Innlent

Sjúkraflutningar komnir að þolmörkum á Suðurlandi

Magnús Hlynur Hreiðarsson skrifar
Styrmir Sigurðsson, yfirmaður sjúkraflutninga hjá Heilbrigðisstofnun Suðurlands.
Styrmir Sigurðsson, yfirmaður sjúkraflutninga hjá Heilbrigðisstofnun Suðurlands. Vísir/Magnús Hlynur
„Það er ljóst að þjónustan er komin að þolmörkum þar sem álagið á mannskapinn er gríðarlegt og þörf á aukningu á mönnum vegna fjölda verkefna,“ segir Styrmir Sigurðsson, yfirmaður sjúkraflutninga hjá Heilbrigðisstofnun Suðurlands. Sjúkraflutningamenn höfðu í nógu að snúast um helgina.

 Styrmir segir helgina hafa verið mjög annasama en útköllin hafi verið 43 frá föstudegi til sunnudags og dreifst um allt umdæmið. Alvarlegt umferðarslys varð á Þingskálavegi þar sem ökumaður lést en auk þess fóru sjúkraflutningamenn á Gullfoss þar sem endurlífgun fór fram.

 „Ásamt því þurftum við að sækja sjúkling inn í land vegna bílveltu á Lakavegi,“ segir Styrmir.

 Styrmir segir verkefni sjúkraflutningamanna mjög fjölbreytt og mörg en mikill tími fer í að sinnum daglegum verkefnum í flutningi á sjúklingum milli stofnana og til Reykjavíkur til rannsókna.

 


Tengdar fréttir

Mest lesið


Fleiri fréttir

Sjá meira


×

Mest lesið