MÁNUDAGUR 29. ÁGÚST NÝJAST 07:00

Hann látti mig gera ţađ

SKOĐANIR

Stephen Fry reyndi ađ fyrirfara sér eftir ađ hafa tekiđ viđtal viđ frođufellandi ráđherra

 
Lífiđ
14:13 09. FEBRÚAR 2016
Stephen Fry.
Stephen Fry. VÍSIR/GETTY

Breski leikarinn Stephen Fry hefur greint frá því hvernig hommahatur froðufellandi ráðherra í Úganda leiddi til þess að hann reyndi að fyrirfara sér.

Breska ríkisútvarpið BBC mun sýna þáttinn The Not Do Secret Life of a Manic Depressive: 10 Years On 15. febrúar næstkomandi en þar segir Fry frá þessu atviki.

Hann hafði tekið viðtal við Simon Lokodo, sem er ráðherra siðferðismála í Úganda, árið 2012. „Hann froðufelldi og frussaði úr sér hommahatri af verstu sort. Hann studdi frumvarp í Úganda sem átti að gera samkynhneigð að dauðasök,“ segir Fry.

Ráðherrann sagði við Fry að hann yrði handtekinn ef hann reyndi að tala fyrir samkynhneigð í Úganda. Fry, sem glímir við geðhvarfasýki, segist hafa orðið afar þunglyndur eftir að hafa rætt við ráðherrann. Hann segist hafa farið upp á hótelherbergi þar sem hann var með flösku af vodka og róandi lyf.

„Ég raðaði þessum pillum upp og drakk allan vodkan með pillunum. Ég man næst eftir mér liggjandi á gólfinu og heyri einn af starfsmönnum hótelsins tala um að það þurfi að koma mér á sjúkrahús,“ segir Fry.

Þegar hann sneri aftur til Bretlands ákvað geðlæknir hans að hafa undir eftirliti í einn og hálfan sólarhring vegna sjálfvígstilraunarinnar.


Deila

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ

TAROT DAGSINS

Dragđu spil og sjáđu hvađa spádóm ţađ geymir.
Forsíđa / Lífiđ / Lífiđ / Stephen Fry reyndi ađ fyrirfara sér eftir ađ hafa tekiđ viđtal viđ frođufellandi ráđherra
Fara efst