Skiptar skoðanir á hvalveiðum

Heimild er fyrir að veiða 154 langreyðar en við það má bæta 20% af óveiddum dýrum frá fyrri vertíð, svo mögulega verða veidd 180 dýr. Frá árinu 2009 hefur verið í gildi fimm ára leyfi um veiðar á tegundinni og rennur það því út í ár. Allar afurðir af landreyðunum verða sendar til Japan, utan mjöls og lýsis, og eru þær ætlaðar til manneldis. Hátt í 200 manns fá vinnu vegna veiðanna, á sjó og landi og verða afurðirnar unnar í Hvalfirði, í Hafnarfirði og á Akranesi.

Hvalveiðiskipin Hvalur 8 og Hvalur 9 hafa legið við bryggju í Reykjavíkurhöfn undanfarin tvö ár, en þau halda til veiða í kvöld og verða væntanlega að fram eftir hausti. Skoðanir fólks á veiðunum eru mjög mismunandi og í meðfylgjandi frétt eru vegfarendur spurðir álits á þeim.