MIĐVIKUDAGUR 31. ÁGÚST NÝJAST 14:49

Lars samdi viđ Svía út nćsta ár

SPORT

Ríkisstjórnin taki saman föggur sínar

 
Innlent
07:00 30. MARS 2016
Ţrír ráđherrar í ríkisstjórninni tengjast aflandsfélögum.
Ţrír ráđherrar í ríkisstjórninni tengjast aflandsfélögum. FRÉTTABLAĐIĐ/VILHELM

Bjarni Benediktsson fjármálaráðherra og Ólöf Nordal innanríkisráðherra eru á lista yfir einstaklinga sem tengjast skattaskjólum eða aflandsfélögum erlendis.

„Það er auðvitað alvarlegt mál ef stór hluti úr forystusveit stjórnmálaflokka er að taka þátt í öðrum veruleika en fólkið í landinu,“ segir Árni Páll Árnason, formaður Samfylkingarinnar. Hann segir að þetta sýni mikilvægi þess að kanna mál til fulls en vill ekkert fullyrða um hvort lögð verði fram vantrauststillaga.


Árni Páll segir ađ kryfja ţurfi málin til mergjar.
Árni Páll segir ađ kryfja ţurfi málin til mergjar.

„Mál geta verið ólík. Þau geta snúið að meðferð opinbers valds og þau geta líka snúið að einkahagsmunum en þau geta líka snúið að trúnaðarbroti gagnvart kjósendum, hvort staðreyndirnar séu annars eðlis en látið var í veðri vaka eða hvort staðreyndum var haldið leyndum,“ segir Árni.

Svandís Svavarsdóttir, þingflokksformaður Vinstri grænna, hefur áður lagt til að stofnuð verði um málið rannsóknarnefnd. Árni Páll útilokar ekki að reynt yrði á slíkt. „Það er eitt sjónarmið ef önnur úrræði sem við höfum duga ekki,“ segir hann.

Svandís segir að staðan sem komin sé upp sé óboðleg. Stjórnarandstaðan hittist klukkan tvö í dag til að stilla saman strengi, en ekki séu öll kurl komin til grafar.

Spurð hvort þetta auki líkurnar á að vantraust verði lagt fram segir hún að þetta auki líkurnar á að ríkisstjórnin átti sig á því að hún þurfi að taka saman föggur sínar. „Það væri eðlilegast. Ríkisstjórninni er ekki sætt lengur, við þurfum kosningar.“


Svandís vill ađ bođađ verđi til kosninga.
Svandís vill ađ bođađ verđi til kosninga.

Bjarni Benediktsson keypti fyrir tíu árum fyrir 40 milljónir króna í eignarhaldsfélagi sem hélt utan um kaup á fasteign í Dúbaí.

„Ég gerði grein fyrir kaupum á félaginu og niðurlagningu þess gagnvart íslenskum skattyfirvöldum,“ skrifar Bjarni í stöðuuppfærslu á Facebook í gærkvöldi en segist ekki hafa vitað að umrætt félag væri skráð á aflandssvæði á Seychelleseyjum. „Það hafði þó engin áhrif í skattalegu samhengi.“

Árið 2009 var félagið sett í afskráningarferli og Bjarni segist ekki hafa tekið þátt í hlutabréfaviðskiptum síðan hann tók við formennsku í Sjálfstæðisflokknum. 

Árið 2006 stofnaði Landsbankinn í Lúxemborg félag utan um hugsanleg viðskipti Tómasar Sigurðssonar, eiginmanns Ólafar Nordal, erlendis. Bankinn var skráður eigandi, Tómas og Ólöf með umboð fyrir félagið. „Það mun vera skýring á því að nöfn okkar eru á umræddum lista,“ segir Ólöf í yfirlýsingu á Facebook-síðu sinni. Tómas hafi þó aldrei tekið við eignarhaldsfélaginu og félagið aldrei farið í fjárfestingar.

Ólöf baðst undan viðtali vegna veikinda og ekki náðist í Bjarna sem er í fríi erlendis.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Ríkisstjórnin taki saman föggur sínar
Fara efst