Slökkviliðið hefur áhyggjur af útleigu ólöglegs húsnæðis Nadine Guðrún Yaghi skrifar 18. nóvember 2017 12:36 Áætlað er að alls búi 3.600 manns í ólöglegu húsnæði í Reykjavík. Vísir/pjetur Slökkviliðið á höfuðborgarsvæðinu áætlar að alls búi 3.660 manns í ólöglegu húsnæði. Ríflega tvö þúsund karlar, þúsund konur og tæplega níu hundruð börn. Þetta kom fram á ráðstefnu sem Reykjavíkur Akademían og Reykjavíkurborg héldu í gær um aukna búsetu í óleyfilegu atvinnuhúsnæði, en skortur á leiguhúsnæði og hátt leiguverð hefur valdið þeirri þróun. Svandís Jóna Jónsdóttir, framkvæmdastjóri Reykjavíkur Akademíunnar, gerði rannsókn meðal 140 erlendra verkamanna á höfuðborgarsvæðinu og spurði út í húsnæðishagi. Hún komst að því að meðalleiga er 140 þúsund krónur á mánuði í atvinnuhúsnæði en að flestir borgi tvö hundruð þúsund á mánuði. Sumir hafi ekki aðgengi að grunnþjónustu og í sumum tilfellum er heimilissorp ekki hirt. Bjarni Kjartansson, sviðsstjóri forvarnarsviðs Slökkviliðsins á höfuðborgarsvæðinu segir að slökkviðliðið hafi áhyggjur af þróun mála. „Við höfum aðallega áhyggjur af því að þetta er enn að vaxa og fjölgunin frá því í fyrra er drjúg. Svo er þetta jú, eins og við vitum, hluti af miklu stærra vandamáli. Almennri húsnæðiseklu og fjölda efnalítilla sem hafa ekki annað úrræði,“ segir Bjarni. Bjarni Kjartansson sviðsstjóri forvarnarsviðs Slökkviliðsins á höfuðborgarsvæðinu.vísir/auðunnBjarni segir að stór hluti þeirra sem búi í ólöglegu atvinnuhúsnæði búi við ágætt öryggi. Hins vegar séu mörg húsnæði sem séu ekki viðunandi. „Þá er ég að tala um húsnæði þar sem geta verið margvíslegir ágallar. Það getur vantað viðvörun, verið ágallar á hólfunum, ekki nógu góðar flóttaleiðir og síðan þegar þetta er orðið alvarlegt þá getur verið að það sé bara ein flóttaleið úr húsnæði.“ Slökkviliðið hefur þau úrræði að leggja dagsektir á leigusala eða að loka húsnæði. „Þegar við beitum kannski dagsektum við að knýja á um úrbætur þá tekur það langan tíma. Það er tímafrekt úrræði. Og síðan höfum við upplifað að daginn fyrir fyrirhugaða lokun getur verið farið með íbúa eitthvað annað. Síðan getur komið aftur búseta í sama húsnæði einhverntíman seinna. Þungt að elta uppi þennan minnsta hóp þar sem að brotaviljinn er mjög einlægur.“ Bjarni útskýrir að í brunalögum sé kveðið á um að kæra skuli þau tilvik til lögreglu þegar hætta hlýst af ólöglegri búsetu í atvinnuhúsnæði. Slökkviliðið hafi kært í nokkrum tilfellum en án árangurs þar sem málin hafa ekki þótt líkleg til sakfellingar þar sem lagagrundvöllur þykir of veikur. Þá sé ákvæði í almennum hegningarlögum sem segir að hver sá sem í ábataskyni, af gáska eða á annan ófyrirleitinn hátt stofnar lífi eða heilsu annarra í augljósan hásku skuli sæta fangelsi í allt að fjögur ár. „Lög um brunavarnir eru sérlög og það eru almennt séð ekki þungar sakfellingar vegna brota á sérlögum. Við veltum því fyrir okkur hvort það sé ekki full ástæða til að þetta ákvæði brunalaga verði hreinlega tengt við þetta ákvæði í hegningarlögum. Hvað er þetta annað en ábátaskyn að leigja fólki jafnvel stórhættulegt húsnæði til búsetu.“ Bjarni vill að löggjafinn bregðist við. „Það er meinlegt við þetta umhverfi sem við búum í núna er að það er ekkert sem fælir frá því að leigja út atvinnuhúsnæði til óleyfilegrar búsetu.“ Mest lesið Auglýsa eftir „eiganda“ fjármuna Innlent Trump líklegur til að græða á úrskurði Hæstaréttar Erlent Ögurstund og opnunarhóf hjá frambjóðendum Innlent Útlagar spreyjaðir gylltir Innlent „Breiðholt mesta fátæktargildra landsins“ Innlent Framboðslistar opinberaðir eftir helgi Innlent Sigríði þykir ólíklegt að hún nái undirskriftum Innlent Glæsileg þjóðbúningamessa á Hvolsvelli Innlent Helga Þórisdóttir komin með lágmarksfjölda meðmæla Innlent Pétur Einarsson leikari látinn Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira
