hans. Það kom hins vegar ekki að sök og Blikar fögnuðu kærkomnum sigri í hörkuleik, gegn sterku HK-liði sem getur verið stolt af frammistöðu sinni í leiknum.Gunnleifur Gunnleifsson með útspark gegn sínum gömlu félögum.Vísir/DaníelGunnleifur: Stjórn HK gerði vel í að ráða Þorvald "Það var mjög mikilvægt fyrir okkur að ná fyrsta sigrinum á tímabilinu og vonandi kveikir þetta neistann hjá okkur," sagði Gunnleifur Gunnleifsson, markvörður Breiðabliks, eftir sigurinn á hans gömlu félögum í HK. "Við bjuggumst við að leikurinn yrði svona, að HK myndi liggja til baka. Ég fylgist vel með HK-liðinu og persónulega finnst mér nýtt og betra yfirbragð á félaginu og fótboltanum sem liðið spilar. Það er allt annar bragur yfir þeim en í fyrra. "Ég held að stjórnin hafi gert vel í að ráða Þorvald Örlygsson til starfa," sagði Gunnleifur, en var ekkert erfitt að spila gegn uppeldisfélaginu þar sem hann átt mörg góð ár. "Nei. Þú ferð bara í gallann og spilar fyrir þitt lið og gerir þitt allra besta til að liðið þitt vinni. Það er ekkert öðruvísi." En hvað var Gunnleifur ánægðastur með í leik Breiðabliks í kvöld? "Ég var ánægður með þolinmæðina sem við sýndum, það hefði verið auðvelt að falla í einhverja neikvæðni ef við hefðum ekki náð að skora snemma. Ég var ánægður með þolinmæðina og einnig hvað við vorum sterkir eftir að þeir jafna," sagði markvörðurinn öflugi að endingu.Þorvaldur Örlygsson stýrir HK-ingunum sínum frá hliðarlínunni.Vísir/DaníelÞorvaldur: Vorum alltaf inni í leiknum "Þetta gekk ekki í dag," sagði Þorvaldur Örlygsson, þjálfari HK, eftir tapið fyrir Breiðabliki í kvöld. "Það var s.s. vitað að annað liðið myndi þurfa að hverfa á brott úr þessari keppni í kvöld. Þetta er skemmtileg keppni og það voru mikil læti í kvöld og við lögðum okkur alla fram, en þetta datt ekki með okkur í kvöld." HK-ingar spiluðu vel á löngum köflum í leiknum og fengu góð færi til að skora fleiri mörk. "Okkar plan gekk það vel að við vorum inni í leiknum allan tímann. Í stöðunni 2-1 og 1-1 fáum við góð færi til skora og í fyrri hálfleik áttum við einnig ágætis möguleika á skyndiupphlaupum. "Þeir voru meira með boltann og pressuðu á okkur, en mér fannst við leggja okkur fram og liðið var duglegt. Við erum að bæta okkur sem lið og bæta okkar spilamennsku. Þetta var fínn leikur af okkar hálfu í dag," sagði Þorvaldur, en hans lið hefur byrjað tímabilið vel. HK hefur fengið sjö stig úr fyrstu þremur leikjunum í 1. deildinni og liðið lítur ágætlega út. "Það er voða lítið hægt að tala um byrjunina á mótinu, það eru það fáir leikir búnir. Við erum varla komnir inn í júní, svo við skulum bara klára fyrri umferðina og sjá hvernig okkur gengur," sagði Þorvaldur að lokum. Pepsi Max-deild karla Mest lesið Fjölskylda Schumacher vann gervigreindarmálið Formúla 1 Víkingar greiddu langmest í sektir vegna agamála Íslenski boltinn Lögreglan kórónaði ömurlegan dag hjá Kane Körfubolti „Hefðum getað gert þetta ennþá ljótara á töflunni” Fótbolti Uppgjörið: Þór/KA - Tindastóll 5-0 | Þór/KA í stuði í Boganum Íslenski boltinn Bullurnar mæta með læti Handbolti Spútnikliðið endaði sögulegt tímabil á stórsigri Fótbolti Alexandra hársbreidd frá bikarmeistaratitli en Fiorentina