Spennandi ár framundan og hér er brot af ţví besta

 
Lífiđ
10:00 11. JANÚAR 2017
Stelpurnar okkar spila á EM, allir klapphöfundar landsins ţurfa ađ fara ađ undirbúa sig.
Stelpurnar okkar spila á EM, allir klapphöfundar landsins ţurfa ađ fara ađ undirbúa sig. VÍSIR/ANTON BRINK

Nýtt ár og nýir hlutir til að hlakka til. Á árinu verða stórtónleikar nokkuð áberandi, en nokkrar þekktar hljómsveitir eru á leiðinni til landsins, margar framhaldsmyndir fara í frumsýningu og hellingur er að gerast hjá landsliðunum okkar. Þetta verður gott ár.


Rammstein hefur selt yfir 10 milljónir platna og setiđ á toppi vinsćldalista um víđa veröld.
Rammstein hefur selt yfir 10 milljónir platna og setiđ á toppi vinsćldalista um víđa veröld. VÍSIR/GETTY

1. Fullt af tónleikum 
Árið verður risastórt hvað tónleika varðar og tónleikahátíðir. Secret Solstice verður á sínum stað og mun þetta verða stærsta hátíðin hingað til. Síðan er það Sónar og Airwaves og fleira gúmm­elaði sem er á boðstólum á hverju ári.

Allar þessar hátíðir eru í óðaönn að bóka og tilkynna listamenn þannig að beltin verða spennt hjá tónlistarunnendum í gegnum árið. Einnig verður boðið upp á stóra listamenn eins og Red Hot Chili Peppers og Rammstein fyrir þá sem vilja rifja upp gamla og góða tíma.


Hafţór Júlíus Björnsson  fer međ hlutverk hins ógnarsterka Gregor Clegane í Game of Thrones.
Hafţór Júlíus Björnsson fer međ hlutverk hins ógnarsterka Gregor Clegane í Game of Thrones.

2. Nýjar þáttaraðir og gamlar góðar halda áfram 
Stærsta tilhlökkunarefnið hjá sjónvarpsáhugafólki er líklega næsta sería Game of Thrones, en það er vinsælasti sjónvarpsþáttur í heiminum í dag. Síðan kemur ný sería af hinum geysivinsælu þáttum Twin Peaks, sem öll þjóðin sat frekar ringluð yfir á sínum tíma.

Ný 24-sería þar sem Jack Bauer verður reyndar fjarri góðu gamni, Fargo heldur áfram inn í þriðju seríuna og ný Star Trek sería mun líta dagsins ljós. Nýjar og ferskar þáttaraðir sem beðið er eftir eru meðal annars Young Pope og American Gods – þættir eftir skáldsögu rithöfundarins vinsæla Neils Gaiman.

3. Allt að gerast í ­íþróttunum 
EM-kvenna í fótbolta verður á dagskrá ásamt EM-karla í körfubolta og eru íþróttaaðdáendur gjörsamlega að sturlast úr spennu enda er vera Íslands á stórmótum loksins orðinn nánast árlegur veruleiki (krossum fingur). Ætli verði fundin upp einhvers konar ný tegund af klappi í sumar eins og t.d. hreppstjóraklappið?


Fifty Shades of Grey vakti blendin viđbrögđ á sínum tíma.
Fifty Shades of Grey vakti blendin viđbrögđ á sínum tíma.

4. Endurgerðir, framhaldsmyndir og aðrar kunnuglegar sögur 
Nafnið verður bara „coin-að“ hér og nú – 2017 verður Ár framhaldsmyndarinnar og endurgerðanna (ekkert sérstaklega grípandi samt). Það eru nokkuð margar risaframhaldsmyndir á dagskránni en þar má kannski minnast á Trainspotting 2 – sem nær einhvern veginn að vera mitt á milli endurgerðar og framhalds, Fifty Shades Darker – framhald af hinni æðislegu Fifty Shades of Grey, Logan – næsta mynd í Wolverine-myndaflokknum, The Fate of the Furious, Guardians of the Galaxy vol. 2, Alien Covenant – framhaldið af Prometheus, Kingsman framhald, World War Z 2, ný Transformers-mynd, Despicable Me 3, War for the Planet of the Apes, Blade Runner 2049 – með tónlist frá okkar manni, Jóhanni Jóhannssyni, enn ein Thor-myndin, Pirates of the Caribbean mynd og glæný Star Wars mynd.

Síðan munum við líka sjá Lego Batman-mynd, leikna Beauty and the Beast, Power Rangers-mynd, mynd um Artúr konung, Ghost in the shell – endurgerð af einu þekktasta animé allra tíma, Baywatch-kvikmynd, Wonder Woman-mynd, einhvers konar endurgerð eða önnur tilraun við að gera The Mummy án Brendans Fraiser og Spiderman-mynd nema í þetta sinn frá Marvel.


Utanlandsferđum Íslendinga mun mögulega fćkka ţegar H&M opnar hér á landi, líklega ekki samt.
Utanlandsferđum Íslendinga mun mögulega fćkka ţegar H&M opnar hér á landi, líklega ekki samt.

5. Stórar verslanakeðjur nema land
Koma þessarar blessuðu H&M verslunar er árleg frétt sem allir sturlast yfir og er komin á svipaðan stall og biðin eftir Detox, næstu sólóplötu Dr. Dre, sem hefur verið væntanleg á hverju ári síðan 2001. En þetta er loksins að fara að bresta á og kaupóðir Íslendingar ríghalda sér í tungusófana sína búnir að dúndra í hálfa millu í yfirdrátt bara til að geta fyllt fataskápana, sem þeir slógust um í IKEA, af allt of ódýrum fötum frá Bangladess.

Einnig kemur bandaríska verslunarkeðjan Costco til landsins eftir nokkrar tafir. Þar verður hægt að kaupa sér morgunkorn í risa-umbúðum og bensín í sömu ferðinni. Síðan er það bara spurningin hvenær McDonald’s kemur loksins aftur, eins og allir eru væntanlega að bíða eftir. 


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ

TAROT DAGSINS

Dragđu spil og sjáđu hvađa spádóm ţađ geymir.
Forsíđa / Lífiđ / Lífiđ / Spennandi ár framundan og hér er brot af ţví besta
Fara efst