LAUGARDAGUR 1. OKTÓBER NÝJAST 06:00

Stjörnurnar í Garđabćnum

SPORT

Skođanakönnun Vísis: Hvern vilt ţú sjá sem nćsta forseta Íslands?

 
Innlent
20:15 02. JANÚAR 2016
Sjötti forseti lýđveldissögunnar tekur ţví viđ embćttinu í ár og eru spekingar farnir ađ velta ţví fyrir sér hver sé nú líklegastur til ađ ná kjöri.
Sjötti forseti lýđveldissögunnar tekur ţví viđ embćttinu í ár og eru spekingar farnir ađ velta ţví fyrir sér hver sé nú líklegastur til ađ ná kjöri. VÍSIR

Stærsta fréttamál ársins 2016 til þessa er sennilega yfirlýsing Ólafs Ragnars Grímssonar forseta í nýársávarpi sínu um að hann hyggist ekki bjóða sig fram að nýju í forsetakosningunum í sumar. Líkur þar með tuttugu ára setu á Bessastöðum sem hefur haft mikil áhrif á embættið.

Sjötti forseti lýðveldissögunnar tekur því við embættinu í ár og eru spekingar farnir að velta því fyrir sér hver sé nú líklegastur til að ná kjöri.

Þorgrímur Þráinsson rithöfundur sagði í nóvember „yfirgnæfandi líkur“ á því að hann myndi bjóða sig fram og sömuleiðis hefur Elísabet Jökulsdóttir skáld staðfest framboð. Ástþór Magnússon, stofnandi Friðar 2000, staðfesti svo í dag að hann ætli fram að nýju.


Stefán Jón Hafstein, fyrrverandi borgarfulltrúi, hefur sagst íhuga frambođ.
Stefán Jón Hafstein, fyrrverandi borgarfulltrúi, hefur sagst íhuga frambođ.

Sturla Jónsson, sem bauð sig fram fyrir samnefndan flokk í síðustu Alþingiskosningum, ætlar einnig í framboð. Margir aðrir sem orðaðir hafa verið við framboð eða hvattir til þess að bjóða sig fram, hafa sagst íhuga það. Þeirra á meðal eru Stefán Jón Hafstein, fyrrverandi borgarfulltrúi, Halla Tómasdóttir fjárfestir og Hrannar Pétursson, fyrrverandi upplýsingafulltrúi.

Jón Gnarr, dagskráarstjóri og fyrrverandi borgarstjóri, sagðist í fyrra ekki ætla að bjóða sig fram en hefur síðan gefið í skyn að honum gæti snúist hugur. Katrín Jakobsdóttir, formaður Vinstri grænna, hefur lýst því yfir að hún hafi engar áætlanir um að bjóða sig fram en hefur aldrei útilokað það. Það gerði Pawel Bartoszek stærðfræðingur ekki heldur þegar hann var hvattur til framboðs í fyrra.


Katrín Jakobsdóttir, formađur Vinstri grćnna, hefur veriđ hvött til ađ bjóđa sig fram.
Katrín Jakobsdóttir, formađur Vinstri grćnna, hefur veriđ hvött til ađ bjóđa sig fram. VÍSIR/GVA

Bergþór Pálsson óperusöngvari hefur neitað því að hann ætli í framboð en þó er nokkuð reglulega skorað á hann til þess. Rithöfundarnir Ólafur Jóhann Ólafsson og Andri Snær Magnason hafa sömuleiðis verið orðaðir við embættið, en Andri Snær segist í Föstudagsviðtali Fréttablaðsins í dag ekki útiloka framboð vegna áhugaverðra tíma sem nú eru uppi.

Lesendur Vísis fá hér fyrir neðan að segja sína skoðun á því hvort þeir myndu helst vilja sjá einhvern af ofangreindum taka við embættinu nú í ár. Þessi listi er þó að sjálfsögðu ekki tæmandi. 

Uppfært mánudaginn 4. janúar: Lokað hefur verið fyrir könnunina.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Skođanakönnun Vísis: Hvern vilt ţú sjá sem nćsta forseta Íslands?
Fara efst