tapaði í vító Fótbolti Albert lagði upp mark í sigri Fótbolti Arnar Gunnlaugs og Óskar Hrafn vinna saman í sumar Fótbolti Fleiri fréttir Víkingar greiddu langmest í sektir vegna agamála Uppgjörið: Þór/KA - Tindastóll 5-0 | Þór/KA í stuði í Boganum „Hefðum getað gert þetta ennþá ljótara á töflunni” Alexandra hársbreidd frá bikarmeistaratitli en Fiorentina tapaði í vító Spútnikliðið endaði sögulegt tímabil á stórsigri Uppgjörið, viðtöl og myndir: Breiðablik-Valur 2-1 | Endurkomusigur hjá Blikum Albert lagði upp mark í sigri Íslensku Feneyjarstrákarnir í úrslitaeinvígið Uppgjör og viðtöl: Stjarnan-Fylkir 2-1 | Stjörnukonur að komast í gang Andri Fannar fagnaði í Íslendingaslag Arnar Gunnlaugs og Óskar Hrafn vinna saman í sumar Lykilmaður Real Madrid missir af úrslitaleik Meistaradeildarinnar Juventus neitar að endurgreiða Ronaldo vangoldin laun Blikar högnuðust um 105 milljónir króna „Margir hlutir sem spila inn í en fyrst og fremst þessi hefð og menning“ Segja að Ten Hag verði rekinn sama hvernig úrslitaleikurinn fer Pioli látinn taka poka sinn „Ekkert skemmtilegra en að vinna Val“ Fernandes eyðir óvissunni: „Ég vil ekki fara“ Xavi hætti við að hætta en hefur nú verið rekinn frá Barcelona Rooney gæti fengið nýtt starf þrátt fyrir hræðilegan árangur síðast Allir á eitt við erfiðar aðstæður: „Þetta tók alveg á“ KA-menn kölluðu eftir hjálp sálfræðings Nýkominn til baka eftir sjö mánaða bann en er samt í EM-æfingahóp Ísak og félagar með annan fótinn í deild þeirra bestu Fjölnismenn á toppinn í Lengjunni Harry Maguire missir af bikarúrslitaleiknum Bleik spjöld tekin í notkun á Copa América Senda atkvæði sín með pósti frá EM í Þýskalandi Áhorfendur slógust úti á velli og stól kastað í sjónvarpsmenn Sjá meira
Breiðablik fagnaði sínum fyrsta sigri á tímabilinu þegar liðið lagði nágranna sína í HK að velli með tveimur mörkum gegn einu í 3. umferð Borgunarbikarsins í kvöld.Daníel Rúnarsson, ljósmyndari Fréttablaðsins og Vísis, tók myndirnar sem sjá má hér í myndaveislunni að ofan. Það var ólíkt að sjá þennan leik og leik liðanna í Borgunarbikarnum í fyrra. Þótt möguleikar HK í þeim leik hafi fokið út um gluggann þegar Stefán Jóhann Eggertsson fékk að líta rauða spjaldið í fyrri hálfleik, þá áttu HK-ingar aldrei möguleika í leiknum fyrir ári. Breiðablik var einfaldlega með of sterkt lið. Þá var öryggi, yfirvegun og sannfæring yfir leik Blika sem hefur ekki verið til staðar í upphafi þessa tímabils. Sigurinn í kvöld var torsóttur og HK-ingar settu Blika í mikil vandræði á köflum í leiknum. Gestunum tókst hins vegar að halda sjó og tryggja sér sigur sem gæti reynst afar dýrmætur upp á framhaldið að gera. Leikurinn var í ágætis jafnvægi í fyrri hálfleik. Eins og við mátti búast voru Blikar miklu meira með boltann og stjórnuðu ferðinni. Vörn HK hélt hins vegar að stærstum hluta og fyrir aftan hana var Beitir Ólafsson öryggið uppmálað í markinu. Og í eina skiptið sem gestirnir sigruðust á Beiti kom tréverkið heimamönnum til bjargar þegar skot Elfars Freys Helgasonar af stuttu færi eftir hornspyrnu small í slánni. En þótt HK-ingar hafi eytt meirihluta fyrri hálfleiks án boltans inni á eigin vallarhelmingi, þá voru skyndisóknir þeirra