Mesta ánægjan með velferðarráðherrana, minnsta með utanríkisráðherra

Mest ánægja var með störf ráðherranna í velferðarráðuneytinu, Kristjáns Þórs Júlíussonar heilbrigðisráðherra og Eyglóar Harðardóttur félags- og húsnæðismálaráðherra, eða hjá þriðjungi þeirra sem tóku afstöðu í nýrri könnun Capacent um ánægju þjóðarinnar með störf ráðherra ríkisstjórnarinnar.

Minnst ánægja var með störf Sigurðar Inga Jóhannssonar sem umhverfis- og auðlindaráðherra og störf Gunnars Braga Sveinssonar utanríkisráðherra.

Mesta óánægjan mældist einnig með störf Gunnars Braga Sveinssonar utanríkisráðherra, ásamt Sigmundi Davíð Gunnlaugssyni forsætisráðherra, eða 63% óánægja.