Mæla með að utanríkisráðherra beiti sér til stuðnings Vestur-Sahara

Utanríkismálanefnd Alþingis mælir með því, í nýútgefnu nefndaráliti, að þingsályktunartillaga um stuðning við sjálfsákvörðunarrétt íbúa Vestur-Sahara verði samþykkt.

Í henni felst bæði staðfesting á fyrri afstöðu Íslands að sjálfsákvörðunarréttur íbúa Vestur-Sahara verði virtur og hvatning til utanríkisráðherra um að beita sér með virkum hætti á alþjóðavettvangi fyrir þeirri stefnu.

Vestur-Sahara var innlimað af Marokkó fyrir rúmum 30 árum. Þó hafa vestræn ríki, og þar með talið Ísland, hvorki viðurkennt sjálfstæði Vestur-Sahara né innlimun Marokkó.