Smyrill hafði betur í lífsbaráttunni gegn starra

Það má með sanni segja að Anton Brink, ljósmyndari Fréttablaðsins og Vísis, hafi verið réttur maður á réttum stað í gær þegar smyrill náði að leggja starra. Anton var með myndavél með ferðis og náði þessum myndum og myndböndum af lífsbaráttu fuglanna.

Slagurinn átti sér stað fyrir framan verslun Bónus við Hallveigarstíg síðdegis í gær. Eftir talsverða baráttu náði smyrillinn fullnaðarsigri og gæddi sér á bráð sinni fyrir framan búðina í mestu makindum og lét það sig litlu skipta þó gestir og gangandi fylgdust með honum éta bráð sína.

Myndirnar og myndböndin sem Anton tók má sjá hér að neðan.