ŢRIĐJUDAGUR 24. MAÍ NÝJAST 23:00

Meiddi sig viđ ţađ ađ stíga á dómarann

SPORT

Ţrjátíu daga fangelsi fyrir fölsuđ vegabréf í Keflavík

 
Innlent
15:11 18. JANÚAR 2016
Flugstöđ Leifs Eiríkssonar í Keflavík.
Flugstöđ Leifs Eiríkssonar í Keflavík. VÍSIR/VALLI

Tveir karlmenn, á þrítugs og fertugsaldri, hafa verið dæmdir í þrjátíu daga fangelsi fyrir skjalafals. Báðir framvísuðu þeir fölsuðu vegabréfi við lögreglu á Keflavíkurflugvelli fyrr í mánuðinum.

Annar maðurinn er á 21. aldursári og frá Síerra Leóne en hinn er 33 ára Sýrlendingur. Báðir mennirnir áttu bókað flug frá Íslandi til Toronto með Icelandair. Annar 7. janúar en hinn 9. janúar.

Sjá einnig: Tilgangslaus passamál

Til frádráttar refsingunni kemur gæsluvarðhald sem þeir hafa setið í síðan þeir voru handteknir.


Hćstiréttur taldi ekki rétt ađ gera Sýrlendingnum refsingu.
Hćstiréttur taldi ekki rétt ađ gera Sýrlendingnum refsingu. VÍSIR/GVA

Samskonar mál fór fyrir Hæstarétt
Nýverið dæmdi Hæstiréttur í máli sýrlensks flóttamanns sem hlotið hafði dóm í héraði fyrir að framvísa albönsku vegabréfi í flugstöðinni. Var það niðurstaða Hæstaréttar í því máli að gera manninum ekki refsingu.

Í dómnum kom fram að ekki hafi verið dregið í efa að Sýrlendingurinn væri flóttamaður og lífi hans og frelsi hefði verið ógnað í Sýrlandi. Hann hefði þó ekki gefið sig fram tafarlaust við stjórnvöld til að bera fram ástæður fyrir komu sinni. Þrátt fyrir það var talið rétt að ákærða yrði ekki gerð refsing.

Sé staða þeirra aðila sem um ræðir í máli þessu sambærileg við þá stöðu sem uppi var í niðurstöðu Hæstaréttar er ólíklegt að mennirnir tveir þyrftu að sitja af sér þrjátíu daga refsinguna yrði dómnum í héraði áfrýjað til Hæstaréttar.

Ítarlega var fjallað um mál á borð við þessi í Fréttablaðinu í desember og má lesa umfjöllunina hér. Málin hafa kostað ríkið um 60 milljónir króna frá árinu 2010 samkvæmt grófu mati fangelsismálastjóra.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Ţrjátíu daga fangelsi fyrir fölsuđ vegabréf í Keflavík
Fara efst