Slökkviliðið á höfuðborgarsvæðinu áætlar að alls búi 3.660 manns í ólöglegu húsnæði. Ríflega tvö þúsund karlar, þúsund konur og tæplega níu hundruð börn. Þetta kom fram á ráðstefnu sem Reykjavíkur Akademían og Reykjavíkurborg héldu í gær um aukna búsetu í óleyfilegu atvinnuhúsnæði, en skortur á leiguhúsnæði og hátt leiguverð hefur valdið þeirri þróun. Svandís Jóna Jónsdóttir, framkvæmdastjóri Reykjavíkur Akademíunnar, gerði rannsókn meðal 140 erlendra verkamanna á höfuðborgarsvæðinu og spurði út í húsnæðishagi. Hún komst að því að meðalleiga er 140 þúsund krónur á mánuði í atvinnuhúsnæði en að flestir borgi tvö hundruð þúsund á mánuði. Sumir hafi ekki aðgengi að grunnþjónustu og í sumum tilfellum er heimilissorp ekki hirt. Bjarni Kjartansson, sviðsstjóri forvarnarsviðs Slökkviliðsins á höfuðborgarsvæðinu segir að slökkviðliðið hafi áhyggjur af þróun mála. „Við höfum aðallega áhyggjur af því að þetta er enn að vaxa og fjölgunin frá því í fyrra er drjúg. Svo er þetta jú, eins og við vitum, hluti af miklu stærra vandamáli. Almennri húsnæðiseklu og fjölda efnalítilla sem hafa ekki annað úrræði,“ segir Bjarni. Bjarni Kjartansson sviðsstjóri forvarnarsviðs Slökkviliðsins á höfuðborgarsvæðinu.vísir/auðunnBjarni segir að stór hluti þeirra sem búi í ólöglegu atvinnuhúsnæði búi við ágætt öryggi. Hins vegar séu mörg húsnæði sem séu ekki viðunandi. „Þá er ég að tala um húsnæði þar sem geta verið margvíslegir ágallar. Það getur vantað viðvörun, verið ágallar á hólfunum, ekki nógu góðar flóttaleiðir og síðan þegar þetta er orðið alvarlegt þá getur verið að það sé bara ein flóttaleið úr húsnæði.“ Slökkviliðið hefur þau úrræði að leggja dagsektir á leigusala eða að loka húsnæði. „Þegar við beitum kannski dagsektum við að knýja á um úrbætur þá tekur það langan tíma. Það er tímafrekt úrræði. Og síðan höfum við upplifað að daginn fyrir fyrirhugaða lokun getur verið farið með íbúa eitthvað annað. Síðan getur komið aftur búseta í sama húsnæði einhverntíman seinna. Þungt að elta uppi þennan minnsta hóp þar sem að brotaviljinn er mjög einlægur.“ Bjarni útskýrir að í brunalögum sé kveðið á um að kæra skuli þau tilvik til lögreglu þegar hætta hlýst af ólöglegri búsetu í atvinnuhúsnæði. Slökkviliðið hafi kært í nokkrum tilfellum en án árangurs þar sem málin hafa ekki þótt líkleg til sakfellingar þar sem lagagrundvöllur þykir of veikur. Þá sé ákvæði í almennum hegningarlögum sem segir að hver sá sem í ábataskyni, af gáska eða á annan ófyrirleitinn hátt stofnar lífi eða heilsu annarra í augljósan hásku skuli sæta fangelsi í allt að fjögur ár. „Lög um brunavarnir eru sérlög og það eru almennt séð ekki þungar sakfellingar vegna brota á sérlögum. Við veltum því fyrir okkur hvort það sé ekki full ástæða til að þetta ákvæði brunalaga verði hreinlega tengt við þetta ákvæði í hegningarlögum. Hvað er þetta annað en ábátaskyn að leigja fólki jafnvel stórhættulegt húsnæði til búsetu.“ Bjarni vill að löggjafinn bregðist við. „Það er meinlegt við þetta umhverfi sem við búum í núna er að það er ekkert sem fælir frá því að leigja út atvinnuhúsnæði til óleyfilegrar búsetu.“
Mest lesið Auglýsa eftir „eiganda“ fjármuna Innlent Trump líklegur til að græða á úrskurði Hæstaréttar Erlent Ögurstund og opnunarhóf hjá frambjóðendum Innlent Útlagar spreyjaðir gylltir Innlent „Breiðholt mesta fátæktargildra landsins“ Innlent Framboðslistar opinberaðir eftir helgi Innlent Sigríði þykir ólíklegt að hún nái undirskriftum Innlent Glæsileg þjóðbúningamessa á Hvolsvelli Innlent Helga Þórisdóttir komin með lágmarksfjölda meðmæla Innlent Pétur Einarsson leikari látinn Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira