FIMMTUDAGUR 23. MARS NÝJAST 09:09

Skýrsla Kidda Gun: Hlynur sagđi nei!

SPORT

Sigrađi smákökusamkeppni KORNAX

 
Matur
11:00 12. NÓVEMBER 2016
Kristín Arnórsdóttir stjórnmálafrćđingur sigrađi í smákökusamkeppni Kornax. Hún segist haldin bökunaráráttu og planar jólabaksturinn međ margra mánađa fyrirvara.  mynd/Ernir
Kristín Arnórsdóttir stjórnmálafrćđingur sigrađi í smákökusamkeppni Kornax. Hún segist haldin bökunaráráttu og planar jólabaksturinn međ margra mánađa fyrirvara. mynd/Ernir

Kristín Arnórsdóttir stjórnmálafræðingur fór með sigur af hólmi í smákökusamkeppni KORNAX  í liðinni viku. Hún segist haldin bökunaráráttu og hrærir deigið í gamalli hrærivél ömmu sinnar. Hún planar jólabaksturinn mánuðum saman.

Ég hef bakað frá því ég var fimm ára og er með hálfgerða bökunaráráttu. Er annars í meistaranámi í hagnýtri tölfræði en baksturinn er ástríða sem mig dreymir um að gera meira úr,“ segir Kristín Arnórsdóttir stjórnmálafræðingur en hún sigraði smákökusamkeppni KORNAX  á fimmtudaginn.

„Ég baka allt mitt með fimmtíu ára gamalli KitchenAid-hrærivél sem bæði amma og mamma notuðu og báðar þessar konur bökuðu mikið. Mér finnst hún notaleg tenging við ömmu mína. Ég á nokkrar handskrifaðar uppskriftabækur frá báðum ömmum mínum.“

Kristín segist fá útrás fyrir sköpunargleðina við baksturinn. Hún sé þó íhaldssöm þegar kemur að skreytingum og hafi til dæmis ekki tekið þátt í „sykur­massabrjálæðinu“ eins og hún kallar það. Hún sæki innblástur til sjöunda og áttunda áratugarins. Fyrir jólin bakar hún alltaf nokkrar sortir.

„Ég er ekki byrjuð en strax í desember fer ég að baka. Ég er búin að plana mörgum mánuðum fyrr hvað ég ætla að baka og ligg yfir uppskriftum og reyni að láta mér detta eitthvað nýtt í hug,“ segir Kristín.

„Ég er bæði að búa til uppskriftir og breyti líka mikið gömlum uppskriftum. Það hefur ekki allt heppnast frábærlega en inn á milli tekst eitthvað mjög vel. Yfir­leitt eru minnst þrjár misheppnaðar tilraunir að baki hverri uppskrift sem heppnast.“

Hvers konar smákökur heilluðu dómnefndina?

„Ég byggi uppskriftina á amerískum skátakökum en ég var au-pair í Bandaríkjunum sem unglingur. Litla stelpan sem ég passaði var í skátunum og seldi kökur í þessum dúr. Pólýnesíurnar eru mjög jólalegar og dálítið tímafrekar í vinnslu. Þetta er hin fullkomna smákaka til að dunda sér við og hlusta á jólalög.“

Umsögn dómnefndar KORNAX um smákökur Kristínar: „Flott og góð jólakaka sem bráðnar í munni. Smekkleg og falleg. Gott jafnvægi milli hráefnanna. Karamellan og kókosinn gera gæfumuninn.“

Dómnefndina skipa Eva Laufey Kjaran matarbloggari og þáttastjórnandi, Axel Þorsteinsson konditor, Albert Eiríksson matarbloggari og ástríðukokkur og Silja Mist Sigurkarlsdóttir vörumerkjastjóri hjá Nóa Síríus. 

 


Kökurnar sem heilluđu dómnefndina
Kökurnar sem heilluđu dómnefndina

Uppskrift að sigurkökum Kristínar

Pólynesíur

225 gr ósaltað smjör
100 gr sykur
250 gr KORNAX hveiti
¼ tsk lyftiduft
½ tsk salt
1 tsk vanilludropar
2 msk mjólk

Uppskrift kókostoppur:

500 gr ljósar karamellur
250 gr kókosmjöl
3 msk rjómi
½ tsk salt
100 gr Nóa Síríus suðusúkkulaði

Aðferð smákökur:

Hrærið smjör og sykur saman í hrærivél eða með handþeytara.
Sigtið saman öll þurrefnin og hrærið þeim vel saman við sykurinn og smjörið í þremur áföngum.
Bætið mjólkinni og vanilludropunum saman við með höndum þar til deigið helst vel saman.
Skiptið deiginu í tvær kúlur og vefjið inn í plastfilmu.
Setjið deigið inn í ísskáp í eina klst.
Takið deigið út og rúllið þar til það verður minna en ½ cm að þykkt.
Skerið út smákökur með litlu glasi eða smákökuhring (um 5 cm í þvermál).
Skerið svo minni hring út í hverri köku með t.d. flöskutappa eða rjómasprautustút.
Bakið í miðjum ofni við 175°C í 10-12 mínútur eða þar til að kökurnar verða ljósgylltar.

Kókostoppur aðferð:

Ristið kókosmjölið í ofni í 10 mínútur við 175°C þangað til það verður gyllt.
Gætið þess að hræra í því af og til svo það bakist jafnt.

Bræðið karamellurnar yfir vatnsbaði og bætið rjómanum og saltinu út í þegar þær hafa bráðnað alveg. Takið frá ¼ af karamellubráðinni. Blandið kókosmjölinu við ¾ af karamellubráðinni.

Þegar smákökurnar hafa kólnað er ¼ af karamellubráðinni smurt yfir smákökurnar. Því næst er kókostoppurinn mótaður í höndunum fyrir hverja köku og settur í hring ofan á karamellubráðina, kælið.

Að lokum er suðusúkkulaðið brætt yfir vatnsbaði og botninn á smákökunum dýft varlega ofan í þar til súkkulaðið þekur botninn. Restin af súkkulaðinu er svo notað til að skreyta kökurnar að ofan.


Sigrađi smákökusamkeppni KORNAX

Annað sætið hreppti Eyrún Eva Haraldsdóttir og Hugrún Britta Kjartansdóttir var í því þriðja.



Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Matarv.

TAROT DAGSINS

Dragđu spil og sjáđu hvađa spádóm ţađ geymir.
Forsíđa / Lífiđ / Matur / Sigrađi smákökusamkeppni KORNAX
Fara efst