ávallt hættulegar. Eftir eina slíka komst Hörður Magnússon, hættulegasti maður HK í leiknum, einn í gegn hægra megin í vítateignum, en fyrrum samherji hans, Gunnleifur Gunnleifsson, sá við honum og varði vel. Staðan var markalaus þegar liðin gengu til búningsherbergja, en Blikar tóku forystuna á 64. mínútu þegar Árni Vilhjálmsson bjó sér til pláss vinstra megin í vítateignum og skaut boltanum í varnarmann HK og inn. Eftir mark Árna átti HK sinn besta kafla í leiknum, en það er kannski það jákvæðasta sem Þorvaldur Örlygsson, þjálfari HK, getur tekið úr leiknum; hans menn risu upp á afturlappirnar eftir að hafa verið slegnir niður og voru mun sterkari aðilinn liði næstu 15 mínúturnar eða svo. Gunnleifur hélt áfram að gera fyrrum samherjum sínum lífið leitt með mikilvægum markvörslum bæði frá Guðmundi Atla Steinþórssyni og Herði. Hann kom þó engum vörnum við þegar Hörður jafnaði leikinn á 74. mínútu eftir frábæran undirbúning frá Guðmundi Atla. Tveimur mínútum síðar fékk sá síðarnefndi gott færi til að koma HK yfir, en Gunnleifur bjargaði gestunum. Heimamönnum hefndist fyrir að nýta ekki færin á 80. mínútu þegar Jordan Halsman kom Blikum yfir með góðu skoti, rétt innan vítateigs vinstra megin. Skotið var fast og fór framhjá Beiti og í hornið fjær. HK-ingar reyndu allt hvað þeir gátu til að jafna leikinn það sem eftir var, en án árangurs. Halsman hefði getað gulltryggt sigur Blika þegar hann komst einn gegn Beiti sem varði skot hans. Það kom hins vegar ekki að sök og Blikar fögnuðu kærkomnum sigri í hörkuleik, gegn sterku HK-liði sem getur verið stolt af frammistöðu sinni í leiknum.Gunnleifur Gunnleifsson með útspark gegn sínum gömlu félögum.Vísir/DaníelGunnleifur: Stjórn HK gerði vel í að ráða Þorvald "Það var mjög mikilvægt fyrir okkur að ná fyrsta sigrinum á tímabilinu og vonandi kveikir þetta neistann hjá okkur," sagði Gunnleifur Gunnleifsson, markvörður Breiðabliks, eftir sigurinn á hans gömlu félögum í HK. "Við bjuggumst við að leikurinn yrði svona, að HK myndi liggja til baka. Ég fylgist vel með HK-liðinu og persónulega finnst mér nýtt og betra yfirbragð á félaginu og fótboltanum sem liðið spilar. Það er allt annar bragur yfir þeim en í fyrra. "Ég held að stjórnin hafi gert vel í að ráða Þorvald Örlygsson til starfa," sagði Gunnleifur, en var ekkert erfitt að spila gegn uppeldisfélaginu þar sem hann átt mörg góð ár. "Nei. Þú ferð bara í gallann og spilar fyrir þitt lið og gerir þitt allra besta til að liðið þitt vinni. Það er ekkert öðruvísi." En hvað var Gunnleifur ánægðastur með í leik Breiðabliks í kvöld? "Ég var ánægður með þolinmæðina sem við sýndum, það hefði verið auðvelt að falla í einhverja neikvæðni ef við hefðum ekki náð að skora snemma. Ég var ánægður með þolinmæðina og einnig hvað við vorum sterkir eftir að þeir jafna," sagði markvörðurinn öflugi að endingu.