Óvíst með framhaldið hjá Vilborgu - Adventure Consultants gera hlé á starfsemi sinni

Fyrirtækið Adventure Consultants hefur ákveðið að fara ekki í fleiri ferðir upp á topp Everest fjalls að sinni en þrír starfsmenn þess voru í hópi leiðsögumannannna sem fórust á fjallinu á dögunum.

Vilborg Anna Gissurardóttir ætlaði á fjallið með þessu fyrirtæki og því er alls óvíst um hvort hún eigi kost á að reyna við að komast upp á þetta hæsta fjall jarðar.

Í tilkynningunni segir að fyrirtækið vilji gefa samfélagi Sherpa, sem eru leiðsögumenn á fjallinu, tækifæri til þess að syrgja látna félaga og fjölskyldumeðlimi og því hafi sú ákvörðun verið tekin að hætta starfsemi á þessu tímabili.