FÖSTUDAGUR 29. JÚLÍ NÝJAST 07:00

Hreinsanir hjá Man Utd: Schweinsteiger líklega á förum

SPORT

Tugir íslenskra fyrirtćkja auglýsa eftir sjálfbođaliđum

 
Innlent
10:45 18. FEBRÚAR 2016
Skjáskot af auglýsingu af workaway.info. Gistiheimili á Akureyri óskar eftir sjálfbođaliđum til starfa.
Skjáskot af auglýsingu af workaway.info. Gistiheimili á Akureyri óskar eftir sjálfbođaliđum til starfa.
Kristjana Guđbrandsdóttir skrifar

Mörg þeirra mála sem koma á borð verkalýðssamtaka eru á afar gráu svæði að sögn Halldóru Sigríðar Sveinsdóttir, formaður Bárunnar stéttarfélags. Hún hefur mikinn fjölda alvarlegra mála til skoðunar. Mörg þeirra varða fyrirtæki í ferðaþjónustu.

Eitt vinnumansalsmál er á borði lögreglunnar að frumkvæði félagsins. Hún segir að langan tíma taki að safna gögnum og verkalýðsfélögin þurfi stuðning. Um þetta er fjallað í Fréttablaðinu í dag.

Halldóra Sigríður bendir á vefsíðuna workaway.info. Þegar leitað er sérstaklega eftir sjálfboðaliðum til Íslands koma upp tvö hundruð auglýsingar eftir sjálfboðaliðum. 

Tugir íslenskra fyrirtækja eru á meðal auglýsenda.


Drífa segir SGS skima síđuna workaway.info reglulega og hafa samband viđ verkalýđsfélög í ţeim byggđum sem fyrirtćki auglýsa eftir sjálfbođaliđum til starfa.  Eftir áminningu verkalýđsfélags hverfi oft auglýsingar af síđunni. Fréttablađiđ/GVA
Drífa segir SGS skima síđuna workaway.info reglulega og hafa samband viđ verkalýđsfélög í ţeim byggđum sem fyrirtćki auglýsa eftir sjálfbođaliđum til starfa. Eftir áminningu verkalýđsfélags hverfi oft auglýsingar af síđunni. Fréttablađiđ/GVA

„Þetta er ein alvarlegasta birt­ingar­mynd undirboðs á vinnumarkaði. Við skimum þessa síðu reglulega og látum félög í viðkomandi byggðarlagi vita, þau ganga svo í málið,“ segir Drífa Snædal, framkvæmdastjóri Starfsgreinasambandsins, og segir að reglulega hverfi auglýsingar hótela og gistiheimila af síðunni eftir slík afskipti verkalýðsfélaga.

„Það er stór munur á sjálfboðavinnu fyrir góð­gerðar- eða félagasamtök og fyrirtæki í efnahagslegri starfsemi,“ segir Drífa og tiltekur dæmi:

„Það eru hvít svæði, grá svæði og svört svæði. Á svörtu svæði eru hótel og gistiheimili sem óska eftir sjálfboðaliðum.“

Ekki samfélagsleg sjálfboðavinna
ASÍ og aðildarsamtök þess hafa kallað eftir samstarfi við stjórnvöld og Samtök atvinnulífsins um að uppræta ólaunaða vinnu í efnahagslegri starfsemi og hafa gert athugun á málaflokknum. Gera verði skýran greinarmun á ólaunaðri vinnu í efnahagslegri starfsemi annars vegar og ólaunaðri samfélagslegri vinnu, sjálfboðavinnu, hins vegar. 

Ólaunuð vinna við efnahagslega starfsemi, framleiðslu og sölu á vöru eða þjónustu á markaði í hagnaðarskyni sé oft í samkeppni við fyrirtæki í sömu atvinnustarfsemi og feli í sér óásættanleg undirboð á íslenskum vinnumarkaði og standist hvorki kjarasamninga né lög.

Dæmi um efnahagslega starfsemi þar sem gjarnan finnst fólk í ólaunaðri vinnu skv. athugun ASÍ er fyrst og fremst við ýmiss konar ferðaþjónustu, nánar tiltekið vinnu á kaffi- og veitingahúsum, á gistiheimilum og hótelum, hestaleigum og við hellaskoðanir auk ýmiss konar blandaðra starfa á sveitabýlum og/eða við bændagistingu.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Tugir íslenskra fyrirtćkja auglýsa eftir sjálfbođaliđum
Fara efst