Ófćrđ á Suđurlandi

 
Innlent
07:05 12. JANÚAR 2016
Vonskuveđur og vegir lokađir víđa.
Vonskuveđur og vegir lokađir víđa. VÍSIR/FRIĐRIK ŢÓR

Margar helstu aðalleiðir á sunnanverðu landinu lokuðust í gærkvöldi og í nótt vegna snjókomu og skafrennings. Þannig var Hellisheiði og Þrengslum lokað á miðnætti en mokstur er hafinn.

Þá er víða ófærð í þéttbýli eins og Selfossi og Þorlákshöfn og hefur lögregla þurft að aðstoða nokkra ökumenn í nótt á þessu svæði. Sumstaðar er líka þæfingur í hliðargötum á höfuðborgarsvæðinu en búið er að hreinsa aðal umferðaræðar. Víðasthvar hefur dregið úr snjókomu á þessum slóðum og svo á vind heldur að lægja.

Uppfært 8:06:
Nú er búið að opna veginn um Þrengsli en Hellisheiði er enn lokuð. „Búið er að opna Suðurstrandarveg og Mosfellsheiði. Slæm færð er um mestallt Suðurland, þæfingsfærð víða og sums staðar þungfært en mokstur er hafinn.

Vegir eru óðum að verða færir á Vesturlandi, þó er ófært á Fróðárheiði og Útnesvegi á Snæfellsnesi. Éljahraglandi er á Vestfjörðum en vegir vel færir.

Hálkublettir eru á vegum á Norðurlandi vestra, raunar þæfingur á Siglufjarðarvegi en verið að hreinsa. Við Eyjafjörð og í Þingeyjarsýslum er hins vegar víða snjókoma, og snjóþekja eða hálka á flestum vegum.

Þæfingsfærð er á Háreksstaðaleið og Fjarðarheiði en verið að hreinsa. Annars er hálka á flestum vegum á Austurlandi, alveg suður í Öræfi,“ segir í tilkynningu frá Vegagerðinni.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Ófćrđ á Suđurlandi
Fara efst