LAUGARDAGUR 27. ÁGÚST NÝJAST 08:15

Ćtlar ađ drekka kaffi hjá Bjarna og eyđileggja bćkur

LÍFIĐ

Sleginn í magann en snćddi svo pítsu međ Gurley eftir leik

 
Fótbolti
12:30 04. MARS 2016
Helgi Már Magnússon var í hasar í gćr.
Helgi Már Magnússon var í hasar í gćr. VÍSIR/VALLI

Helgi Már Magnússon, leikmaður KR, var í hringiðju hasarsins í Síkinu í gærkvöldi þar sem Tindastóll vann frábæran sigur á Íslands- og bikarmeisturum KR, 91-85.

Í fjórða leikhluta setti Helgi Már upp hindrun sem var nú að öllum líkindum ekki lögleg. Anthony Isaiah Gurley varð fyrir hindrun Helga Más og svaraði fyrir sig með því að slá hann í magann. Atvikið má sjá í spilaranum hér að neðan.

Helgi steinlá eftir höggið en hann vildi nú ekki gera mikið úr þessu öllu saman þegar Vísir ræddi við hann í dag. „Fyrir mér er þetta afskaplega saklaust allt saman. Ég set hindrun fyrir hann sem er, nú þegar ég er búinn að horfa á þetta aftur, líklega ólögleg,“ segir Helgi Már í samtali við Vísi.

„Hann, í einhverjum pirring, slær til baka í magann á mér og fyrstu viðbrögð hjá mér voru ósjálfráð að detta í gólfið. En þetta var ekkert meira en það. Hann var ekkert að reyna að slasa mig. Þetta var bara pirringur. Þetta er bara körfubolti og áfram gakk.“

„Höggið var ágætlega fast en ég er ekkert með innvortist blæðingar,“ segir hann léttur. „Hann sveiflaði bara höndinni og ósjálfráð viðbrögð hjá mér voru að grípa um magann og detta niður. Það var engin hugsun á bakvið það. Ég var líka staðinn upp frekar snögglega.“


Helgi segir ađ leikir gegn Stólunum séu alltaf spilađir fast.
Helgi segir ađ leikir gegn Stólunum séu alltaf spilađir fast. VÍSIR/ERNIR

Fastir og skemmtilegir
Helgi er vanur því að spila hörku leiki við Tindastól, en liðin mættust í úrslitaviðureign Dominos-deildarinnar á síðustu leiktíð.

„Leikirnir við Stólana eru alltaf fastir og skemmtilegir. Tindastóll spilar líkamlegan bolta og það gerum við líka. Það var úrslitakeppnisbragur á leiknum í gær og mikil stemning í Síkinu. Leikurinn var virkilega skemmtilegur þó við töpuðum. Þetta minnti mig bara á úrslitaseríuna í fyrra,“ segir Helgi Már.

Sá sem varð allra manna reiðastur vegna atviksins var Finnur Freyr Stefánsson, þjálfari KR. Hann gerði sér ferð inn á völlinn og lét Gurley, þjálfaralið Tindastóls, dómara leiksins og alla sem vildu heyra vita nákvæmlega hversu ósáttur hann var við högg Bandaríkjamannsins.


Finnur Freyr Stefánsson fékk tćknivillu.
Finnur Freyr Stefánsson fékk tćknivillu. VÍSIR/ERNIR

Sótti tæknivilluna
Dómararnir dæmdu ekkert á Gurley en eðlilega fékk Finnur Frey tæknivillu. Þrátt fyrir að bandaríski bakvörðurinn sló Helga voru það Stólarnir sem fengu vítaskot og boltann.

„Ég held að Finnur hafi verið svona pirraður því Gurley var nýbúinn að setja risastóran þrist í sókninni á undan. Svo vildi Finnur meina að hann hafi skrefað hressilega þar á eftir. Svo slær hann mig í magann og þá bara sprakk Finnur,“ segir Helgi Már.

„Dómararnir hefðu alveg getað dæmt á þetta en pirringurinn hjá mér tengdist aðallega að ég er sleginn en Tindastóll fær boltann og vítaskot. Finnur fór og sótti þessa villu og átti hana fyllilega skilið. En þetta er allt búið núna,“ segir Helgi Már.    

Menn voru fljótir að gleyma átökunum eftir leik: „Skömmu eftir leik voru bæði lið mætt á Ólafsshús að borða pitsu hlið við hlið. Þó það sé barátta inn á vellinum er það gleymt eftir leik. Það kann ég alltaf að meta hjá Stólunum. Menn spila fast en svo taka menn bara í spaðann á hvorum öðrum eftir leik,“ segir Helgi Már Magnússon.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Sleginn í magann en snćddi svo pítsu međ Gurley eftir leik
Fara efst