Stólarnir skildu við klefann nýsópaðan

„Við leggjum upp með góða siði hvert sem við förum. Við erum ekki bara upp góða knattspyrnumenn heldur góða drengi líka,“ sagði Halldór Jón Sigurðsson, Donni, þjálfari Tindastóls.

Forráðamenn Víkings í Reykjavík eru hæstánægðir með umgengni Tindastólsmanna eftir leik þeirra í bikarnum í gær. Þeir gengu vel frá eftir sig og sópuðu gólfið í búningsklefanum sínum á leiðinni út.

„Hver temur sér góða siði,“ sagði Donni og bætir við að það hafi ekkert sérstakt komið til. Hann vilji einfaldlega að sínir menn gangi snyrtilega um.

Stólarnir bíða þess reyndar enn að fá að taka á móti aðkomuliðum á Sauðárkróki en völlurinn í bænum er enn ónothæfur eftir snjóþungan vetur. Liðið hefur spilað einn heimaleik á Blönduósi og annan í Boganum í Akureyri. Stólarnir hafa svo skipt á heimaleikjum við Leikni og Grindavík.

„Við stefnum þó að spila fyrsta leikinn hér heima gegn KA í næstu viku. Það er ekki búið að negla það en við erum vongóðir. Þróunin hefur verið mjög góð og á Bjössi [Sigurbjörn Árnason] vallarstjóri hrós skilið fyrir það.“