Stefán Karl höndlar ekki frægðina

Stefán Karl Stefánsson leikari prýðir forsíðu tímaritsins Sumarhúsið og garðurinn en líkt og Fréttablaðið greindi nýverið frá, fékk Stefán inngöngu í Landbúnaðarháskóla Íslands á dögunum og hefur komið sér upp glæsilegum garði fyrir leigusala sína.

Á Facebook-síðu sinni deilir Steinunn Ólína Þorsteinsdóttir, leikkona og eiginkona Stefáns, bráðfyndnu myndbandi þar sem Stefán skoðar sjálfan sig á forsíðu blaðsins. Þó að hann sé landsþekktur fyrir leik sinn, virðist Stefán eiga erfitt með frægðina og viðurkenninguna sem felst í því að rata á forsíðu Sumarhússins og garðsins.

Myndbandið er stutt og skemmtilegt og má sjá hér fyrir neðan.

Stefán á erfitt með að höndla frægðina sem fylgir því að vera á forsíðu Sumarhúsið og garðurinn.

Posted by Steinunn Olina Thorsteinsdottir on 6. júlí 2015