Þorvaldur Örlygsson stýrir HK-ingunum sínum frá hliðarlínunni.Vísir/DaníelÞorvaldur: Vorum alltaf inni í leiknum "Þetta gekk ekki í dag," sagði Þorvaldur Örlygsson, þjálfari HK, eftir tapið fyrir Breiðabliki í kvöld. "Það var s.s. vitað að annað liðið myndi þurfa að hverfa á brott úr þessari keppni í kvöld. Þetta er skemmtileg keppni og það voru mikil læti í kvöld og við lögðum okkur alla fram, en þetta datt ekki með okkur í kvöld." HK-ingar spiluðu vel á löngum köflum í leiknum og fengu góð færi til að skora fleiri mörk. "Okkar plan gekk það vel að við vorum inni í leiknum allan tímann. Í stöðunni 2-1 og 1-1 fáum við góð færi til skora og í fyrri hálfleik áttum við einnig ágætis möguleika á skyndiupphlaupum. "Þeir voru meira með boltann og pressuðu á okkur, en mér fannst við leggja okkur fram og liðið var duglegt. Við erum að bæta okkur sem lið og bæta okkar spilamennsku. Þetta var fínn leikur af okkar hálfu í dag," sagði Þorvaldur, en hans lið hefur byrjað tímabilið vel. HK hefur fengið sjö stig úr fyrstu þremur leikjunum í 1. deildinni og liðið lítur ágætlega út. "Það er voða lítið hægt að tala um byrjunina á mótinu, það eru það fáir leikir búnir. Við erum varla komnir inn í júní, svo við skulum bara klára fyrri umferðina og sjá hvernig okkur gengur," sagði Þorvaldur að lokum.
Pepsi Max-deild karla Mest lesið Fjölskylda Schumacher vann gervigreindarmálið Formúla 1 Víkingar greiddu langmest í sektir vegna agamála Íslenski boltinn Lögreglan kórónaði ömurlegan dag hjá Kane Körfubolti „Hefðum getað gert þetta ennþá ljótara á töflunni” Fótbolti Uppgjörið: Þór/KA - Tindastóll 5-0 | Þór/KA í stuði í Boganum Íslenski boltinn Bullurnar mæta með læti Handbolti Spútnikliðið endaði sögulegt tímabil á stórsigri Fótbolti Alexandra hársbreidd frá bikarmeistaratitli en Fiorentina tapaði í vító Fótbolti Albert lagði upp mark í sigri Fótbolti Arnar Gunnlaugs og Óskar Hrafn vinna saman í sumar Fótbolti Fleiri fréttir Víkingar greiddu langmest í sektir vegna agamála Uppgjörið: Þór/KA - Tindastóll 5-0 | Þór/KA í stuði í Boganum „Hefðum getað gert þetta ennþá ljótara á töflunni” Alexandra hársbreidd frá bikarmeistaratitli en Fiorentina tapaði í vító Spútnikliðið endaði sögulegt tímabil á stórsigri Uppgjörið, viðtöl og myndir: Breiðablik-Valur 2-1 | Endurkomusigur hjá Blikum Albert lagði upp mark í sigri Íslensku Feneyjarstrákarnir í úrslitaeinvígið Uppgjör og viðtöl: Stjarnan-Fylkir 2-1 | Stjörnukonur að komast í gang Andri Fannar fagnaði í Íslendingaslag Arnar Gunnlaugs og Óskar Hrafn vinna saman í sumar Lykilmaður Real Madrid missir af úrslitaleik Meistaradeildarinnar Juventus neitar að endurgreiða Ronaldo vangoldin laun Blikar högnuðust um 105 milljónir króna „Margir hlutir sem spila inn í en fyrst og fremst þessi hefð og menning“ Segja að Ten Hag verði rekinn sama hvernig úrslitaleikurinn fer Pioli látinn taka poka sinn „Ekkert skemmtilegra en að vinna Val“ Fernandes eyðir óvissunni: „Ég vil ekki fara“ Xavi hætti við að hætta en hefur nú verið rekinn frá Barcelona Rooney gæti fengið nýtt starf þrátt fyrir hræðilegan árangur síðast Allir á eitt við erfiðar aðstæður: „Þetta tók alveg á“ KA-menn kölluðu eftir hjálp sálfræðings Nýkominn til baka eftir sjö mánaða bann en er samt í EM-æfingahóp Ísak og félagar með annan fótinn í deild þeirra bestu Fjölnismenn á toppinn í Lengjunni Harry Maguire missir af bikarúrslitaleiknum Bleik spjöld tekin í notkun á Copa América Senda atkvæði sín með pósti frá EM í Þýskalandi Áhorfendur slógust úti á velli og stól kastað í sjónvarpsmenn Sjá meira